Marcos 16:13 - El Nuevo Testamento

¹³ Ko jeꞌe sen kuichronga sen ngajin sen kaxin; ko kaxon jeꞌe sen kuitikaonꞌa sen.

Marcos 16:13 ပူးပေါင်းရင်းမြစ်များ

Mateo 28:17

Ko hora bikon sen ndo, kuajon sen juasaya ngajin ndo ko kaxin sen xratitikaonꞌa sen ixi á jeꞌe ndo o̱ naꞌi.

Marcos 16:11

Ko kuinꞌen sen ixi jaña tsikikon jan ko kuitikaonꞌa sen ti ndachro jan.

Marcos 16:14

Tjumeꞌe konoxin ndo ngajin sen tenaá kuajikao ndo ti stene sen. Ko nichjeꞌe ndo sen sonda tsikitikaonꞌa sen ngeꞌe chronga sen tsikikon ndo ixi jeꞌe ndo ó tsixechón ndo.

San Lucas 16:31

Tjumeꞌe ndachro ndo Abraham: “Siá tjaunꞌa na̱ tsitikaon na̱ chijnie Ndo Dio tsikayéꞌe ndo Moisés jitaxin xroon ko ti tsichronga kain sen profeta, maski tsikon na̱ naa chujni ndakuenꞌen ko xroxechón chujni, tsitikaonꞌa na̱ kaxon.”

San Lucas 24:11

Ko sen chrikao ndo Jesús kuitikaonꞌa sen ngeꞌe ichro nchra ixi xraxaon sen jée ngeꞌe stenichja nchra.

San Lucas 24:41

Ko jeꞌe sen xratitikaonꞌa sen ngeꞌe stetsjeꞌe sen ixi tsango juaxruxin ste sen ko xrastexronka sen; méxin, jeꞌe ndo ndachro ndo: ―¿Á chondanta ngeꞌe sineni?

San Juan 20:25

Méxin sen ikaxin chrikao ndo Jesús ndache sen ndo: ―Ó bikona Ncháina. Ko ndachro ndo Tomás: ―Siá tsikonꞌa janꞌan tinó tsikituꞌu na̱ clavo itja ndo ko xroxraxinꞌa dedo tjáana ntiꞌa ko ti chjiyée ndo, tsitikaonꞌa.

San Juan 20:8

Ko ndo bajikao ndo Jesús, ndo kuiji saꞌó ti no tsixrabaa ndo, kaxon kuixinꞌin ndo ko bikon ndo ngeꞌe tsikonꞌen ko kuitikaon ndo.