Mateo 20:30 - El Nuevo Testamento

³⁰ Ko yuu ni tikonꞌa ste na̱ nunte ngandeꞌe chaꞌo ko kuinꞌen na̱ ixi jitatsinga ndo Jesús, meꞌe kuaxi kuyako na̱: ―Nchána, xjan kuachrjenixin ndo David, tikonóaꞌnaninta.

Mateo 20:30 ပူးပေါင်းရင်းမြစ်များ

Mateo 13:4

ko hora jitenga xa, kaxin noatrigo kuintjí noa ngatja chaꞌo ko kui̱i̱ kuxe juine ba noa.

Mateo 15:22

Ko naa nchri cananea jii ndoꞌa nchra no nunte meꞌe, kui̱i̱ nchra ngajin ndo Jesús ko séen jitoyako nchra: ―Nchána, Chjenꞌen ndo David, tikonóananinta ixi xjanchrichjanꞌna chónda xjan naa espíritue Xixronꞌanxrée ko tsango tangi jii xjan.

Mateo 20:31

Ko chujni kuyakutee na̱ ni tikonꞌa ixi xrotenko na̱ ko jeꞌe na̱ ícha séen kuyako na̱: ―Nchána, xjan kuachrjenixin ndo David, tikonóaꞌnaninta.

Mateo 21:14

Ko ngaxinꞌin niꞌngo konchjiñeꞌe ni ntakutsin, ni ntarengo ngajin ndo Jesús ko jeꞌe ndo juinchexruenꞌen ndo na̱.

Mateo 21:9

Ko kaxin chujni stetaon ko chujni steruéꞌe na̱ ndo Jesús ko jaꞌin stetoyako na̱: ―Ijié juachaxin tikinixinꞌen xjan kuachrjenixin ndo David. Tsango jian ndo kui̱xi̱n ixi juachaxien Ndotáina jii ngajní. Ijié juachaxin tsayéꞌe ndo.

Mateo 22:42

ko jaꞌin juanchangi ndo: ―¿Ngeꞌe xraxaonnta ixi ndo Cristo? ¿Ngisen kuachrjenixin ndo? Ko jeꞌe xa ndachro xa: ―Ndo Cristo tsikachrjenixin ndo ndo David.

Marcos 10:46

Ko tjumeꞌe kuiji sen tjajna Jericó. Ko ndo Jesús ko sen chrikao ndo ko kueya na̱ kuachrjexin na̱ tjajna ntiꞌa. Ko ntiꞌa jii naa xi juaꞌi tikon ndatinꞌin xa Bartimeo ko ndotée xa ndatinꞌin Timeo. Takeꞌe xa ngandeꞌe chaꞌo ko tjanchiakaꞌa xa.

San Lucas 4:18

Espíritue ndo Dio jii ngataꞌana, ko kuayáꞌa̱ juachaxin xronichja chijnie ndo tsayéꞌe ni nóa. Xruanꞌanna ndo ixi sintaxruanꞌan ni tangi ste, ko tsantsje jíee ni stejeꞌe̱, ko sintaxruanꞌan ni tikonꞌa; ko tsingijna ni stechrua,

San Lucas 7:21

Ko nchakon kuiji sen, ndo Jesús juinchexruenꞌen ndo tsango itsjé ni chónda ichin, ko kuantsje ndo espíritue Xixronꞌanxrée chónda kaxin na̱, ko kaxon juinchexruenꞌen ndo itsjé ni tikonꞌa.

Hechos 2:30

Ko ndo David, naa ngisen tsichronga chijnie ndo Dio, ó noꞌe ndo ixi nduaxin ndo Dio chronga ixi naa ngisen tsachrjenixin ndo xrokjan ndo rey, ndo Cristo tsetuanꞌan xranchi jeꞌe ndo baketuanꞌan ndo.