Mateo 5:17 - El Nuevo Testamento

¹⁷ ’Jaꞌanta xraxaonꞌanta ixi janꞌan juiꞌi ixi sintamaꞌa ley kuajon ndo Moisés ko ti ngeꞌe ndachro ikaxin sen nichja chijnie ndo Dio. Naꞌi. Janꞌan juiꞌi ixi tsitikaꞌon kain ti kuetuanꞌan ndo Dio ko sintakuanꞌannta ngeꞌe xrondachro chijni meꞌe.

Mateo 5:17 ပူးပေါင်းရင်းမြစ်များ

Mateo 3:15

Ko ndo Jesús juatingíexin ndo: ―Jaña xrokonda sincheꞌena jai, ixi jaña tsitikaonna kain ti kuetuanꞌan ndo Dio. Meꞌe ndo Juan kuitikaon ndo.

Mateo 7:12

*’Jaꞌanta nchekuunta chujni xranchi tjaunnta sintaꞌanta na̱ ixi jaña kuetuanꞌan ley neꞌe ndo Moisés ko jaña ndachro xroon tsikjin sen kuachronga chijnie ndo Dio.

San Lucas 16:17

*Ko janꞌan ntatjunta ixi ícha tangiꞌa tsitjáña ngajní ko nunte ntiꞌi ixi tsitjáña naa letrée chijnie Ndo Dio.

San Juan 8:5

Ko xroon tsikjin ndo Moisés ndachro ixi kain nchri jaña sincheꞌe tsóñaxin na̱ nchra ixro, ko jaꞌa, ¿ngeꞌe ndachrua?

Hechos 18:13

Ko ndache na̱ xi tetuanꞌan: ―Xi jiꞌi ichrji xa nchekateya xa chujni ixi tjaun xa jée xronichjexin na̱ ndo Dio, jeꞌa xranchi ndachro ley.

Hechos 21:28

Ko stekoyako na̱ ko ndachro na̱: ―Kainnta, ni tjajna Israel, tingijnananta. Xi jiꞌin ichrji xa nguixin nunte ko tjako xa ngeꞌe jeꞌa jian kondee tjajnai̱na, ko titikaonꞌa xa ley kuetuanꞌan ndo Moisés, ko titikaonꞌa xa ningoina. Ko jai tsixraxinꞌin xa kaxin ni griego ko ncheki̱tja̱ xa ngaxinꞌin niꞌngo tjúá.

Hechos 6:13

Kaxon juée na̱ ni ncheya ixi ndachro na̱ ndakoꞌa juako ndo Esteban ko ndachro na̱: ―Xi jiꞌi tsango nichjangíꞌe xa ningoina ko ley kuetuanꞌan ndo Moisés.

Romanos 10:4

Ko jai ixi ti kuenꞌen ndo Cristo, ña̱ juexin juachaxien ley tsoméxin ijie̱, ko jai ixi tsitikaonna ndo Cristo meꞌe sincheméꞌe ijie̱ chondana.

Romanos 3:31

Ko siá chuntiana Ncháina Jesucristo, ¿á íxrokuitikaonꞌana ley kuetuanꞌan ndo Dio? Naꞌi, ícha ndako tsitikaonna ley kuetuanꞌan ndo.

Romanos 8:4

Jaña konꞌen ixi jai̱na jian xrokuitikaonna kain ti tetuanꞌan ley ko xrokuitikaonꞌana ti ndachro cuerpoi̱na. Ícha jian xrokuitikaonna Espíritue ndo Dio.