Mateo 16:23 - El Nuevo Testamento

²³ Tjumeꞌe ndo Jesús ngatjia ndo ko ndache ndo ndo Pedro: ―Ndáꞌa satjia jaꞌa, Xixronꞌanxrée. Tingakonnaꞌia ti ngeꞌe tsónna ixi jaꞌa tienxinꞌa xranchi xraxaon ndo Dio. Jaꞌa xraxaoan xranchi xraxaon chujni.

Mateo 16:23 ပူးပေါင်းရင်းမြစ်များ

Mateo 16:22

Ko ndo Pedro kuantsjendáa ndo ndo Jesús ko kuaxi kuyakutee ndo ndo ko ndachro ndo: ―Nchána ndo Dio tsajonꞌa juachaxin tsonꞌen meꞌe, ko jaꞌanta xroꞌan ngeꞌe tsonꞌannta.

Mateo 18:7

Lastu nunte xasintajni ixi jii ngeꞌe sinchengachrue chujni ixi tsitikaonꞌa na̱ chijnie ndo Dio, ko lastu ni sinchekateya chujni ixi sincheꞌe na̱ ti ndakoꞌa.

Mateo 4:10

Tjumeꞌe jeꞌe ndo Jesús ndachro ndo: ―Satjia jaꞌa Xixronꞌanxrée, ixi ndachro xroon chijnie ndo Dio: “Jeꞌo Ncháa ndo Dio xrokonda xrochjeꞌé ndo juasaya ko jeꞌo ngajin jeꞌe ndo tsitikaoan.”

Marcos 8:33

Ko ngatjia ndo Jesús tsjeꞌe ndo kain sen chrikao ndo ko kuyakutee ndo ndo Pedro, ko ndachro ndo: ―¡Satjixian ntiꞌi, Xixronꞌanxrée! Jaꞌa xraxaonꞌa xranchi xraxaon ndo Dio. Jaꞌa xraxaoan xranchi xraxaon chujni.

San Lucas 4:8

Ko juatingíexin ndo Jesús ko ndachro ndo: ―Tingaxintuan satjia, Xixronꞌanxrée jaꞌa. Ndachro chijnie ndo Dio: “Tsájuan juasaya ngajin Ncháa ndo Dio, ko jeꞌo ngajin jeꞌe ndo sincheꞌé ixra̱.”

San Juan 6:70

Ko juateꞌe ndo Jesús, ndachro ndo: ―Janꞌan kuinchaꞌa kainnta teyuunta, ko naánta ntiꞌi xrokjannta naa chujni ñaꞌi.

Romanos 14:13

Méxin, cháña xrochungiꞌana kichuuna ko xroꞌan ngeꞌe ti ndakoꞌa xronichjana ixi inaa ngisen, ixi kondeexin jai̱na naa sen titikaon Ncháina ba tsama sen ijie̱ o̱ ítsitikaonꞌa sen ndo Dio.

Romanos 14:21

Méxin, ícha tjintee sinteꞌanta ntao ko tsiꞌanta ixran siá inaa ngisen xroxraxaon ndakoꞌa meꞌe, ko xroꞌan ngeꞌe sincheꞌenta ixi jaña tsama sen kichuunta ijie̱.

Filipenses 3:19

Ko ni meꞌe tsi̱i̱ nchakon tsitjáña na̱ ixi jeꞌe na̱ jeꞌo xraxaonna ti sine na̱ ko ti tsitsáa na̱ ko nchejié aséen na̱ ixi ti ndakoꞌa ncheꞌe na̱ ko xraxaon na̱ ngeꞌe jii ngataꞌa xasintajni. Kain jiꞌin xrokjui xranchi naa dio neꞌe na̱.

Colosenses 3:2

Xroxraxaonnta ngeꞌe jii ngajní ko jeꞌa ngeꞌe jii nunte xasintajni.