Marcos 8:6 - El Nuevo Testamento

⁶ Ko ndo Jesús kuetuenꞌen ndo kain na̱ ixi tsakeꞌe na̱ nunte. Ko kua ndo ti ya̱a̱to̱ nutja ko kuajon ndo juasaya ngajin ndo Dio ko konchrinjin ndo nio ko chjée ndo sen teyuu chrikao ndo ixi tsonchjeya sen ngajin kain ni ste ntiꞌa.

Marcos 8:6 ပူးပေါင်းရင်းမြစ်များ

Mateo 26:26

Ko xrastene sen, ndo Jesús itsé ndo naa nutja ko kuajon ndo juasaya ngajin ndo Dio. Tjumeꞌe konchrinjin ndo nio ko konchjeya ndo nio ngajin sen chrikao ndo ko ndachro ndo: ―Itsenta nutja ko intenta nio, ixi nutja jiꞌin xranchi xrokjui cuerpona.

Marcos 8:20

Ko íjngo ndachro ndo Jesús: ―Ko nchakon konchrinjin ya̱a̱to̱ nutja juine noó mil chujni, ¿ngijanꞌin ntaxra ti tutuꞌo nutja xejo? Ko ndachro sen: ―Ya̱a̱to̱ ntaxra.

Marcos 8:5

Ko juanchangiꞌe ndo Jesús: ―¿Ngijanꞌin nutja chondanta? Ko jeꞌe sen juatingíexin sen: ―Ya̱a̱to̱ nutja chondana.

Marcos 8:7

Ko kaxon kaxin kuchee̱ nchínchín chónda sen. Ko ndo Jesús kuajon ndo juasaya ko kuetuanꞌan ndo tsonchjeya sen kuchee̱ kaxon.

San Lucas 12:37

Tsango juaxruxin tsintee kain ngisen ncheꞌe ixra̱ nchakon xrokjan nchée na̱ ko tsitja ndo na̱ stechón na̱, tsikejuaꞌi na̱. Ko janꞌan ntatjunta, ixi jeꞌe ndo tsajon ndo juachaxin tsakeꞌe na̱ ti jii ntachaon ko tsajon ndo ngeꞌe sine na̱.

San Lucas 24:30

Ko kuintee sen ti mesa ko ndo Jesús itsé ndo nutja ko kuajon ndo juasie ndo ngajin ndo Dio, ko tjumeꞌe konchrinjin ndo nio ko kuajon ndo nio ngajin sen.

San Juan 2:5

Ko jeꞌe jan ndache jan ni stetonchjeya ngeꞌe: ―Ncheꞌenta kain ngeꞌe xrontatjunta ndo.

San Juan 6:23

Ko tjumeꞌe kui̱i̱ kaxin nta̱barco ti̱ꞌxi̱n tjajna Tiberias tjenka ti no juinexin na̱ nutja, ti kuajonxin ndo Jesús juasie ndo ngajin ndo Dio.

Romanos 14:6

Ngisen xraxaon ixi naa nchakon ícha tjintee, jeꞌe sen jaña xraxaon sen ixi chóndeꞌe sen juasaya Ncháina, ko kaxon sen titikaonꞌa jaña, kaxon chóndeꞌe sen Ncháina juasaya, maski jeꞌa xrajeꞌo xraxaonꞌa sen. Kaxon sen ine kain ngeꞌe, ine sen ixi jaña chóndeꞌe sen juasaya Ncháina ko tajon sen juasaya ngajin ndo Dio. Kaxon jaña ncheꞌe sen neꞌa ntao, ko kaxon tajon sen juasaya ngajin ndo Dio.

Colosenses 3:17

Kain ixra̱ ncheꞌenta ko kain ngeꞌe xrondachronta, kain meꞌe tjanchiaxinnta juachaxien nombrée Ncháina Jesús, ko tájonnta juasianta ngajin Ndotáina Dio ixi titikaonnta ndo Jesucristo.