Mateo 5:22 - El Nuevo Testamento

²² Ko janꞌan ndachrja̱n siá xrojan ngisen xraningakonꞌen sen sen kichuu, sen meꞌe tsitsingataꞌa sen ijie̱. Ko ngisen tsengeꞌe kichuu teka, sen meꞌe, ni tetuanꞌan tsjankataꞌa na̱ sen ijie̱. Ko ngisen xrondache sen kichuu ixi tsinchetjáña jaa sen, sen ndachro meꞌe satsji sen ngangi xroꞌi kain nchakon.

Mateo 5:22 ပူးပေါင်းရင်းမြစ်များ

Mateo 10:17

*Jian tsjeꞌenta ixi kaxin chujni xrotsénta na̱ ko tsikuꞌunta na̱ ngajin ni tetuanꞌan, ko ngaxinꞌin ningue na̱, ntiꞌa tsikaonxinnta.

Mateo 10:28

Xrakuenꞌanta chujni tsóña ntauꞌeni ixi ni meꞌe juaꞌi tsóña na̱ aséenni. Jaꞌanta xroxrakonꞌennta ngisen chao xroxruanꞌan asáanta ko ntauꞌanta ti jiche xroꞌi.

Mateo 12:24

*Ko kuinꞌen xi fariseo ixi jaña stenichja na̱, méxin ndachro xa: ―Xi Jesús jiꞌi tantsje xa espíritu ñaꞌi ixi chónda xa juachaxien Xixronꞌanxrée, xi tsango ñaꞌi, xi tetuenꞌen kain espíritu meꞌe.

Mateo 17:5

*Ko xrajinichja ndo Pedro, naa itjui̱ tsango jitóngíxin kuitsía sen ko ngakjenꞌen itjui̱ meꞌe kuinꞌen sen naa tée inaa sen nichja ko ndachro sen jaꞌin: ―Jiꞌin chjanꞌna tsango tjuaꞌa ko tsango juaxruxin ritjén ixi ixra̱ jincheꞌe jeꞌe xjan. Titikaonnta ngeꞌe nichja xjan.

Mateo 18:21

*Tjumeꞌe konchjiñeꞌe ndo Pedro ko juanchangiꞌe ndo ndo Jesús: ―Nchána, ¿ngijanꞌin sintamaꞌa ngaya aséenna ngeꞌe ti ndakoꞌa juinchena sen kichian? ¿Á jeꞌo jaña ya̱a̱to̱ vez?

Mateo 18:35

Ndo Jesús juexin kueki ndo chijni jiꞌi, meꞌe ndachro ndo: ―Jaña kaxon Ndotána jii ngajní sintaꞌanta ndo ngujngu jaꞌanta siá jeꞌa nduaxin sincheméꞌenta ngaya asáanta ti ndakoꞌa juintaꞌanta sen kichuunta.

Mateo 23:15

’Lastu jaꞌanta ti nchekuenꞌennta chujni ko jaꞌanta chujni fariseo, ti tjako yuu ikonnta, ko tatsinganta ndachaon ko tsango ichrjinta ixi tsjachanta naa chujni tsitikaon ti tjakonta, ko nchakon juachanta chujni meꞌe, tsango chinga nchekuenꞌennta na̱, ko chujni meꞌe ícha ndakoꞌa ncheꞌe chujni ko chujni meꞌe ícha tikinixinꞌen chujni xrochexin xroꞌi ixi jaꞌanta.

Mateo 23:33

*’¡Jaꞌanta ti tsikachrjexinnta kunchee! ¿Xranchi satsingeꞌenta nchakon xrochexinnta xroꞌi?

Mateo 25:41

’Tjumeꞌe ndo Rey kaxon xrondache ndo ni ste ndatsjonxin ikjon: “Jaꞌanta ti yamanta ijie̱, satjixinnta ti ritjén janꞌan ko itjinta ti jii xroꞌi naiꞌa tsanga jichónꞌen xrochexin Xixronꞌanxrée ko kain ni ángel neꞌe xa.

Mateo 26:59

Ko xitaana ícha tetuanꞌan ko xi tachríi, ni meꞌe tjaun na̱ tsjankataꞌa na̱ ndo Jesús ijie̱ maski nduaxinꞌa ti ndachro na̱ ixi tjaun na̱ naatsóñaxón na̱ ndo.

