Marcos 4:38 - El Nuevo Testamento

³⁸ Ko ndo Jesús ndakuejua ndo ícha ndáꞌa ngaxinꞌin nta̱barco ko jikjón ndo naa noxra. Ko juinchexingameꞌe sen ndo, ko ndachro sen: ―¡Maestro! ¿Á taꞌinta juachjaon ixi xrokjuina inda?

Marcos 4:38 ပူးပေါင်းရင်းမြစ်များ

Mateo 22:16

Méxin xruanꞌan xa kaxin xi nchekuenꞌen xa ko kaxin xi nchexrée xi Herodes ixi tsjanchangíꞌe xa ndo Jesús jaꞌin: ―Maestro, konónana ixi jaꞌanta jeꞌo ti nduaxin nichjanta, ko ndako tjakonta chijnie ndo Dio, ko jaꞌanta taꞌinta juachjaon ngeꞌe nichja chujni, ixi jaꞌanta tsjeꞌenta aséen chujni.

Mateo 8:25

Tjumeꞌe sen teyuu chrikao ndo Jesús ikjui sen juinchexingameꞌe sen ndo ko ndachro sen: ―Nchána, tingijnaninta ixi xrojamangi nta̱barco.

Marcos 4:37

Ko tuinxin kui̱i̱ naa chrinto soji ko tsango juinchetengi inda ko nta̱barco kuaxi bikia nta̱a̱ inda ko kuaxi konuntengi nta̱barco.

Marcos 4:39

Ko jeꞌe ndo bingatjen ndo, ko kuyakutee ndo chrinto ko inda ko ndachro ndo: ―Tenkua ko ndatakeꞌe. Ko tuinxin jeꞌe inda ndabakeꞌe inda ko chrinto kaxon.

San Lucas 8:24

Ko konchjiñeꞌe sen ti jii ndo ko juinchexingameꞌe sen ndo ko ndache sen ndo: ―¡Maestro, Maestro! ¡Tsenꞌenna ixi xrojamangi nta̱a̱ steyána ko xrokjoi̱nna inda! Ko jeꞌe ndo bingatjen ndo ko kuyakutee ndo chrinto ko inda ko tuinxin ndabakeꞌe nda.

San Juan 4:6

Ntiꞌa jii naa pozo tjiá inda kuachónda ndo Jacob. Ko ndo Jesús kuiji ndo ntiꞌa ko tsango konchrje ndo ixi tsango ikjín tsikjixin ndo, méxin bakeꞌe ndo nunte tjenka pozo. Hora meꞌe xranchi ngusine nchakon.

Hebreos 2:17

Méxin, jeꞌe ndo Jesús jongíꞌe ndo xranchi naa chujni, kuitikaon ndo kain ngeꞌe ixi jaña tsingijna ndo sen kichuu ndo, ko jaña ikjan ndo naa taana ícha tetuanꞌan ngajinxin ndo Dio, jaña juacha ndo juenga ndo ꞌna̱ ti sínká kain chujni ixi kuenꞌen ndo.

Hebreos 4:15

Ko ndotánai̱na, ndo ícha tetuanꞌan, chao tsikonóaꞌina ndo nchakon Xixronꞌanxrée tjaun xa sincheyai̱na xa xranchi tjaun xa xrojuincheyeꞌe xa ndo Jesús ko jeꞌe ndo juacha ndo ko xroꞌan ijie̱ kuama ndo.

1 Pedro 5:7

Ko kain juachjaon chondanta takéenta ngaya itja ndo Dio ixi jeꞌe ndo nduaxin tayakonꞌannta ndo.