Mateo 26:39 - El Nuevo Testamento

³⁹ Ko sakjui ndo ícha kjínxin ko bakeꞌexin ntatuchiꞌin ndo ko kuisée ndo ti ngataꞌa inche ko jaꞌin nichjeꞌe ndo ndotée ndo: ―Ndotána, siá chao, tájonnta juachaxin ixi tsiꞌa ti tsango itsjá jitjiá copa jiꞌi. Ko ntatjunta ixi tsoenꞌa xranchi janꞌan tjaꞌon. Naꞌi. Jaꞌanta ncheꞌenta xranchi jaꞌanta tjaunnta.

Mateo 26:39 ပူးပေါင်းရင်းမြစ်များ

Mateo 20:22

Tjumeꞌe ndo Jesús ndachro ndo: ―Jaꞌanta noaꞌinta ngeꞌe tjanchianta. ¿Á chao jaꞌanta tsiꞌinta ti tsango itsjá tsiꞌi janꞌan ko ti itsjá meꞌe xrondachro ti chinga sinchena̱na ko tsintji jnina ko tsenꞌenna? Tjumeꞌe sen teyuu chrikao ndo ndachro sen: ―Jaán, chao.

Mateo 24:24

Ixi tsonoxin kaxin xi xrondachro xa jeꞌe xa ndo Cristo ko kaxin xa xrondachro xa ixi jeꞌe xa nichja xa chijnie ndo Dio ko tsjako xa ijié juachaxin ko ijié ixra̱ sincheꞌe xa, jaña tjaun xa sincheyeꞌe xa chujni tsikincheꞌe ndo Dio.

Mateo 26:42

Tjumeꞌe sakjui ndo íjngo ko ó yuxin kuinóatée ndo ngajin Ndotée ndo, ko ndachro ndo: ―Ndotána, siá xrokonda tsiꞌi ti itsjá jitjiá copa jiꞌi ko jaña tjaun jaꞌanta, janꞌan tsitikaꞌon.

Marcos 13:22

Ixi tsi̱i̱ kaxin na̱ xrondachro na̱ ixi jeꞌe na̱ ndo Cristo ko kaxon kaxin na̱ ndakoꞌa tsjako na̱ ko tsjakoxin na̱ naa ixra̱ ijié ixi tjaun na̱ sincheyeꞌe na̱ chujni ko kaxon ngajin sen titikaon ndo Dio.

San Lucas 17:16

Bakeꞌexin xa ntatuchiꞌin xa ngajin ndo Jesús, ko kuisée xa ngataꞌa nche, kuajon xa juasaya ngajin ndo. Ko xi meꞌe, xi tjajna Samaria.

San Juan 11:41

Tjumeꞌe kuintjian na̱ ixro. Ko ndo Jesús tsjeꞌe ndo ngajní, ko ndachro ndo: ―Ndotána, tajon juasiana ngajinnta ixi ó kuinꞌennta ngeꞌe ndachrja̱n.

San Juan 14:31

Ko xrokonda jaña tsonꞌen ixi chujni nunte xasintajni tsonoꞌe na̱ ixi janꞌan tjuaꞌa Ndotána ko titikaꞌon ngeꞌe tetuanna ndo. Ko jai tingatjennta sachjinxina ntiꞌi.

San Juan 18:11

*Ko ndo Jesús ndache ndo ndo Pedro: ―Xraxiꞌian chika espada ña̱. Siá Ndotána kuetuanꞌan ixi tangi tsatsinga, xrokonda tsatsinga janꞌan kain jiꞌi.

San Juan 5:19

Tjumeꞌe ndo Jesús ndache ndo na̱: ―Naa ngeꞌe nduaxin ntatjunta ixi Chjenꞌen ndo Dio juaꞌi sincheꞌe ndo naa ngeꞌe jeꞌo jeꞌe ndo. Jeꞌo ncheꞌe ndo ngeꞌe tikon ndo ncheꞌe Ndotée ndo. Kain ngeꞌe ncheꞌe ndotée ndo kao chjenꞌen ndo ncheꞌe xjan jaña.

San Juan 5:30

’Janꞌan juaꞌi sintaꞌa naa ngeꞌe janꞌon. Janꞌan ntáña ijie̱ xranchi tituanna. Ko ijie̱ ntáña, ndako ntáña ijie̱ ko ntaꞌi ngeꞌe tjaꞌon janꞌan. Naꞌi. Ntaꞌa ngeꞌe tjaun Ndotána, ndo xruanꞌanna.

San Juan 6:38

Janꞌan juixin ngajní ko jeꞌa ngeꞌe tjaꞌon sintaꞌa. Juiꞌi ixi sintaꞌa ixra̱ tjaun ndo tsixruanꞌanna.

Hechos 10:25

Ko nchakon kuiji ndo Pedro ndoꞌa ndo Cornelio, tjumeꞌe ndo Cornelio kuachrjexin ndo nchia ko nichjeꞌe kichuu ndo. Ko bakeꞌexin ntatuchiꞌin ndo Cornelio ngajin ndo Pedro ixi tjaun ndo xrokuajon ndo juasaya ngajin ndo Pedro.

Filipenses 2:8

Ko kuakeꞌe ndo xranchi naa xi ko jeꞌe ndo juinchenóa aséen ndo kuitikaon ndo kain ngeꞌe kuetuanꞌan ndo Dio ko kuenꞌen ndo nganito nta̱cru xranchi naa chujni yama ijie̱.

Hebreos 5:7

*Nchakon bakeꞌe ndo Cristo ngataꞌa nunte xasintajni tsango soji kuinóatée ndo ko kuintjí ndakon ndo ngajin ndo Dio, ndo chónda ijié juachaxin tsingijna ndo ndo Cristo ixi tsenꞌa ndo. Jeꞌe ndo Cristo tsango kuitikaon ndo, méxin kuinꞌen ndo Dio ti juanchia ndo.

Apocalipsis 19:10

Tjumeꞌe janꞌan bakeꞌexin ntatuchiꞌin tutée ndo ángel ixi tjaꞌon tsajon juasaya ngajin ndo, ko jeꞌe ndo ndachro ndo: ―Ncheꞌa jaña ixi janꞌan kaxon ntaꞌa xra̱ ngajin ndo Dio xranchi jaꞌa, ko xranchi sen kichuua sen kuintueꞌa kuitikaon chijni jian chronga ndo Jesús. Jeꞌo tájuan juasaya ngajin ndo Dio. Ixi jeꞌe ndo Jesús, meꞌe xrondachro ti kuachronga sen kuanichja ó saꞌó chijnie ndo Dio.