Mateo 3:17

*Ko tuinxin kuinꞌenni naa tée séen kui̱xi̱n ngajní ko ndachro: ―Jiꞌin chjanꞌna tsango tjuaꞌa ko juaxruxin ritjén ngajin xjan.

Mateo 5:34

*Ko janꞌan ndachrja̱n ixi juaꞌi tsakéenta ndo Dio ko ncheꞌanta ti ndachronta o̱ ngixeꞌi naa ngeꞌe ti jii ngajní ixi ngajní meꞌe ntaxitueen ndo Dio, ti tetuanxin ndo.

Mateo 5:44

Ko janꞌan ntatjunta ixi tjueꞌenta ni ningakonꞌannta, ko ndachenta ndo Dio sinchenchaon ndo ni ndakoꞌa nichjaꞌanta, ko tingijnanta ni ningakonꞌannta, ko ndachenta ndo Dio ixi sincheméꞌe ndo ti ndakoꞌa juintaꞌanta na̱ ko ti chinga nichja na̱ ixi jaꞌanta ko ti benginta na̱.

Marcos 14:55

Ko xi tetuenꞌen xitaana ko kain xi ícha tetuanꞌan juée na̱ ngisen xrojuankataꞌa ijie̱ ngajin ndo Jesús ixi jaña naatsóñaxón na̱ ndo. Ko kuitjaꞌi xa ijie̱ ngajin ndo

Marcos 15:1

Tjumeꞌe ó bingasáña ko xitaana tetuanꞌan kao ni tachríi, ko ni tjako ley ko kain ni tetuanꞌan niꞌngo, xraꞌo kain na̱ juintejao kichuu xa ko juexin itsé na̱ ndo Jesús sabikao na̱ ndo ngajin xi Pilato.

San Lucas 12:5

Janꞌan xrontatjunta ngisen xroxrakonꞌennta: xrakonꞌennta ndo nduaxin tsantsjaꞌanta asáanta ko chónda ndo juachaxin xroxruanꞌannta ndo ti xroꞌi xrochexin kain ni ndakoꞌa ncheꞌe. Jeꞌo ngajin jeꞌe ndo xroxrankana.

San Lucas 22:66

Ko ndúyaxin xraꞌo kain xi tetuanꞌan niꞌngo, ko xi taana tetuanꞌan, ko kain xi tjako ley ko bikao xa ndo Jesús ti ste xi tetuanꞌan ntiꞌa ko ndachro xa:

San Juan 11:47

Tjumeꞌe xi fariseo ko xitaana tetuanꞌan xraꞌo na̱ ngajin chujni ícha tetuanꞌan, ko ndachro xa: ―¿Ngeꞌe sintuꞌuna ixi xi jiꞌi jincheꞌe xa itsjé ngeꞌe ijié?

San Juan 15:25

Ko jaña tonꞌen ixi xrokonda tsonꞌen ngeꞌe ndachro ley neꞌe na̱: “Ningakonna na̱ maski xroꞌan ijie̱ chonda.”

San Juan 7:20

Ko jeꞌe na̱ juateꞌe na̱: ―Jaꞌa chonda naa espíritue Xixronꞌanxrée. ¿Ngisen tjaun tsóñaxion?

San Juan 8:48

Ko ni judío ndache na̱ ndo Jesús: ―Nduaxin ndako ndachrja̱nna ixi jaꞌa naa chujni samaritano ko chónda naa espíritue Xixronꞌanxrée.

Hechos 17:18

Ko kaxin chujni tikinixinꞌen chujni ndatinꞌin epicúreos ko ikaxin ni tikinixin chujni ndatinꞌin estoicos kuaxi na̱ juao na̱ ndo Pablo. Kaxin na̱ ndachro na̱: ―¿Ngeꞌe xrondachro ti nichja xi jiꞌi? Ko kaxin na̱ ndachro na̱: ―Jinichja xa ixi inaa dio. Jaña ichro na̱ ixi juako ndo Pablo chijni jian kondee ndo Jesús ko ndachro ndo ixi ndo Jesús maski kuenꞌen ndo, xechón ndo íjngo.

Hechos 22:30

Ko ndúyaxin xi comandante tjaun xa tsonoꞌe xa ngeꞌe ijie̱ juankataꞌa ni judío ngajin ndo Pablo. Tjumeꞌe koxindanga xa chika cadena jichroaxin ndo ko kuetuanꞌan xa ixi xroxraꞌo kain xitaana tetuanꞌan ko kain xi tetuanꞌan ni judío, ko tjumeꞌe kuantsje xa ndo Pablo ko bakeꞌe xa ndo ti ste kain na̱.

