Romanos 5:2 - El Nuevo Testamento

² Ixi juasie Ncháina Cristo Jesús, chao tonchjiñeꞌena ngajin ndo Dio ixi chuntiana ndo ko jeꞌe ndo tjaunna ndo ko méxin jaña ícha chuntiana. Ko juaxruxin stena ixi stechonꞌenna tsayéꞌena juachaxin ijié chónda ndo.

Romanos 5:2 ပူးပေါင်းရင်းမြစ်များ

Mateo 25:21

Tjumeꞌe nchée xinchexra̱ meꞌe ndachro: “Chao jian juincheꞌe jaꞌa, xinchexráana, ixi jian kuitikaoan. Ti kueyaꞌi tomi tjáꞌa ko jian juincheꞌe, ko jai ícha kueya tsayeꞌé. Takeꞌé juaxruxin jaꞌa.”

San Juan 10:7

Tjumeꞌe ndachro ndo Jesús íjngo: ―Nduaxin ndachrja̱n ixi janꞌan nta̱chja meꞌe tixixin kutuchjon.

San Juan 10:9

Janꞌan nta̱chja meꞌe: siá tixinxinnta janꞌan, tsitjáñaꞌinta ko xrokjannta xranchi kutuchjonna tsachrjexin ba ti jijeꞌe̱ ba ko tixinꞌin ba ko titja ba ngeꞌe ine ba.

San Juan 14:6

Ko ndachro ndo Jesús: ―Janꞌan chaꞌo ko janꞌan chijni nduaxin ko janꞌan tsajon juachaxin stechón chujni. Xroꞌan ngisen itji ti jii Ndotána siá tsjixinꞌa sen ixi janꞌan.

San Juan 5:24

’Nduaxin ngeꞌe ntatjunta: Ngisen tinꞌen ngeꞌe ntatjunta ko titikaon Ndo xruanꞌanna, chónda sen juachaxin tsechón sen kain nchakon ko tangiꞌa tsonꞌen sen, ixi ó kuatsinga ti tsenꞌen sen ko jai tsechón sen kain nchakon.

Hechos 14:27

Ko nchakon kuiji sen tjajna Antioquía xraꞌo kain sen titikaon ndo Jesús ko kuaxi chronga ndo Pablo xranchi bingijna ndo Dio ngajin sen ko xranchi kuajon ndo Dio juachaxin sinchekuenꞌen sen ni jeꞌa judío ixi kaxon xrochuntia na̱ Ncháina Jesús.

Romanos 11:20

Chao meꞌe. Ko ndo Dio kuintuꞌe ndo na̱ ixi jeꞌe na̱ kuitikaonꞌa na̱ ndo. Ko jaꞌanta kuayeꞌenta juachaxin ixi chuntianta ndo. Méxin, nchejiéꞌa asáanta. Cháña titikaonnta ndo.

Romanos 12:12

Takeꞌénta juaxruxin ixi ti xrastechonꞌennta ti jian tsi̱i̱, ko cháꞌanta maski tangi tsonꞌannta, ko tintueꞌanta nichjeꞌenta ndo Dio.

Romanos 14:4

Ixi, ¿ngisen jaꞌanta ixi xronichjanta kontree naa sen kichuunta, sen ncheꞌe ixra̱ ngajin inaa ngisen? Siá sen nchexra̱ meꞌe, á chao o̱ chaoꞌa juincheꞌe sen ixra̱, nchée sen meꞌe xrondachro á chao o̱ chaoꞌa jii ti juincheꞌe sen. Ko jian ixra̱ sincheꞌe sen ixi Ncháina chónda ndo ijié juachaxin tsingijna ndo sen ixi jian sincheꞌe sen.

Romanos 15:13

Ndo Dio, ndo tsajon juachaxin stechonꞌennta, xrotjáanta ndo juaxruxin ko xrochaꞌanta ixi titikaonnta ndo, ixi juachaxien Espíritue ndo xrochonꞌénnta ngeꞌe tsayeꞌenta.

Romanos 2:7

Ko tsajon ndo juachaxin tsechón na̱ kain nchakon, ni juée kain juachaxien ndo Dio ko juée na̱ tsechón na̱ ti jii jeꞌe ndo, ko ni ndako ko jian juincheꞌe ixra̱.

Romanos 3:23

Ixi kain chujni chónda na̱ ijie̱, ko juaꞌi tsikon na̱ juachaxin chónda ndo Dio méxin chondaꞌi na̱ juachaxin tsakeꞌe na̱ ti jii ndo Dio.

Romanos 5:5

Ko ti jian stechonꞌenna nduaxin tsi̱i̱ ixi ndo Dio tsango tjaunna ndo ko tsichjai̱na ndo Espíritue ndo.

Romanos 8:1

Jai sen titikaon ndo Cristo Jesús, íxroꞌan ijie̱ sínká sen. Jeꞌo tjaun sen tsitikaon sen Espíritue ndo Dio ko ncheꞌa sen ti tjaun cuerpoe sen.

