Mateo 16:1 - El Nuevo Testamento

¹ *Kaxin xi fariseo ko kaxin xi saduceo ikjui xa ngajin ndo Jesús ixi tjaun xa ndakoꞌa xronichja jeꞌe ndo, méxin ndachro xa ixi ndo Jesús xrojuakoxin ndo naa ixra̱ ijié, meꞌe xrokuitikaon xa ixi nduaxin jeꞌe ndo kui̱xi̱n ndo ixi juachaxien ndo Dio.

Mateo 16:1 ပူးပေါင်းရင်းမြစ်များ

Mateo 12:14

Tjumeꞌe xi fariseo kuachrjexin xa niꞌngo ko stetoñao xa ko stexraxaon xa xranchi sincheꞌe xa ixi tsóña xa ndo Jesús.

Mateo 15:1

Tjumeꞌe konchjiñeꞌe kaxin xi fariseo ko kaxin xi tjako chijnie ndo Dio tsiki̱ꞌxi̱n tjajna Jerusalén ko juanchangiꞌe xa ndo:

Mateo 16:6

*Meꞌe ndachro ndo Jesús: ―Jian tsjeꞌenta ngeꞌe xrondachro ti chuꞌu nchetjaꞌin nutjée xi fariseo ko xi saduceo.

Mateo 19:3

Ko tjumeꞌe kaxin xi fariseo konchjiñeꞌe xa ngajin ndo Jesús ko juanchangiꞌe xa ndo ixi tjaun xa ndakoꞌa xrojuatingíexin ndo, ko jaꞌin ndachro xa: ―¿Á chao jañao naa xi tsintuꞌe xa nchrinchriꞌe xa maski nchrinchriꞌe xa xroꞌan ngeꞌe ti ndakoꞌa juincheꞌe nchra?

Mateo 22:15

Tjumeꞌe xi fariseo sakuntekji xa ko juao kichuu xa xranchi sincheꞌe xa ixi ndo Jesús ndakoꞌa xronichja ndo naa ngeꞌe ixi jaña chao tsjankataꞌa xa ndo ijie̱.

Mateo 22:18

Ko ndo Jesús noꞌe ndo ixi ndakoꞌa stexraxaon xa, meꞌe ndachro ndo: ―Jaꞌanta ndakoꞌa xraxaonnta. ¿Sonda tjaunnta ixi janꞌan ndakoꞌa xronichja?

Mateo 22:23

*Ko xrajeꞌo nchakon meꞌe, kuntekii kaxin xi ndatinꞌin saduceo, xi titikaonꞌa ixi xroxechón chujni, ko juanchangiꞌe xa ndo Jesús:

Mateo 23:2

―Xi tjako ley chijnie ndo Dio ko xi fariseo xraxaon xa ixi jeꞌe xa ícha jian noꞌe xa chijni juako ndo Moisés.

Mateo 27:62

Ko ndúyaxin ti nchakon tjokéꞌe sen tjajna Israel, xitaana tetuanꞌan ko xi fariseo kuitsjeꞌe na̱ xi Pilato

Mateo 5:20

Méxin, janꞌan ntatjunta xrokonda tsango jian tsitikaonnta ndo Dio ícha ixi ni fariseo ko ni tjako ley kuetuanꞌan ndo Dio, ko siá sincheꞌanta ícha jian juaꞌi tsixinꞌinnta ti tetuanꞌan ndo Dio.

Mateo 9:11

Ko kaxin xi fariseo bikon xa ndo Jesús ngakjenꞌen chujni meꞌe, méxin juanchangiꞌe xa sen teyuu chrikao ndo Jesús, ko ndachro xa: ―¿Sonda ndo ntakuanꞌannta nekao ndo ni xengeꞌe na̱ tomie xi tituanꞌan ko ni ndakoꞌa ncheꞌe?

Marcos 10:2

Ko kaxin xi fariseo konchjiñeꞌe xa ngajin ndo ko juanchangiꞌe xa ndo ixi tjaun xa ndakoꞌa xrojuatingíexin ndo. Ko juanchangi xa á chao tsintuꞌeni janchriꞌeni.

Marcos 12:15

Ko ndo Jesús noꞌe ndo jian ngeꞌe stexraxaon xa, ko ndachro ndo: ―¿Sonda tjaunnta ndakuaꞌi tsjatengiaxin? Tikuunta naa tomi xrotsjaꞌa.

Marcos 12:18

*Ko tjumeꞌe xi saduceo kuitsjeꞌe xa ndo Jesús ixi jeꞌe xa xraxaon xa nduaxinꞌa xroxechón ni tsikenꞌen ko jaꞌin juanchangiꞌe xa ndo Jesús:

San Lucas 10:25

*Ko tjumeꞌe naa xi tjako ley tjajna Israel bingatjen xa nichjeꞌe xa ndo Jesús ixi tjaun xa tsonoꞌe xa á nduaxin noꞌe ndo Jesús, ko juanchangi xa ndachro xa: ―Maestro, ¿ingeꞌe sintaꞌa janꞌan ixi tsarichón kain nchakon?

San Lucas 11:16

*Ko ikaxin na̱ tjaunna na̱ xrotsjeꞌe na̱ á nduaxin noꞌe ndo Jesús, méxin juancheꞌe na̱ ndo xrojuincheꞌe ndo naa ixra̱ ijié ixi juachaxien ndo Dio jii ngajní.

San Lucas 20:23

Ko ndo Jesús konoꞌe ndo ixi ndakoꞌa stexraxaon xa, méxin ndachro ndo: ―¿Sonda tjaunnta sincheyananta?

San Lucas 20:27

*Ko tjumeꞌe kuiji kaxin xi saduceo kuitsjeꞌe xa ndo Jesús. Ko xi saduceo meꞌe titikaonꞌa xa ixi xroxechón chujni tsikenꞌen. Méxin ndache xa ndo Jesús:

San Juan 8:6

Jaña juanchangiꞌe na̱ ndo ixi tjaun na̱ ndakoꞌa xrojuatingíexin ndo ixi xrokuitja na̱ ngeꞌe xrobankataꞌa na̱ ndo ijie̱. Ko jeꞌe ndo Jesús kuisée ndo ko kuaxi ndo ikjin ndo ngataꞌa inche ixi dedo itja ndo.

Hechos 4:1

Ndo Pedro ko ndo Juan xranichjeꞌe sen ni ste ntiꞌa ko tuinxin kui̱i̱ xitaana ko xi tetuanꞌan niꞌngo ko xi saduceo.

Hechos 5:17

Ko tjumeꞌe xitaana tetuanꞌan ko xi saduceo tsango kochjuyeꞌe xa ngajin sen kuincheꞌe ndo Jesús,

1 Corintios 1:22

Ni judío tjaun na̱ xrobikon na̱ naa ixra̱ tsango jié, ko ni griego tjaun na̱ tsonoꞌe na̱ ícha.