Mateo 22:8 - El Nuevo Testamento

⁸ Tjumeꞌe ndache ndo ni nchexrée ndo: “Kain ngeꞌe ó konchjian ixi sen tsuteꞌe ko ni kuiyaꞌa tsiꞌa na̱ ixi tikinixienꞌa na̱ tsi̱i̱ na̱ kia.

Mateo 22:8 ပူးပေါင်းရင်းမြစ်များ

Mateo 22:7

Tjumeꞌe ndo rey kuinꞌen ndo ngeꞌe juinchekao na̱ xi xruanꞌan ndo, meꞌe tsango koñao ndo ko kuetuenꞌen ndo xi soldadoe ndo ko naakóñaxón xi soldado ni ñaꞌi meꞌe ko juaaka xa tjajnée na̱.

Mateo 22:9

Méxin, itjinta chaꞌo tachrjexin chujni tjajna ko ndachenta ngixeꞌi chujni tsi̱i̱ na̱ kia.”

Mateo 9:15

Tjumeꞌe juatingíexin ndo Jesús: ―Sen tsikiyeꞌe xi tsuteꞌe ko sen ste kiée xa, ¿á chao xrotsjanga sen siá jeꞌe xa xrajíi xa ngajin sen? Ko tsi̱i̱ nchakon satsjikao na̱ xi tsuteꞌe, nchakon meꞌe tsaxi sinchekatse ñao sen jinta.

San Lucas 20:35

Ko ni tsikinixin satsji ngajní xroxechón na̱, ntiꞌa tsuteꞌa na̱.

San Lucas 21:36

Méxin tsejuaꞌi asáanta, ko jian tantjeꞌe ikonnta, ko kain nchakon nichjeꞌenta ndo Dio ixi jaña chao tsatsinganta juachjaon tsi̱i̱, ko jaña chao tsonchjiñeꞌenta ngajin chjenꞌen ndo Dio, xjan jongíꞌe xranchi chujni.

Hechos 13:46

Tjumeꞌe ndo Pablo ko ndo Bernabé soji nichja sen ko ndachro sen: ―Xrokonda saꞌó jaꞌanta ni judíonta xrokuinꞌennta chijnie ndo Dio. Ko jaꞌanta tjaunꞌanta tsinꞌennta ngeꞌe jian tsajon juachaxin tsechón chujni kain nchakon. Ko jai tsintuꞌananta jaꞌanta ni judíonta ko satsjina sintakuanꞌanna ni jeꞌa judío.

2 Tesalonicenses 1:5

Jiꞌi tjako ixi nduaxin ndo Dio jian nchéña ndo ijie̱ ngajinnta ixi juachjaon stetatsinganta, meꞌe xrondachro ixi tikinixin tsixinꞌinnta ti tetuanꞌan ndo Dio.

Apocalipsis 22:14

Juaxruxin tsintee sen tsijinemá manta jitsáa sen ixi jaña xrochónda sen juachaxin tsonchjiñeꞌe sen ngajin nta̱a̱ tajon juachaxin stechón chujni, ko kaxon chao tsixixin sen nta̱chjeꞌe tjajna tjúá.

Apocalipsis 3:4

Ko xraste kaxin sen ntiꞌa tjajna Sardis xrancheki̱tja̱ꞌi sen manta steyá sen, meꞌe tsetsáa sen manta tjúá ko janꞌan tsajikiꞌan sen ixi jaña tikinixinꞌen sen.