Mateo 22:16 - El Nuevo Testamento

¹⁶ Méxin xruanꞌan xa kaxin xi nchekuenꞌen xa ko kaxin xi nchexrée xi Herodes ixi tsjanchangíꞌe xa ndo Jesús jaꞌin: ―Maestro, konónana ixi jaꞌanta jeꞌo ti nduaxin nichjanta, ko ndako tjakonta chijnie ndo Dio, ko jaꞌanta taꞌinta juachjaon ngeꞌe nichja chujni, ixi jaꞌanta tsjeꞌenta aséen chujni.

Mateo 22:16 ပူးပေါင်းရင်းမြစ်များ

Mateo 22:24

―Jaꞌanta ti nchekuenꞌennta chujni, ngeꞌe chronta ti tsindachro ndo Moisés ixi siá naa xi tsenꞌen xa ko tsintueꞌa xa chjan ngajin janchriꞌe xa, xi kichuu xa xrokonda tsuteꞌe xa nchrinchriꞌe xi kuenꞌen, ko siá xrochónda na̱ ichjan, ichjan meꞌe xrokjui xranchi chjenꞌen xi kuenꞌen.

Mateo 22:26

Ko jaña konꞌen xi yuxin, kaxon xi nínxin, ko kain ya̱a̱to̱ xa.

Mateo 26:18

Tjumeꞌe jeꞌe ndo ndachro ndo: ―Itjinta tjajna ijié, ndoꞌa naa xi ko jaꞌin ndachenta xa: “Ndachro ndo nchekuanna̱na: Íseꞌa tsakeꞌe ngataꞌa nunte xasintajni, méxin nchanduya̱ tjaꞌon sinekiꞌan sen ntakuanꞌan ti nutja kia Pascua.”

Mateo 26:49

Tjumeꞌe konchjiñeꞌe xa ngajin ndo Jesús ko ndachro xa: ―¿Á chao ritjennta, jaꞌanta ti nchekuannaninta? Ko kue̱to̱xin xa ndo.

Marcos 10:17

Ko hora sakjui ndo Jesús, jitinga naa xi kui̱i̱ xa ko bakeꞌexin xa ntatuchiꞌin xa ngajin ndo Jesús, ko juanchangi xa: ―Maestro jian jaꞌa, ¿ngeꞌe sintaꞌa janꞌan ixi tsarichónna kain nchakon?

Marcos 12:13

Tjumeꞌe xruanꞌan na̱ ikaxin ni fariseo ko ni ncheꞌe xrée xi Herodes ixi tsjanchangíꞌe na̱ ndo Jesús kaxin ngeꞌe ixi tjaun na̱ ndakoꞌa tsjatingíexin ndo ko jaña tsjankataꞌa na̱ ndo ijie̱.

Marcos 12:14

Ko kuiji na̱ ti jii ndo ko ndachro na̱: ―Maestro, nónana ixi jaꞌa nichja ti nduaxin ko taꞌia juachjaon ixi ngeꞌe xroxraxaon chujni ixi nduaxin nchekuenꞌén na̱ chijnie ndo Dio. Méxin, ndachijiana, ¿á chao tsjengana ꞌna̱ ngajin xi tetuanꞌan, tomi tjanchia xa, o̱ naꞌi?

Marcos 3:6

Ko xi fariseo kuachrjexin xa ntiꞌa ko ikjui xa ti ste ni tjento xi Herodes ko juao kichuu xa xranchi naatsóñaxón xa ndo Jesús.

Marcos 8:15

*Ko ndo Jesús kuetuenꞌen ndo sen: ―Jian tsjeꞌenta ixi ngeꞌe nchetjaꞌin nutjée xi fariseo ko nutjée xi Herodes.

San Lucas 20:21

Méxin juanchangi xi stetsjaya ndo Jesús: ―Maestro, nónana ixi kain ti nichjanta ko ti tjakonta meꞌe ti nduaxin ko ti tjaun ndo Dio, ko jaꞌanta tincheꞌanta kaxion chujni, ixi jaꞌanta tjueꞌenta kain na̱.

San Lucas 7:40

Ko tjumeꞌe ndo Jesús ndache ndo xi fariseo: ―Simón, janꞌan xrontatjua naa ngeꞌe. Ko xi fariseo juateꞌe xa: ―Ndachijiana, Maestro.

San Juan 14:6

Ko ndachro ndo Jesús: ―Janꞌan chaꞌo ko janꞌan chijni nduaxin ko janꞌan tsajon juachaxin stechón chujni. Xroꞌan ngisen itji ti jii Ndotána siá tsjixinꞌa sen ixi janꞌan.