Hechos 23:1

Tjumeꞌe ndo Pablo jian tsjeꞌe ndo ni tituanꞌan ni judío ko ndachro ndo: ―Kichuuna, ndo Dio jitsjeꞌe ndo ixi jian juintaꞌa janꞌan kain nchakon.

Hechos 24:20

Ko ni ste ntiꞌi xrochronga na̱ ngeꞌe ijie̱ richonda siá nduaxin xrojan ti ndakoꞌa juintaꞌa.

Hechos 4:15

Ko kuetuanꞌan xa ixi ndo Pedro ko ndo Juan tsachrje sen nduja ko tjumeꞌe jeꞌo xa kuituꞌe xa ngaxinꞌin nchia juintejao kichuu xa.

Hechos 5:21

Ko juexin kuinꞌen sen jiꞌi, ndúyaxin sakjui sen kuixinꞌin sen niꞌngo ko juinchekuenꞌen sen ni ste ntiꞌa. Ko xitaana tetuanꞌan ko ni chrikao xa kue̱ya̱ xa ixi xroxraꞌo ni tetuanꞌan Israel. Ko kuetuanꞌan na̱ ixi tsixrakua sen ste ndoꞌachjiso, sen kuincheꞌe Ncháina Jesús.

Hechos 5:27

Ko hora bikaꞌo xa sen, bakeꞌe xa sen ngajinxin xi tetuanꞌan, ko xitaana tetuanꞌan ndachro xa:

Hechos 6:12

Meꞌe tsango koñao kain ni tjajna ko xi tetuanꞌan niꞌngo ko xi tjako ley. Tjumeꞌe itsé na̱ ndo Esteban sabikao na̱ ndo ngajin ni tetuanꞌan.

Hechos 6:15

Tjumeꞌe xi tetuanꞌan ko kain ni ste ntiꞌa stetsjeꞌe na̱ ndo Esteban ko bikon na̱ ixi ikon ndo Esteban ikjan xranchi ikon naa ndo ángel.

Hechos 7:37

Jeꞌe ndo Moisés ndache ndo ni israelita: “Ndo Dio xroxruanꞌan naa ngisen xronichja chijnie ndo xranchi xruanꞌanna ndo janꞌan ko ndo meꞌe tsachrjenixin ndo ni kichuunta. Titikaonnta ndo.”

Romanos 12:10

Tjueꞌe kichuunta ixi titikaonnta Ncháina Jesús ko chóndeꞌe kichuunta juasaya.

1 Corintios 6:10

xicheꞌe, ni tjaun xrochónda itsjé ngeꞌe, ni kuan, ni nichja kontree inaa ngisen, ko ni ncheya, kain chujni jaña ncheꞌe, tsayéꞌa na̱ juachaxin tsakeꞌe na̱ ti jii ndo Dio.

1 Corintios 6:6

Ko jaꞌanta jeꞌa jeꞌo te̱to̱kuꞌu kichuunta, kaxon tjéenta inaa chujni sinchéña ijie̱ ngajinnta, ko ni meꞌe titikaonꞌa na̱ Ncháina Jesucristo.

1 Tesalonicenses 4:6

Ninaánta xrojuinchekaoꞌa kichuunta ti ndakoꞌa ixi Ncháina sincheniꞌe ndo chujni jaña ncheꞌe, ó juintaxraxaonnta saꞌó jiꞌi.

Tito 3:2

Ko xronichjaꞌi sen ninaa ngeꞌe ti ndakoꞌa ixi sen kichuu sen, ko takaꞌi tsoñao sen, ko xrotjueꞌe sen sen kichuu sen ixi jaña tsjakoxin sen ngeꞌe jian chónda sen ngaya aséen sen, ko jian xronichjeꞌe sen kain chujni.

Hebreos 12:25

Méxin, jian tsjeꞌenta ngisen jinichjaꞌanta ko titikaonnta ndo Dio, ixi sen tjajnée ndo, sen kuitikaonꞌa nchakon kuyakutee ndo sen ngataꞌa ijna̱ juaꞌi sabingeꞌe sen ndo. Méxin, jai̱na ícha juaꞌi satsingeꞌena ndo siá sintuꞌuna ti ndakoꞌa ko tsitikaonꞌana ndo, ixi jeꞌe ndo jinichjai̱na ndo ko tée ndo jiti̱ꞌxi̱n ngajní.

