Marcos 16:16 - El Nuevo Testamento

¹⁶ Sen tsitikaon ko tsikitée, sen meꞌe tsitjáñaꞌi sen. Ko ni tsitikaonꞌa, ni meꞌe tangi tsonꞌen na̱.

Marcos 16:16 ပူးပေါင်းရင်းမြစ်များ

Mateo 28:19

*méxin, itjinta kain tjajna jii ngataꞌa nunte xasintajni ko nchekuenꞌennta kain chujni chijnina ixi jaña tsitikaonna na̱ kaxon. Ko ni tsitikaon, tikitéenta na̱ ixi juachaxien Ndotána ko nombrée Chjenꞌen ndo ko Espíritue ndo.

Marcos 1:15

*Ko ndachro ndo: ―Ó kui̱i̱ nchakon, tsi̱i̱ juachaxien ndo Dio. Méxin tintuꞌenta ngeꞌe ndakoꞌa xraxaonnta ko titikaonnta chijni jian.

San Lucas 8:12

Tse̱e̱ kuitsinga ngandeꞌe chaꞌo meꞌe xrondachro ngisen tinꞌen chijnie ndo Dio. Ko Xixronꞌanxrée nchetjáñajin xa na̱ ko titikaonꞌa na̱, méxin, tsitjáña na̱.

San Juan 20:31

Ko ngeꞌe jitaxin xroon jiꞌi, tsikixintaxin ixi tsitikaonnta ixi ndo Jesús meꞌe ndo Cristo, Chjenꞌen ndo Dio, ixi siá tsitikaonnta ndo, xrochondanta juachaxin tsaricho̱nnta kain nchakon.

San Juan 3:36

Ngisen tsitikaon Chjenꞌen ndo Dio xrochónda sen juachaxin tsechón sen kain nchakon. Ko ngisen tjaunꞌa tsitikaon Chjenꞌen ndo xrochóndaꞌi sen juachaxin meꞌe, ixi ndo Dio tsajon ndo juachaxin tangi tsonꞌen sen.

San Juan 3:5

Ko ndo Jesús ndachro ndo: ―Nduaxin ntatjua: ixi ngisen tsjongíexinꞌa inda ko Espíritue ndo Dio juaꞌi tsixinꞌin sen ti tetuanꞌan ndo Dio.

San Juan 5:24

’Nduaxin ngeꞌe ntatjunta: Ngisen tinꞌen ngeꞌe ntatjunta ko titikaon Ndo xruanꞌanna, chónda sen juachaxin tsechón sen kain nchakon ko tangiꞌa tsonꞌen sen, ixi ó kuatsinga ti tsenꞌen sen ko jai tsechón sen kain nchakon.

San Juan 6:29

Ko juateꞌe ndo Jesús, ndachro ndo: ―Ndo Dio tjaun ndo ixi tsitikaonnta ngisen tsixruaꞌan ndo.

San Juan 6:35

Ko ndachro ndo Jesús: ―Janꞌan meꞌe nutja tajon juachaxin tsechón chujni. Sen tonchjiñeꞌe ngajin janꞌan ítsenꞌa sen jinta, ko sen tsitikaonna, ítsenꞌa sen inda.

San Juan 6:40

Ngisen tsixruanꞌanna tjaun ixi kain ni tsikon janꞌan, Chjenꞌen ndo Dio, ko tsitikaonna na̱, ni meꞌe tsayéꞌe na̱ juachaxin tsechón na̱ kain nchakon. Tjumeꞌe janꞌan sintaxechón na̱ nchakon tsjexixin.

San Juan 8:24

Méxin, ndachrja̱n ixi nchakon tsenꞌennta xratsamanta ijie̱ chondanta ixi siá tsitikaonꞌanta ngisen ndachrja̱n, ngisen najanꞌan, nchakon tsenꞌennta xraxrochondanta ijie̱.

Hechos 10:43

Kain sen chronga chijnie ndo Dio chronga sen ixi ngujngu chujni titikaon ndo Jesús, sen meꞌe sincheméꞌe ndo jíee sen.

Hechos 13:39

Tjumeꞌe kain sen titikaon ndo Jesús ó juinchetjúá ndo aséen sen ixi ley kuetuanꞌan ndo Moisés chóndaꞌi juachaxin tsantsjen jíee sen.

