Mateo 4:11 - El Nuevo Testamento

¹¹ Ko Xixronꞌanxrée ngaxiton xa ko tjumeꞌe kui̱i̱ kaxin sen ángel ngajin ndo Jesús ko kuayakonꞌen sen ndo.

Mateo 4:11 ပူးပေါင်းရင်းမြစ်များ

Mateo 26:53

¿Ngeꞌe chrua jaꞌa, á juaꞌi tsjáncháꞌa Ndotána ko jeꞌe ndo xroxruanna ndo teyuu ejército sen ángel?

Mateo 4:6

ko ndachro xa: ―Siá nduaxin jaꞌa Chjenꞌen ndo Dio, chrinka ti nunte ixi jitaxin xroon chijnie ndo Dio: Jeꞌe ndo tsetuenꞌen ndo sen ángel tikinixinꞌen ndo ixi xrotsengia sen ixi tsontengíxinꞌa tutáa ixro.

Marcos 1:13

Ntiꞌa bakeꞌe ndo Jesús yuu ikán nchakon ko ntiꞌa jii iku jieꞌe ko Xixronꞌanxrée tjaun xa xrojuincheyeꞌe xa ndo. Ko tjumeꞌe sen ángel kui̱i̱ sen kuayakonꞌen ndo Jesús.

San Lucas 22:43

Ko tjumeꞌe konoxin naa ndo ángel kui̱xi̱n ngajní ixi sinchesoji ndo aséen ndo Jesús.

San Lucas 22:53

*Kain nchakon bakeꞌe ngajinnta ngaxinꞌin niꞌngo, ko xroꞌan juincheꞌenta. Ko jai oránta ixi tsitikaonnta xi tetuenꞌen ti naxixeꞌe.

San Lucas 4:13

Ko Xixronꞌanxrée juaꞌi juincheyeꞌe xa ndo Jesús, ko jeꞌe xa sajuixin xa ti ndo Jesús kaxin nchakon.

San Juan 14:30

’Ko séꞌa xronichjana jai ixi jiti̱i̱ Xixronꞌanxrée, xi tetuenꞌen chujni nunte xasintajni. Ko jeꞌe xa xroꞌan ngeꞌe tetuenꞌen xa ngaji̱n.

1 Timoteo 3:16

Ko ti chijni nduaxin kuayeꞌena meꞌe chijni ícha tjintee ko chujni kuachúxinꞌa na̱ chijni jiꞌi ko nduaxin ngeꞌe titikaꞌonna: Ndo Jesucristo jongíꞌe ndo ntiꞌi nunte xasintajni xranchi naa chujni; Ko Espíritue ndo Dio juakoxin ixi ndo Jesucristo jian ndo. Ko sen ángel bikon sen ndo ko kaxon nchijíi nunte xasintajni kuinꞌen na̱ ngeꞌe kuanichja ndo ko kueya chujni jii ngataꞌa nunte stetitikaon na̱ ndo. Ko tjumeꞌe ndo Dio kuayéꞌe ndo ndo Jesucristo ti jii ngajní.

Hebreos 1:14

Kain sen ángel meꞌe espíritu tikonꞌani ncheꞌe ixra̱ ngajin ndo Dio ixi jeꞌe sen kuituenꞌen sen tsingijna sen chujni tsitjáñaꞌi aséen ko tsechón kain nchakon.

Hebreos 1:6

Ko nchakon xruanꞌan ndo Dio chjenꞌen ndo, xjan naakuaxon, ngataꞌa nunte xasintajni, ndachro ndo Dio: Kain sen ángel naꞌna tsajon sen juasaya ngajin chjanꞌna.