Hebreos 5:9

Jeꞌe ndo tsango tjúá aséen ndo ko kuitikaon ndo kain ngeꞌe kuituenꞌen ndo; méxin, jeꞌe ndo chónda ndo ijié juachaxin ko tsajon ndo juachaxin meꞌe ngajin sen titikaon ndo ko tsechón sen kain nchakon.

Santiago 2:20

Jaꞌa tóñaꞌñia ninta, titikáoan ixi ti chuntiana ndo Dio xrokonda tsingijnana ni kichuuna, ko siá sincheꞌana jaña, ti ndachrona chuntiana, tjinteꞌa.

Santiago 3:6

Jaña nejenni jii xranchi naa xroꞌi ko hora nichja ti ndakoꞌa, meꞌe ncheniꞌe nchijíi aséenni ko cuerpoeni. Ngeꞌe ndakoꞌa nichjani meꞌe tsitjáñaxin kain ngeꞌe jian jii ngaya aséenni, ko tsitjáñaxin kain chujni tinꞌen ngeꞌe nichjani ixi Xixronꞌanxrée nchekateya xa ixi ndakoꞌa xronichjani.

1 Pedro 2:23

Nchakon koyakuꞌe na̱ ndo, jeꞌa naxrajeꞌo juatingíexin ndo; ko nchakon chinga juinchekaon na̱ ndo, jeꞌe ndo juanchiaꞌi ndo ijie̱ tsama na̱. Jeꞌe ndo bakeꞌe ndo ngaya itja ndo Dio ngeꞌe jinchekaon na̱ ndo ixi ndo Dio nduaxin nchéña ndo ijie̱.

1 Pedro 3:9

Ko siá xrojan ngeꞌe ndakoꞌa juintaꞌanta xrojan ngisen, nchekuꞌinta na̱ naxrajeꞌo. Siá koyakuꞌanta na̱, jaꞌanta tuyakuenꞌanta na̱. Cháña tjancheꞌenta ndo Dio sinchenchaon ndo na̱ ixi jaꞌanta noꞌanta ndo Dio kuiyaꞌanta ndo ixi tsayeꞌenta naa ngeꞌe jian tsajon ndo.

1 Juan 2:9

Ko siá xrojan sen titikaon sen ndo Jesús ndachro sen ixi ste sen ti jii xroꞌi, ko xraningakonꞌen sen sen kichuu sen, sen meꞌe xraste sen ti naxixeꞌe.

1 Juan 3:10

Jaña tsonoñaxinna ngisen chjenꞌen ndo Dio ko ngisen chjenꞌen Xixronꞌanxrée, ixi ni ndakoꞌa ncheꞌe ko tjaunꞌa na̱ ni kichuu na̱, ni meꞌe jeꞌa chjenꞌen ndo Dio na̱.

1 Juan 5:16

Ngisen jitsjeꞌe ixi naa sen kichuu sen ndakoꞌa jincheꞌe sen, ko ijie̱ meꞌe jeꞌa ti tsenxin chujni, chao tsjancheꞌe sen ndo Dio sincheméꞌe ndo ijie̱ meꞌe, ko jeꞌe ndo tsajon ndo juachaxin tsechón sen meꞌe, ixi jii naa ijie̱ tsenxin chujni ko ndachrja̱n janꞌan ixi tsjancheꞌani ndo Dio ixi sen meꞌe.

Judas 1:9

*Ndo arcángel Miguel kuyakutee ndo Xixronꞌanxrée ko kue̱to̱kaꞌo ndo xa kondeexin cuerpoe ndo Moisés ixi Xixronꞌanxrée tjaun xa xrobikao xa cuerpoe ndo. Jeꞌe ndo ángel maski jaña konꞌen, kuyakuteꞌa ndo xa. Jeꞌo ndache ndo xa: “Nchána sinchéña ijie̱ ngajian.”

Apocalipsis 20:14

Tjumeꞌe juachaxin kuachónda xichononte ko ti no kuixrabaa chujni tsikenꞌen juankaꞌngi ndo Dio ti jiche xroꞌi, meꞌe ti xrondachro ti yuxin tsenꞌen chujni.