Mateo 4:19 - El Nuevo Testamento

¹⁹ Ko ndo Jesús ndache ndo sen: ―Xrokuiinta ruaꞌnaninta ko janꞌan sintakuanꞌannta xronichjeꞌenta chujni meꞌe tsitikaon na̱ najanꞌan, ko xrokjui xranchi xrotsénta kuchee̱.

Mateo 4:19 ပူးပေါင်းရင်းမြစ်များ

Mateo 16:24

*Tjumeꞌe ndo Jesús nichjeꞌe ndo sen teyuu chrikao ndo, ko ndachro ndo: ―Siá xrojan jaꞌanta tjaunnta xroruaꞌnaninta, xrokonda tsintuꞌenta kain ngeꞌe tjakuenxin asáanta, ko tamanta nta̱cru ko ruaꞌnaninta.

Mateo 19:21

Ko ndo Jesús juatingíexin ndo: ―Siá nduaxin tjauan sinchetjúá asáan, nchekjia kain ngeꞌe tjintee chonda, ko tonchjiyeꞌe sen nóa kain tomia. Ko meꞌe xrochónda ti tjintee jii ngajní. Tjumeꞌe tsjiꞌia ko xrokjan jaꞌa naa sen ruaꞌna.

Mateo 4:18

Ndo Jesús jitatsinga ndo ngandeꞌe ndachaon ndatinꞌin Galilea, ntiꞌa bikon ndo yuu sen, sen meꞌe kichuu sen, naa ndo ndatinꞌin Simón ko kuanchekinꞌin na̱ ndo Pedro, ko ndo kichuu ndo ndatinꞌin ndo Andrés. Jeꞌe sen stetánka sen nochaꞌa ngangi inda, ko kuansengi sen kuchee̱ ixi jeꞌe sen ixra̱ meꞌe kuancheꞌe sen.

Mateo 4:20

Ko tuinxin kuintuꞌe sen nochaꞌa ko ruéꞌe sen ndo.

Mateo 8:22

Ko ndo Jesús juatingíexin ndo: ―Tuinxin ruaꞌna̱na jaꞌa. Tintuꞌé ni tsikenꞌen tsjabaa kichuu na̱.

Mateo 9:9

Hora sakui̱xi̱n ndo Jesús ntiꞌa, tjumeꞌe bikon ndo naa xi ndatinꞌin Mateo jitayéꞌe xa tomi neꞌe xi tituanꞌan. Meꞌe ndachro ndo Jesús: ―Jaꞌa ruaꞌna̱na. Ko jeꞌe xi Mateo bingatjen xa ko ruéꞌe xa ndo Jesús.

Marcos 2:14

Ko jitatsinga ndo ntiꞌa, bikon ndo ndo Mateo, chjenꞌen ndo Alfeo, jii ndo ti xengaxin iꞌna̱ tomi tayéꞌe xi tjajna Roma ko ndo Jesús ndachro ndo: ―Ruaꞌna̱na. Ko ndo Mateo bingatjen ndo ko tuinxin ruéꞌe ndo ndo Jesús.

San Lucas 5:27

Ko tjumeꞌe ndo Jesús kuachrjexin ndo nchia, ko bikon ndo naa xi xengeꞌe iꞌna̱ ndatinꞌin Mateo, jii xa ti xengaxin iꞌna̱ ko ndo Jesús ndache ndo xa: ―Xrokuia, ichjina.

San Lucas 9:59

Ko íjngo ndo Jesús ndache ndo xi meꞌe: ―Jaꞌa ruaꞌna̱na. Ko xi meꞌe juateꞌe xa ndachro xa: ―Tájonnta juachaxin tsijabaja ndotána.

San Juan 1:43

Ndúyaxin ndo Jesús tjaun ndo xrokjui ndo nunte Galilea ko kuetan ndo ndo Felipe, ko ndache ndo ndo: ―Ruana̱na.

San Juan 12:26

Siá xrojan ngisen tjaun sincheꞌe xra̱na, xroruana sen. Ko ti no tsakeꞌe janꞌan, ntiꞌa kaxon tsakeꞌe sen ncheꞌe xra̱na. Siá xrojan ngisen sincheꞌe xra̱na, Ndotána tsjengeꞌe ndo sen ꞌna̱.

San Juan 21:22

Ko juateꞌe ndo Jesús: ―Siá tjaꞌon xratsechón ndo ti nchakon xrokjan janꞌan, jaꞌa ngeꞌe kondaꞌa. Jaꞌa ruena̱na.

2 Corintios 12:16

Ko maski kaxin sen ndachro sen ko titikaon sen ixi janꞌan kuajondaxinꞌa xra̱ ngajinnta ko ikaxin sen meꞌe kaxon ndachro sen ixi janꞌan tsango nóna ntaya meꞌe imao kuantsjaꞌanta tomianta.