San Juan 18:37

Ko ndachro xi Pilato: ―Jaꞌa, ¿á nduaxin naa xi rey? Ko juateꞌe ndo Jesús: ―Jaán, janꞌan rey xranchi jaꞌa ndachrua. Janꞌan juiꞌi nunte xasintajni ixi xronichja ti nduaxin. Kain sen titikaon ngeꞌe nduaxin, sen meꞌe tinꞌen ngeꞌe tjako.

San Juan 7:18

Ko ngisen nichja ngeꞌe tjaun, jeꞌo nichja na̱ ixi tjaun na̱ ixi ikaxin na̱ tsajon na̱ juasaya ngajin jeꞌe na̱. Ko ngisen tjaun ixi ngisen tsixruaꞌan na̱ tsayéꞌe juasaya, ni meꞌe tjako ngeꞌe nduaxin ko ncheyaꞌi na̱.

2 Corintios 2:17

Ko janꞌanna tjanchaꞌina tomi ixi tjakona chijnie ndo Dio xranchi ncheꞌe ikaxin na̱. Naꞌi. Janꞌanna ixi nchijíi aséena̱na tjakona chijnie ndo ixi jeꞌe ndo kuinchana̱na ndo sintaꞌana ixra̱ ngajin ndo Cristo.

2 Corintios 4:2

Xroꞌan ngeꞌe imao ntaꞌana, méxin tosuanaꞌina, ko ntayaꞌina chujni ko tindoxinꞌana chijnie ndo Dio. Ndo Dio jian noꞌe ndo ixi janꞌanna nichjana ngeꞌe nduaxin, méxin chao xrochuntia sen ngajinna.

2 Corintios 5:16

Jai jai̱na íxroxraxaonꞌana á tjintee o̱ naꞌi inaa chujni xranchi kuaxraxaonna saꞌó. Ko saꞌó kuachuxinna ndo Cristo xranchi ngixeꞌi naa chujni, ko jai í jeꞌa jaña chuxinna ndo.

Gálatas 1:10

Ko jai, ¿á tjaꞌon janꞌan ixi chujni tsitikaon na̱ ngeꞌe ntaꞌa o̱ ndo Dio tsitikaon ndo?, o̱, ¿á tjaꞌon ixi chujni sincheꞌe juaxruxin ngeꞌe ntaꞌa? Siá meꞌe xrokjuintaꞌa janꞌan, í jeꞌa naa nchexrée ndo Cristo janꞌan.

Gálatas 2:6

Ko sen niꞌngo titaonꞌen sen kichuuna, xroꞌan ngeꞌe natjúá juakoꞌna sen. Ko janꞌan kondanaꞌi á nduaxin tituanꞌan sen o̱ naꞌi ixi janꞌan nóna ixi ndo Dio tincheꞌa ndo kaxion chujni ixi á noꞌe o̱ á noeꞌa.

1 Tesalonicenses 2:4

Ndo Dio ndachro ndo ixi jian juintaꞌana, meꞌe chjána̱na ndo ixra̱ ixi sintakuanꞌanna chujni chijnie ndo, chijni tajon juachaxin tsechón na̱ kain nchakon, méxin, ndako nichjana. Tjaunꞌana ixi jeꞌo chujni sincheꞌe juaxruxin ixra̱ ntaꞌana. Naꞌi. Tjaꞌonna ixi ndo Dio sincheꞌe ndo juaxruxin, ko jeꞌe ndo noꞌe ndo kain ngeꞌe xraxaon aséei̱na.

Santiago 3:17

Ko sen jian tsienxin ko jian xraxaon ti meꞌe ti̱ꞌxi̱n ngajin ndo Dio: sen meꞌe xrokonda tsjako sen ixi jian aséen sen ko tse̱to̱ꞌa sen ko tsingijna sen chujni ko tsitikaon sen ti jian ndachro sen kichuu sen, ko tsikonóeꞌe sen chujni ko jian sincheꞌe sen, ko xronichja sen ti nduaxin.

1 Juan 5:20

Kaxon noi̱na ixi Chjenꞌen ndo Dio kui̱i̱ xjan ngataꞌa nunte xasintajni ko juinchekuai̱na xjan xranchi tsichuxinna ndo Dio, ndo nduaxin ko steniina ngajin ngisen nduaxin, meꞌe jeꞌe ndo Jesucristo, chjenꞌen ndo Dio. Jiꞌi Ndo Dio, ndo nduaxin, ko chjai̱na ndo juachaxin tsechónna kain nchakon.