Mateo 22:21 - El Nuevo Testamento

²¹ Ko jeꞌe na̱ juatingíexin na̱: ―Xi César tetuanꞌan Roma, meꞌe xi ikon. Ko jeꞌe ndo ndachro ndo: ―Chje̱ꞌénta xi César ngeꞌe tjanchia xa ko chje̱ꞌénta ndo Dio ngeꞌe tikinixinꞌen ndo.

Mateo 22:21 ပူးပေါင်းရင်းမြစ်များ

Mateo 22:20

Tjumeꞌe ndo Jesús juanchangiꞌe ndo xa: ―¿Xranchi ndatinꞌin ko ngisen ikon jinito tomi jiꞌi?

Mateo 22:37

Ndo Jesús ndachro ndo: ―“Jaꞌanta xrotjueꞌenta ndo Dio ixi nchijíi asáanta ko ti xraxaonxinnta.”

Mateo 4:10

Tjumeꞌe jeꞌe ndo Jesús ndachro ndo: ―Satjia jaꞌa Xixronꞌanxrée, ixi ndachro xroon chijnie ndo Dio: “Jeꞌo Ncháa ndo Dio xrokonda xrochjeꞌé ndo juasaya ko jeꞌo ngajin jeꞌe ndo tsitikaoan.”

Marcos 12:17

Ko juateꞌe ndo Jesús ko ndachro ndo: ―Chje̱ꞌénta xi tetuanꞌan ngeꞌe tikinixinꞌen xa; ko chje̱ꞌénta ndo Dio ngeꞌe tikinixinꞌen ndo. Ko xrakon xa ixi jaña juateꞌe ndo Jesús.

San Lucas 20:25

Méxin ndachro ndo Jesús: ―Chje̱ꞌénta xi César ti tikinixinꞌen xa, ko chje̱ꞌénta ndo Dio ti tikinixinꞌen ndo tsayéꞌe ndo.

San Lucas 23:2

Ko ntiꞌa kuaxi juankataꞌa xa ijie̱ ngajin ndo Jesús, ko ndachro xa: ―Janꞌanna kuitjána xi jiꞌi juinchexronka xa ni tjajnana̱na. Ko ndachro xa ixi xrokondaꞌi tsjengana iꞌna̱ ngajin xi tetuanꞌan Roma, ko kaxon ndachro xa ixi jeꞌe xa ndo Cristo, ko jeꞌe xa naa rey tetuanꞌan.

Hechos 4:19

Ko tjumeꞌe ndo Pedro ko ndo Juan juateꞌe sen ko ndachro sen: ―Xraxaon jaꞌanta, ¿á xrobakeꞌe ndo Dio juaxruxin siá xrokuitikaꞌonna ngeꞌe ndachro jaꞌanta o̱ xrokuitikaꞌonna ngeꞌe tituanꞌan jeꞌe ndo?

Hechos 5:29

Tjumeꞌe ndo Pedro ko kaxin sen kuincheꞌe ndo Jesús ndachro sen: ―Janꞌanna xrokonda tsitikaꞌonna ndo Dio saꞌó ko tjumeꞌe tsitikaꞌonna chujni.

Romanos 13:7

Kaxon chje̱ꞌénta na̱ ngeꞌe tikinixin tsayéꞌe na̱. Sen xroxengeꞌe ꞌna̱ ixi jaña tikinixin, xroxengeꞌe ꞌna̱, ko ngisen sínká ixi juinchekji sen xrojan ngeꞌe, tsjenga sen ꞌna̱, ko siá tikinixin tsajonnta juasaya, tájonnta juasaya.