Marcos 8:11 - El Nuevo Testamento

¹¹ *Ko kui̱i̱ kaxin xi fariseo ko kuaxi xa juao xa ndo Jesús ko juanchia xa ixi xrojuakoxin ndo naa ixra̱ ijié tsi̱ꞌxi̱n ngajní ixi tjaun na̱ tsonoꞌe na̱ á nduaxin chao sincheꞌe ndo.

Marcos 8:11 ပူးပေါင်းရင်းမြစ်များ

Mateo 12:38

*Tjumeꞌe kaxin xi fariseo ko ni tjako chijnie ndo Dio ndache na̱ ndo Jesús: ―Jaꞌanta ti tjakonta, tjaꞌonna tsjakoꞌnaninta naa ngeꞌe xrochronga á nduaxin ndo Dio xruanꞌannta.

Mateo 19:3

Ko tjumeꞌe kaxin xi fariseo konchjiñeꞌe xa ngajin ndo Jesús ko juanchangiꞌe xa ndo ixi tjaun xa ndakoꞌa xrojuatingíexin ndo, ko jaꞌin ndachro xa: ―¿Á chao jañao naa xi tsintuꞌe xa nchrinchriꞌe xa maski nchrinchriꞌe xa xroꞌan ngeꞌe ti ndakoꞌa juincheꞌe nchra?

Mateo 21:23

Tjumeꞌe ndo Jesús kuixinꞌin ndo niꞌngo, ko juinchekuenꞌen ndo chujni, meꞌe konchjiñeꞌe kaxin xitaana tetuanꞌan ko kaxon kaxin xi judío, xi ícha tetuanꞌan, ko juanchangiꞌe xa ndo: ―¿Ngeꞌe juachaxin chonda jaꞌa ixi jaꞌin ncheꞌe ko ngisen tjáa juachaxin?

Mateo 22:15

Tjumeꞌe xi fariseo sakuntekji xa ko juao kichuu xa xranchi sincheꞌe xa ixi ndo Jesús ndakoꞌa xronichja ndo naa ngeꞌe ixi jaña chao tsjankataꞌa xa ndo ijie̱.

Mateo 22:18

Ko ndo Jesús noꞌe ndo ixi ndakoꞌa stexraxaon xa, meꞌe ndachro ndo: ―Jaꞌanta ndakoꞌa xraxaonnta. ¿Sonda tjaunnta ixi janꞌan ndakoꞌa xronichja?

Mateo 22:23

*Ko xrajeꞌo nchakon meꞌe, kuntekii kaxin xi ndatinꞌin saduceo, xi titikaonꞌa ixi xroxechón chujni, ko juanchangiꞌe xa ndo Jesús:

Marcos 12:15

Ko ndo Jesús noꞌe ndo jian ngeꞌe stexraxaon xa, ko ndachro ndo: ―¿Sonda tjaunnta ndakuaꞌi tsjatengiaxin? Tikuunta naa tomi xrotsjaꞌa.

Marcos 2:16

Ko kaxin xi tjako ley ko xi fariseo bikon xa ixi ndo Jesús jinekao ndo kain xi xengeꞌe ꞌna̱ ko ikaxin ni chónda ijie̱, ko juanchangiꞌe xa sen teyuu chrikao ndo Jesús, ko ndachro xa: ―¿Sonda xi tjakoꞌanta nekao xa ko tikao xa xi xengeꞌe ꞌna̱ ko ni chónda ijie̱?

Marcos 9:16

Ko ndo Jesús juanchangiꞌe ndo na̱ ko ndachro ndo: ―¿Ngeꞌe stetjaunnta sen chrjikiꞌan?

San Lucas 10:25

*Ko tjumeꞌe naa xi tjako ley tjajna Israel bingatjen xa nichjeꞌe xa ndo Jesús ixi tjaun xa tsonoꞌe xa á nduaxin noꞌe ndo Jesús, ko juanchangi xa ndachro xa: ―Maestro, ¿ingeꞌe sintaꞌa janꞌan ixi tsarichón kain nchakon?

San Lucas 11:16

*Ko ikaxin na̱ tjaunna na̱ xrotsjeꞌe na̱ á nduaxin noꞌe ndo Jesús, méxin juancheꞌe na̱ ndo xrojuincheꞌe ndo naa ixra̱ ijié ixi juachaxien ndo Dio jii ngajní.

San Juan 4:48

Ko ndachro ndo Jesús: ―Jaꞌanta, titikaonꞌanta siá tsikonꞌanta naa ngeꞌe jian sintaꞌa.

San Juan 6:30

Ko juanchangiꞌe na̱ ndo: ―¿Ngeꞌe tjakoxian ixi tsikonna ko chao tsitikaꞌonna? ¿Ngeꞌe ixra̱ ncheꞌe?

San Juan 7:48

¿Á xrojan na̱ tetuanꞌan tjajnai̱na o̱ ni fariseo kuitikaon xa?

San Juan 8:6

Jaña juanchangiꞌe na̱ ndo ixi tjaun na̱ ndakoꞌa xrojuatingíexin ndo ixi xrokuitja na̱ ngeꞌe xrobankataꞌa na̱ ndo ijie̱. Ko jeꞌe ndo Jesús kuisée ndo ko kuaxi ndo ikjin ndo ngataꞌa inche ixi dedo itja ndo.

Hechos 5:9

Ko ndo Pedro ndachro ndo: ―¿Sonda juintejaonta xrojuincheyeꞌénta Espíritue ndo Dio? Nduja ste chajan bikao ndoxiꞌa kuixrabaa ndo ko jai jaꞌa satikoꞌa chán tsixrabaa kaxon.

1 Corintios 10:9

Kaxon sintuꞌana ixi tsikonna á nduaxin tsoñao ndo Dio xranchi juincheꞌe jeꞌe sen ko kondeexin meꞌe kuenꞌen sen ixi kunchee juineꞌe ba sen.