Romanos 8:24

Ó kuayeꞌena juachaxin tsechónna kain nchakon ixi titikaꞌonna ko stechonꞌenna ngeꞌe xratikonꞌana. Siá xrobikonna ngeꞌe stechonꞌenna íxrokondaꞌi xrochonꞌenna ícha. Ngeꞌe ó tikonni íxrokondaꞌi xrochonꞌenni ti tikonni.

1 Corintios 15:1

Kichuuna, jai tjaꞌon sintaxraxaonnta chijni jian juintakuanꞌannta. Chijni meꞌe kuayeꞌenta ko jian rititikaonnta.

2 Corintios 3:18

Ko kain jai̱na íxroꞌan manta jijee̱xin ikonna; jai̱na stena xranchi naa xrosenda tóngíxin ixi tjakona juachaxien Ncháina, ko jeꞌe ndo tindoxin ndo ti xraxaonna. Kain jiꞌi tonꞌen ixi ixra̱ ncheꞌe Espíritue ndo Dio ngaya aséei̱na, ko jaña ícha ko ícha stena xranchi jii jeꞌe ndo.

2 Corintios 4:17

Ko maski tangi tatsingana ngataꞌa nunte ntiꞌi, jiꞌi tsonchrjenꞌa, tuinxin tsatsinga juachjaon ko kondeexin meꞌe, ndo Dio xrochjai̱na ndo ijié juachaxin ti naiꞌa tsjexin.

Efesios 2:18

Ko ixi juachaxien ndo Cristo, kainna, sen judío o̱ sen jeꞌa judío, chao tsonchjiñeꞌena ngajin Ndotáina Dio ixi xrajeꞌo Espíritue ndo kuayeꞌena.

Efesios 3:12

Juasie ndo Cristo kuajon ndo juachaxin chao tsonchjiñeꞌena ngajin ndo Dio ko xroxronkaꞌi ixi jai̱na chuntiana ndo.

Efesios 6:13

Méxin, tjancheꞌenta kain juachaxien ndo Dio ixi jaña soji tsakeꞌenta nchakon tse̱to̱kuꞌunta ti ñaꞌi, ko nchakon tsjexin tse̱to̱kuꞌunta, ícha soji tsakeꞌe asáanta.

2 Tesalonicenses 2:16

Ncháina Jesucristo ko Ndotáina Dio jian ndo ixi tjaunna ndo, ko tajon ndo juachaxin ixi juaxruxin tsakeꞌe aséei̱na ko xrochuntiana ixi kain nchakon tsojuna ngajin ndo.

Hebreos 3:6

Ko ndo Cristo, Chjenꞌen ndo Dio, tsango tayakonꞌen ndo ndoꞌa ndo Dio ko nchia meꞌe jai̱na, siá nduaxin tsitikaonna ndo, xrochéꞌe aséei̱na ko xrochuntiana ixi tsayéꞌena ti ngeꞌe tsajon ndo tsijija nchakon tsjexin kain ngeꞌe.

Hebreos 6:18

Jii yuu ngeꞌe tsinichja ndo Dio meꞌe juaꞌi tsindoxin: ti jeꞌo jeꞌe ndo nichjaxin aséen ndo ko ti tsindachro ndo tsi̱tu̱nꞌe̱n sen titikaon ndo, ko ndo Dio juaꞌi sincheya ndo; ko meꞌe ícha sinchesojina ixi xrochuntiana ixi jeꞌe ndo xrochjai̱na ndo ti tsindachro ndo.

1 Pedro 3:18

Ixi kaxon ndo Cristo jeꞌo naa kuenꞌen ndo ixi jíei̱na. Jeꞌe ndo jian ndo ko kuenxin ndo ixi jai̱na ni ñaꞌi, ixi jaña tsjentona ngajin ndo Dio. Ndo Cristo kuenꞌen cuerpoe ndo ko Espíritue ndo Dio juinchexechón ndo.

Apocalipsis 21:11

Ko tóngíxin tjajna xranchi chjiixro nchengasáña ndo Dio, tsango tóngíxin xranchi naa ixro tsango chaxro, xro jaspe chaxro tikonni xranchi xroxrao.

Apocalipsis 21:23

Ko tjajna xrokondeꞌa tjajna chjiixro ko nchanitjao tsingasáñaxin. Ixi ntiꞌa tingasáña ndo Dio ko Xjantuchjon ixi jeꞌe sen xroꞌi tingasáñaxin tjajna.

Apocalipsis 21:3

Tjumeꞌe kui̱nꞌa̱n séen nichja naa tée sen kui̱xi̱n ngajní ko ndachro: ―Ndo Dio jii ndo ti ste chujnie ndo, ko jeꞌe ndo tsekao ndo sen ko jeꞌe sen xrokjan sen tjajnée ndo ko jeꞌe ndo ndo Dio tikinixinꞌen sen.

Apocalipsis 3:21

Ko ngisen tsjacha tsatsinga kain ngeꞌe tangi, janꞌan xrotjáꞌa sen juachaxin tsakeꞌe sen ngajin ti ritetuanꞌan; xranchi janꞌan juácha kuatsinga kain ngeꞌe tangi ko Ndotána chjána ndo juachaxin tsakeꞌe ti tetuanꞌan jeꞌe ndo.