Marcos 9:5 - El Nuevo Testamento

⁵ Ko ndo Pedro ndache ndo ndo Jesús: ―Maestro, chao stena ntiꞌi. Sintakonchjianna níi tsaꞌon; naa tsaꞌon jaꞌanta ko naa tsaꞌon ndo Moisés ko naa tsaꞌon ndo Elías.

Marcos 9:5 ပူးပေါင်းရင်းမြစ်များ

Mateo 17:4

Tjumeꞌe ndo Pedro ndache ndo ndo Jesús: ―Nchána, chao ndatsojuna ntiꞌi. Ko siá tjaunnta sintáñana níi nchia, naa nchia jaꞌanta ko naa nchia ndo Moisés ko naa nchia ndo Elías.

Mateo 23:7

Ko ngataon ndasin ko ngaya chaꞌo tjaun xa ixi chujni tsajon na̱ juajna ko xrochóndeꞌe na̱ xa juasaya ko sinchekinꞌin na̱ xa xi tjako chijnie ndo Dio.

Mateo 23:8

’Ko jaꞌanta tjanchaꞌinta ixi chujni xrontatjunta na̱ sen nchekuenꞌen chujni jaꞌanta, ixi jaꞌanta naakua naa ndo nchekuanꞌannta meꞌe ndo Cristo ko kain jaꞌanta kichuunta.

Marcos 9:4

Ko bikon sen ntiꞌa jii ndo Elías ko ndo Moisés stetjao sen ndo Jesús.

Marcos 9:6

Jaña ichro ndo ixi kain sen tsango xronka sen, ko ndo Pedro noeꞌa ndo ngeꞌe nichja ndo.

San Lucas 9:33

Ko hora saxrokjui sen, ndo Pedro ndache ndo ndo Jesús: ―Maestro, jian stena ntiꞌi. Sintáñana níi tsaꞌon nchíín; naa tsaꞌon jaꞌanta, ko naa tsaꞌon ndo Moisés, ko naa tsaꞌon ndo Elías. Ko ndo Pedro noeꞌa ndo ngeꞌe ndachro ndo.

San Juan 4:31

Xratijiꞌa na̱, sen teyuu chrikao ndo tinóatée sen ngajin ndo, ndachro sen: ―Maestro, inte ngeꞌe.

Filipenses 1:23

Méxin, nónaꞌi ngeꞌe ícha jian tsinchaꞌa ixi tjaꞌon ndaxrokuenꞌenna ixi jaña xrobakeꞌé ngajin ndo Cristo ko meꞌe ícha jian.

1 Juan 3:2

Kichuuna, tsango tjuaꞌanta, ixi jai̱na ó ikjanna chjenꞌen ndo Dio, ko xratjakoꞌa ndo Dio xranchi tsojuna nchakon tsjexixin kain ngeꞌe. Ko ó noi̱na ixi nchakon tsi̱i̱ Ncháina Jesucristo jai̱na xrokjanna xranchi jeꞌe ndo, ixi nchakon meꞌe tsikonna Ndo xranchi jii jeꞌe ndo.