Marcos 9:23 - El Nuevo Testamento

²³ Ko ndachro ndo Jesús: ―¿Á chao titikaonnta ndo Dio? Siá titikaonnta ndo Dio, chao tsonꞌen kain ngeꞌe.

Marcos 9:23 ပူးပေါင်းရင်းမြစ်များ

Mateo 14:29

Ko ndo Jesús ndachro ndo: ―Xrokuia. Ko tuinxin ndo Pedro xingajinxin ndo nta̱barco ko kuaxi juixin tutée ndo ngataꞌa nda ti no jii ndo Jesús.

Mateo 17:20

*Meꞌe ndo Jesús juatingíexin ndo: ―Jaꞌanta chuntiaꞌininta. Ko janꞌan nduaxin ntatjunta siá jaꞌanta jeꞌo xrochuntianinta naanchion xranchi naa tse̱e̱ ntamostaza tsango nchíín tse̱e̱, meꞌe chao xrondachenta jna̱ jiꞌin: “Ndáꞌa tjia”; ko jaña xrokonꞌen ixi ijna̱ xrokuitikaon jna̱. Ko siá nduaxin xrochuntianinta, chao sincheꞌenta kain ixra̱ tsetuanꞌannta.

Marcos 11:23

*Nduaxin ntatjunta ixi siá xrojan jaꞌanta xrondachenta ijna̱ jiꞌi: “Satjixian ntiꞌi ko titsingaꞌngia ndachaon”, ko ixi nchijíi asáanta xrochuntianta ngajin ndo Dio ko tsonꞌen ti tjanchianta.

Marcos 9:22

Ko nanaó espíritue Xixronꞌanxrée tjanka chán ti jii xroꞌi ko tjanka chán ti jii inda ixi tjaun espíritu naatsóñaxón chán. Ko ixudio tikonóaꞌnananta ko tingijnananta.

Marcos 9:24

Ko tuinxin séen nichja ndotée chán, ko ndachro: ―Janꞌan titikaꞌon. Tingijnana ixi jaña ícha tsitikaꞌon.

San Lucas 17:6

Ko jeꞌe Ndo Jesús ndachro ndo: ―Siá jaꞌanta xrochuntianta ndo Dio naa nchinchjaon xranchi naa tse̱e̱ ka mostaza, jaꞌanta xrondachenta naa nta̱yua: “Jaꞌa tachrjengíxian inche ntiꞌi, ko xenga ngangi ndachaon”, ko nta̱a̱ meꞌe tsitikaon nta̱a̱.

San Juan 11:40

Ko ndachro ndo Jesús: ―Á ntatjuꞌia ixi siá tsitikaoan tsikuan naa ixra̱ ijié sincheꞌe ndo Dio ixi juachaxien ndo.

Hechos 14:9

Xi meꞌe jii xa nunte ko jitinꞌen xa ngeꞌe juako ndo Pablo. Tjumeꞌe ndo Pablo jian jitsjeꞌe ndo xa ko konoꞌe ndo ixi jeꞌe xa chuntia xa Ncháina ko chao xrokoxruenꞌen xa.

Hebreos 11:6

Ko ndo Dio takeꞌa ndo juaxruxin ngajinna siá jai̱na chuntiaꞌina ngajin ndo ixi siá tsonchjiñeꞌena ngajin ndo xrokonda tsitikaonna ixi jeꞌe ndo nduaxin jii ndo, ko tsajon ndo ngeꞌe tsayéꞌe sen nduaxin ruéꞌe ndo.