Mateo 6:19 - El Nuevo Testamento

¹⁹ *’Tasintjaꞌinta ti tjintee jii ngataꞌa nunte ntiꞌi, ixi ntiꞌi tiꞌi kuchi̱i ko itjo kain ngeꞌe, ko xicheꞌe chao tixinꞌin xa ndointa ko tse̱e xa ti tjintee chondanta.

Mateo 6:19 ပူးပေါင်းရင်းမြစ်များ

Mateo 19:21

Ko ndo Jesús juatingíexin ndo: ―Siá nduaxin tjauan sinchetjúá asáan, nchekjia kain ngeꞌe tjintee chonda, ko tonchjiyeꞌe sen nóa kain tomia. Ko meꞌe xrochónda ti tjintee jii ngajní. Tjumeꞌe tsjiꞌia ko xrokjan jaꞌa naa sen ruaꞌna.

Mateo 6:20

Cháña ngajní tasintjanta kain ti tjintee ixi ntiꞌa kuchi̱i xroꞌan ncheꞌe ba, ko ntiꞌa xroꞌan ngeꞌe itjo, ko xicheꞌe juaꞌi tse̱e xa.

San Lucas 12:21

Ko jaña tsonꞌen kain ni ícha tjaun xrochónda tomi ko kain ngeꞌe jii ngataꞌa nunte ko xroꞌan ngeꞌe chónda na̱ ngajin ndo Dio.

San Lucas 12:33

Nchekjinta ti chondanta ko chje̱ꞌénta tomi ni nóa; ko tjumeꞌe nchekonchjiannta puxa tichjeꞌa, ixi jaña xrochondanta ti ícha tjintee ngajní, ko meꞌe kain nchakon tsakeꞌe ko tsjexinꞌa. Ixi ntiꞌa juaꞌi tixinꞌin xicheꞌe ko ti̱ꞌa kuchi̱i.

San Lucas 12:39

*Ko tienxinnta jiꞌi: siá xi nchée naa nchia xrokonoꞌe xa ngeꞌe hora tsi̱i̱ xicheꞌe, jeꞌe xa xrokuejuaꞌi xa hora meꞌe, ko xrokuintueꞌa xa tse̱e̱ xicheꞌe ndoꞌa xa.

San Lucas 18:22

Ko kuinꞌen ndo Jesús ngeꞌe ichro xa, ko jeꞌe ndo juatingíexin ndo: ―Xratitjáña naa ngeꞌe sincheꞌe. Nchekjia kain ngeꞌe chonda ko tonchjeyeꞌé ni nóa tomi meꞌe, ko xrochónda ngeꞌe ícha tjintee ngajní. Ko tjumeꞌe tsjiꞌia ruaꞌna̱na.

San Lucas 18:24

Ko ti bikon ndo Jesús ixi tsango kuechíín xa, ndachro ndo: ―¡Tangi tixinꞌin naa ngisen chónda itsjé tomi ti tetuanꞌan Ndo Dio!

1 Timoteo 6:17

Ko ni chónda kueya ngeꞌe ntiꞌi nunte xasintajni, ndache na̱ ixi sinchejiéꞌa aséen na̱ ko tetuenꞌen na̱ ixi xrochúntiaꞌi na̱ ngeꞌe chónda na̱ ixi kainꞌa nchakon xrochónda na̱ ti tjintee. Cháña tsitikaon na̱ ndo Dio, ndo jichón, ixi jeꞌe ndo tsajon ndo kain ngeꞌe ixi jeꞌe ndo tjaun ndo juaxruxin tsintee na̱.

Hebreos 13:5

Tjueꞌanta tomi, takeꞌénta juaxruxin ixi jeꞌo ti richondanta; ixi tsindachro ndo Dio: “Janꞌan tsintuaꞌinta ko xrotjáñanaꞌi ixi jaꞌanta.”