Hechos 13:46

Tjumeꞌe ndo Pablo ko ndo Bernabé soji nichja sen ko ndachro sen: ―Xrokonda saꞌó jaꞌanta ni judíonta xrokuinꞌennta chijnie ndo Dio. Ko jaꞌanta tjaunꞌanta tsinꞌennta ngeꞌe jian tsajon juachaxin tsechón chujni kain nchakon. Ko jai tsintuꞌananta jaꞌanta ni judíonta ko satsjina sintakuanꞌanna ni jeꞌa judío.

Hechos 2:38

Tjumeꞌe juateꞌe ndo Pedro ko ndachro ndo: ―Tintuꞌenta ti ndakoꞌa ncheꞌenta ko titikaonnta ndo Dio. Ko tjumeꞌe tikitéxinnta nombrée ndo Jesucristo ko ndo Dio sincheméꞌe ndo jíanta ko tsajon ndo Espíritue ndo tsayeꞌenta.

Hechos 2:41

Tjumeꞌe kain ni kuitikaon ngeꞌe ndachro ndo, bikitée na̱ ko ni konchjiñeꞌe nchakon meꞌe níi mil na̱.

Hechos 22:16

Ko jai í chuenꞌa ícha. Taya ko tikitéexian nombrée Ncháina Jesucristo ixi meꞌe tsijmaxin jía.”

Romanos 3:6

Naꞌi, siá ndo Dio jeꞌa tsango jian xrokjui ndo, ¿xranchi jian xrojuinchéña ndo ijie̱ ngajin kain chujni nunte xasintajni?

Romanos 4:24

kaxon sincheméꞌe ndo jíei̱na ixi tsitikaonna ndo, ndo juinchexechón Ncháina Jesucristo,

2 Tesalonicenses 1:8

Tsi̱i̱ ndo Jesucristo ixi sinchéña ndo ijie̱ ngajin kain chujni kuitikaonꞌa ndo Dio ni ko kuitikaonꞌa chijni jian nichja Ncháina Jesucristo.

2 Tesalonicenses 2:12

Ko jaña tsama na̱ ijie̱ kain ni kuitikaonꞌa chijni nduaxin ixi ícha juincheꞌe na̱ juaxruxin kain ti ndakoꞌa tjako Xixronꞌanxrée.

1 Pedro 1:21

Ixi kuenꞌen ndo Cristo meꞌe kuitikaonnta ndo Dio, ndo juinchexechón ndo Cristo nchakon kuenꞌen ndo, ko jeꞌe ndo Dio kuajon ndo ijié juachaxin ngajin ndo Cristo. Ko méxin jaꞌanta chuntianta ndo Dio ko stechonꞌennta tsaricho̱nnta kain nchakon.

1 Pedro 3:21

Inda meꞌe xrokjui xranchi ti tikitée chujni ixi jaña tsjacha tsitjáñaꞌi. Ko ti tikitéeni jeꞌa jeꞌo tsijma ntauꞌeni. Naꞌi. Meꞌe xrondachro ixi tsjancheꞌeni ndo Dio sinchetjúá ndo aséenni ko jaña tsonoꞌeni ixi xroꞌan ijie̱ chóndani. Ko ti xechón Ncháina Jesucristo meꞌe tsjachani tsechónni kain nchakon.

Apocalipsis 20:15

Ko ni jitaxinꞌa xranchi tinꞌin na̱ ngaya xroon ti jitaxin sen tsechón kain nchakon, ni meꞌe juankaꞌngi ndo na̱ ti jiche xroꞌi.

Apocalipsis 21:8

Ko ni xronka, ni titikaonꞌa, ni ndakoꞌa ncheꞌe, ni naatóñaxón chujni, ni chónda inaa nchri o̱ inaa xi, jeꞌa janchriꞌe o̱ ndoxiꞌe, ni tajon juasaya ngajin ídolo, ni tuso ko ni ruéꞌe chin tuso, ni ncheya, kain ni meꞌe tikinixinꞌen na̱ itsji na̱ ti jii xroꞌi jichexin ixi azufre ko naiꞌa tsjexin. Jiꞌi xrondachro ti yuxin tsenꞌen chujni.