Mateo 28:18 - El Nuevo Testamento

¹⁸ Ko ndo Jesús konchjiñeꞌe ndo ko ndachro ndo: ―Ijié juachaxin chjána ndo Dio ngajní ko ngataꞌa nunte xasintajni,

Mateo 28:18 ပူးပေါင်းရင်းမြစ်များ

San Juan 3:35

*Ndotáina Dio tjueꞌe ndo Chjenꞌen ndo, ko jaña tsikajon ndo kain juachaxin ixi tsetuenꞌen xjan kain ngeꞌe.

1 Pedro 3:22

Jeꞌe ndo Cristo sakjui ndo ngajní ko jii ndo ndatsjonxin ti jian ti jii ndo Dio ko jeꞌe ndo tetuenꞌen ndo kain sen ángel ko kain ti chónda juachaxin.

Mateo 11:27

*Ko ndache ndo ni ste ntiꞌa: ―Kain ngeꞌe chjána Ndotána ko jeꞌo jeꞌe ndo chuxinna ndo janꞌan, Chjenꞌen ndo, ko kaxon xroꞌan ngisen chúxin jeꞌe ndo, jeꞌo Chjenꞌen ndo, ko janꞌan, Chjenꞌen ndo, nichjaꞌa chujni ixi jaña jeꞌe na̱ tsichuxin na̱ Ndotána.

Hebreos 2:8

Kain ngeꞌe juincheñanta bakéenta ngangi tutée chujni ixi tsetuenꞌen kain ngeꞌe. Méxin, chónda ndo juachaxin tsituanꞌan ndo ko jai xratikonꞌani meꞌe.

1 Corintios 15:27

Ndo Dio kuajon ndo kain juachaxin ngajin ndo Cristo ixi tsetuenꞌen ndo kain ngeꞌe. Ko ti jaña ndachro xroon chijnie ndo Dio ixi ndo Cristo tsetuenꞌen ndo kain ngeꞌe, jeꞌa xrondachro ixi tsetuenꞌen ndo ndo Dio kaxon. Naꞌi. Ixi ndo Dio chjée ndo Chjenꞌen ndo, xjan Jesús, kain juachaxin tsetuenꞌen xjan kain ngeꞌe.

San Juan 17:2

Ko jaꞌanta chje̱ꞌénta Chjanꞌanta juachaxin ixi tsetuenꞌen xjan kain chujni ko tsajon xjan juachaxin tsechón sen kain nchakon, kain sen tsichjeꞌenta xjan.

San Juan 13:3

Ndo Jesús noꞌe ndo ixi tsiki̱xi̱nꞌin ndo ti jii ndo Dio ko ti no xrokjan ndo. Ko noꞌe ndo ixi Ndotée ndo kuajon ndo juachaxin tsetuenꞌen ndo kain ngeꞌe.

Hebreos 1:2

Ko nchakon tsaxi tsjexixin kain ngeꞌe ndo Dio nichjaxin ndo Chjenꞌen ndo, xjan Jesucristo. Ndo Dio chjée ndo Jesucristo juachaxin juinchekonchjian ndo kain ngeꞌe jii xasintajni ko ngajní, ko jeꞌe ndo Jesucristo kuayéꞌe ndo juachaxin ixi tsetuanꞌan ndo kain ngeꞌe.

Colosenses 2:10

Jaꞌanta chondanta juachaxien ndo Dio ixi titikaonnta ndo Cristo. Ko jeꞌe ndo tetuenꞌen ndo kain juachaxin jii ngajní ko nunte xasintajni.

San Lucas 10:22

*Ko nichjeꞌe ndo sen ntiꞌa ko ndachro ndo: ―Ndotána chjána juachaxin ixi tetuanꞌan kain ngeꞌe. Xroꞌan ngisen noꞌe ngisen chjenꞌen jeꞌe ndo. Jeꞌo Ndotána chúxin ndo ngisen chjenꞌen ndo. Ko xroꞌan ngisen chúxin ngisen jeꞌe ndo, jeꞌo chjenꞌen ndo, ko janꞌan tinchaꞌa ngisen tjaun xrochuxin Ndotána.

Apocalipsis 19:16

Ko manta jitsáa ndo jitaxin: “Jeꞌe ndo Rey tetuenꞌen kain xi rey ko jeꞌe ndo Nchée kain chujni.”

Romanos 14:9

Méxin, ndo Cristo kuenꞌen ndo ko xechón ndo íjngo ixi tsetuanꞌan ndo ngajin ni tsikenꞌen ko ngajin ni stechón.

Apocalipsis 17:14

Kain xi meꞌe tse̱to̱ xa ngajin Xjantuchjon ko Xjantuchjon tsjacha xjan ngajin kain xi meꞌe ixi jeꞌe ndo Nchée kain chujni ko jeꞌe ndo naa Rey tetuenꞌen kain xi rey. Ko sen ste ngajin ndo, ndo Dio tsikiyeꞌe ndo sen ko kuincheꞌe ndo sen, ko sen meꞌe jian chuntia sen ngajin ndo.

Apocalipsis 11:15

Tjumeꞌe ya̱tu̱xi̱n ángel kuanoa ndo itjao chónda ndo ko ngajní kuinꞌenni séen nichja itsjé ngisen ndachro: Kain juachaxien nunte xasintajni tikinixinꞌen ndo Dio ko ngisen kuincheꞌe jeꞌe ndo, meꞌe ndo Cristo, ndo tsetuanꞌan kain nchakon.

Mateo 26:64

Ko ndo Jesús jaꞌin juatingíexin ndo: ―Jaꞌa ndachijiana jaña. Ko janꞌan kaxon xrontatjua ixi jai tsaxi tsikonnta Chjenꞌen ndo Dio, xjan jongíꞌe xranchi chujni, tsakeꞌe xjan ndatsjonxin jian ti jii ndo Dio, ndo tsango tituanꞌan, ko tsikonnta xjan tsi̱ꞌxi̱n xjan ngajní ngakjenꞌen itjui̱.

Hechos 2:36

’Méxin, kainnta ni israelita xrokonoꞌanta nduaxin ixi jeꞌe ndo Jesús, ndo juankanitonta nta̱cru, ndo meꞌe ndo Dio juinchéña ndo Ncháina, ndo Cristo.

Hechos 10:36

Ndo Dio nichjeꞌe ndo sen tjajna Israel ko kuinꞌen sen chijni tajon juaxruxin chronga Ncháina Jesucristo. Jeꞌe ndo Nchée kain chujni.

Mateo 16:28

Ko nduaxin ntatjunta ixi kaxinnta ti stenta ntiꞌi xratsenꞌanta ko tsikonnta xranchi tsi̱i̱ Chjenꞌen ndo Dio, xjan jongíꞌe xranchi chujni, tsikaꞌo xjan ijié juachaxin ko tsituanꞌan xjan ntiꞌi.

San Juan 3:31

’Ndo kui̱xi̱n ngajní tetuenꞌen kain chujni. Ko chujni nunte xasintajni chronga ngeꞌe jii nunte xasintajni. Ko ndo kui̱xi̱n ngajní tetuenꞌen ndo kain ngeꞌe.