Marcos 3:22 - El Nuevo Testamento

²² *Ko kaxon kui̱i̱ kaxin xi tjako ley tsiki̱ꞌxi̱n tjajna Jerusalén ko ndachro xa: ―Xi jiꞌi chónda xa juachaxien Beelzebú, Xixronꞌanxrée, xi tetuenꞌen kain espíritu ñaꞌi, méxin, chao tantsje xa espíritue Xixronꞌanxrée.

Marcos 3:22 ပူးပေါင်းရင်းမြစ်များ

Mateo 10:25

*Ko ngisen jitangi xroxraxaon sen ixi jeꞌo tjintee sen xranchi ndo nchekuenꞌen sen, ko ni nchexra̱ xroxraxaon na̱ ixi jeꞌo tsituanꞌan na̱ xranchi nchée na̱. Ixi siá ndotata juinchekinꞌin na̱ ndo Xixronꞌanxrée, sen ruéꞌe ndo ícha jaiko sinchekinꞌin na̱ sen jaña.

Mateo 11:18

Ixi kui̱i̱ ndo Juan juineꞌa ndo ko kuiꞌa ndo ixi juinchekatse ñao ndo jinta, ko jaꞌanta ndachronta ixi espíritue Xixronꞌanxrée chónda ndo.

Mateo 12:24

*Ko kuinꞌen xi fariseo ixi jaña stenichja na̱, méxin ndachro xa: ―Xi Jesús jiꞌi tantsje xa espíritu ñaꞌi ixi chónda xa juachaxien Xixronꞌanxrée, xi tsango ñaꞌi, xi tetuenꞌen kain espíritu meꞌe.

Mateo 15:1

Tjumeꞌe konchjiñeꞌe kaxin xi fariseo ko kaxin xi tjako chijnie ndo Dio tsiki̱ꞌxi̱n tjajna Jerusalén ko juanchangiꞌe xa ndo:

Mateo 9:34

*Ko ni fariseo stendachro na̱: ―Xi jiꞌi tantsje xa espíritue Xixronꞌanxrée ixi Xixronꞌanxrée tsikajon xa juachaxin ngajin xi jiꞌin.

Marcos 7:1

Tjumeꞌe kaxin ni fariseo ko kaxin ni bajako chijnie ndo Dio kui̱xi̱n na̱ tjajna Jerusalén konchjiñeꞌe na̱ ti jii ndo Jesús.

San Lucas 11:15

*Ko kaxin na̱ ndachro na̱: ―Xi jiꞌin tantsje xa espíritue Xixronꞌanxrée ixi chónda xa juachaxien Beelzebú, meꞌe Xixronꞌanxrée, xi tetuenꞌen kain espíritu ñaꞌi.

San Lucas 5:17

Naa nchakon ndo Jesús juinchekuenꞌen ndo chujni ko ntiꞌa ste kaxin xi fariseo ko kaxin xi tjako ley, tsiki̱ꞌxi̱n xa kain tjajna nunte Galilea ko nunte Judea ko tjajna Jerusalén. Ko ndo Jesús juako ndo juachaxien ndo Dio ixi juinchexruenꞌen ndo itsjé chujni niꞌe.

San Juan 10:22

Ko ó nchakuen ikin, tjajna Jerusalén stencheꞌe na̱ kia xraxaonxin na̱ nchakon juexin tsikoña niꞌngo.

San Juan 7:20

Ko jeꞌe na̱ juateꞌe na̱: ―Jaꞌa chonda naa espíritue Xixronꞌanxrée. ¿Ngisen tjaun tsóñaxion?

San Juan 8:48

Ko ni judío ndache na̱ ndo Jesús: ―Nduaxin ndako ndachrja̱nna ixi jaꞌa naa chujni samaritano ko chónda naa espíritue Xixronꞌanxrée.

San Juan 8:52

Ko juateꞌe ni judío: ―Jai nóna ixi nduaxin chonda naa espíritue Xixronꞌanxrée. Ndo Abraham ko kain sen kuachronga chijnie ndo Dio saꞌó, kuenꞌen sen. Ko jaꞌa ndachrua ixi siá tsitikaonna ngeꞌe tjakoa, tsenꞌana.