Mateo 4:24 - El Nuevo Testamento

²⁴ Ko kain ti ixra̱ jian kuancheꞌe ndo, meꞌe konoꞌe ni ste nunte Siria ko bikaꞌo na̱ kain ni kuachónda ngixeꞌi ichin ko ni chónda espíritue Xixronꞌanxrée, ni bakendáa, ko ni juaꞌi itji, ko ndo Jesús juinchexruenꞌen ndo na̱.

Mateo 4:24 ပူးပေါင်းရင်းမြစ်များ

Mateo 12:22

Kaxin chujni bikaꞌo na̱ naa xi niꞌe ixi ndo Jesús sinchexrjuenꞌen ndo xa. Xi meꞌe tikonꞌa xa ko nichjaꞌi xa ixi chónda xa espíritue Xixronꞌanxrée. Ko ndo Jesús juinchexruenꞌen ndo xa ko tuinxin nichja xa ko bikon xa.

Mateo 14:1

Nchakon meꞌe xi ndatinꞌin Herodes Antipas, xi tituenꞌen nunte Galilea, kuinꞌen xa ti kuanichja chujni ngeꞌe jian kuancheꞌe ndo Jesús.

Mateo 15:22

Ko naa nchri cananea jii ndoꞌa nchra no nunte meꞌe, kui̱i̱ nchra ngajin ndo Jesús ko séen jitoyako nchra: ―Nchána, Chjenꞌen ndo David, tikonóananinta ixi xjanchrichjanꞌna chónda xjan naa espíritue Xixronꞌanxrée ko tsango tangi jii xjan.

Mateo 17:15

―Nchána, tikonóeꞌénta chjanꞌna ixi jeꞌe xjan chonda xjan ichin tendaa ko tsango tangi tonꞌen xjan. Nanaunka titsinga xjan ngataꞌa xroꞌi ko ngangi inda.

Mateo 17:18

Ko tjumeꞌe ndo Jesús kuyakutee ndo espíritue xi ñaꞌi ko tuinxin espíritu meꞌe kuachrjexin xjan ko ndakoxruenꞌen xjan.

Mateo 4:23

*Ndo Jesús kuaji ndo nchijíi nunte Galilea ko banchekuenꞌen ndo chujni ngaxinꞌin ningue ni israelita ngujngu tjajna ti bakiji ndo ko kuanchekuenꞌen ndo na̱ chijni natjúá ti tetuanꞌan ndo Dio ko kuanchexruenꞌen ndo kain ichin ko kain ti tiín na̱.

Mateo 8:28

Hora ndo Jesús kuiji ndo tuenxin ndachaon ti jii nunte Gadara, kuachrje kui̱i̱ yuu xi ste ti no xrabaa ni tsikenꞌen. Xi meꞌe chónda xa espíritue Xixronꞌanxrée ko tsango chinga ncheꞌe xa, meꞌe xronka chujni, méxin tatsingaꞌi na̱ ti jii chaꞌo meꞌe.

Mateo 8:33

Ko ni stetsjeꞌe kuchinga xronka na̱ ko sabinga na̱ sakjui na̱ tjajna ko bekiꞌe na̱ chujni ngeꞌe konꞌen kuchinga ko ngeꞌe konꞌen xi kuachónda espíritue Xixronꞌanxrée.

Mateo 8:6

―Nchána, nía jii naa chán nchexra̱na ko jeꞌe chán níexin chán ichin juaꞌi tontengini ko tsango tiín chán.

Mateo 9:26

Ko tsango ijié ixra̱ juincheꞌe ndo Jesús, nchijíi nunte meꞌe konoꞌe na̱.

Mateo 9:35

*Ndo Jesús kuaji ndo itsjé tjajna, tjajna ijié ko tjajna nchínchín banchekuenꞌen ndo chujni Israel ngaxinꞌin ningue na̱, ko chronga ndo ti juachaxin jian bikaoxin ndo ti tetuanꞌan ndo Dio. Ko juinchexruenꞌen ndo kain chujni kuachónda ichin ko kain ti tiín na̱.

Marcos 1:28

Ko nchijíi nunte Galilea konoꞌe na̱ xranchi nchexruenꞌen ndo Jesús chujni ko xranchi nichja ndo.

Marcos 1:32

Ko ó kuitaon nchakon ko kontie, ko bikao na̱ ni niꞌe ko ni chónda espíritue Xixronꞌanxrée ti jii ndo Jesús

Marcos 2:3

Ko tjumeꞌe kui̱i̱ noó xi bikao xa naa xi juaꞌi nchetengi tutée.

Marcos 2:4

Méxin, juaꞌi konchjiñeꞌe xa ti jii ndo Jesús ixi kueya na̱ ste ntiꞌa. Ko kuajinꞌin xa ngataꞌa nchia ko konxrato xa ngataꞌa nchia ko ntiꞌa juinchexingajinxin xa xi niꞌe jitaꞌa kania.

Marcos 2:9

¿Ngeꞌe ti ícha tangiꞌa xrontatjan xi niꞌe? ¿Á ícha tangiꞌa xrontatjan xa ixi koméꞌe ti ndakoꞌa juincheꞌe xa, o̱ tsingatjen xa ko xrotsé xa kanieꞌe xa ko tsaxi tsaji xa?

San Lucas 2:2

Méxin, ti saꞌó kuixintaxin chujni xi Cirenio baketuanꞌan xa nunte Siria.

San Lucas 4:14

Ko tjumeꞌe Ndo Jesús ikjan ndo nunte Galilea ko tsango chónda ndo juachaxien Espíritue ndo Dio. Ko kain ni ntiꞌa teki na̱ kain ti juincheꞌe ndo Jesús.

San Lucas 4:38

Tjumeꞌe ndo Jesús kuachrjexin ndo niꞌngo ko sakjui ndo ndoꞌa ndo Simón Pedro. Ko jachée ndo Pedro tsango níexin jan súa. Méxin, kuinóatée sen ngajin ndo Jesús ixi sinchexrjuenꞌen ndo jan.

San Lucas 5:15

Ko konoꞌe kain tjajna chijnie ndo Jesús, ko kueya na̱ konchjiñeꞌe na̱ ngajin ndo ixi tsinꞌen na̱ ngeꞌe ndachro ndo, ko sinchexrjuenꞌen ndo chinꞌen na̱.

San Lucas 5:24

Méxin, jai tsjakoꞌanta ixi janꞌan, chjenꞌen ndo Dio, xjan jongíꞌe xranchi chujni, chonda juachaxin ngataꞌa nunte tsantsje ijie̱ chónda chujni. Ko tjumeꞌe ndo Jesús ndache ndo xi niꞌe: ―Janꞌan ntatjua jaꞌa tingatjen ko itsé kaniaꞌa ko satsjia ndúya.

San Lucas 7:17

Ko nguixin nunte Judea ko kain tjajna jii ngandajin nunte Judea konoꞌe na̱ ngeꞌe jian juincheꞌe ndo Jesús.

San Juan 10:21

Ko ikaxin na̱ ndachro na̱: ―Ninaa chujni chónda espíritu ñaꞌi nichja jaña. ¿Á chao naa espíritue Xixronꞌanxrée xrokuajon juachaxin ixi naa ngisen tikonꞌa, chao tsikon?

Hechos 10:38

Jaꞌanta ó noꞌanta ixi ndo Dio kuajon ndo juachaxien Espíritue ndo kuayéꞌe ndo Jesús, ndo tsiki̱ꞌxi̱n tjajna Nazaret ko ó noꞌanta kaxon ixi ndo Jesús jian juincheꞌe ndo ko juinchexruenꞌen ndo kain ni tangi ste kondeexin Xixronꞌanxrée. Jaña jian juincheꞌe ndo Jesús ixi ndo Dio jii ngajin ndo.

Hechos 15:23

Ko jaꞌin ndachro xroon tsikao sen: “Janꞌanna, ni kuincheꞌe Ncháina Jesús ko ni tetuanꞌan niꞌngo ntiꞌi nichjaꞌananta jaꞌanta kichuuna ni jeꞌa judío, ti stenta tjajna Antioquía ko nunte Siria ko nunte Cilicia, tayeꞌénta juajna.

Hechos 15:41

Tjumeꞌe kuatsinga sen nunte Siria ko nunte Cilicia ko jian nichjeꞌe sen sen titikaon Ncháina niꞌngo ntiꞌa.

Hechos 28:9

Jaña kaxon konchjiñeꞌe ikaxin ni niꞌe jii ntiꞌa ko kain na̱ koxruenꞌen na̱.

Hechos 8:7

Ko itsjé ni chónda espíritue Xixronꞌanxrée koxruenꞌen na̱ ko espíritu meꞌe kuyako kuachrjexin jeꞌe chujni meꞌe. Kueya ni juaꞌi tingatjen kuaxi na̱ itji na̱ ko ni ntarengo chao itji na̱ kaxon.