Marcos 12:37 - El Nuevo Testamento

³⁷ ¿Xranchi ndo Cristo xrokjui xjantié ndo David?, ko ndo David ndachro ndo ixi ndo Cristo Nchée jeꞌe ndo. Ko kain chujni juaxruxin bakeꞌe na̱ ti kuinꞌen na̱ ti beki ndo Jesús.

Marcos 12:37 ပူးပေါင်းရင်းမြစ်များ

Mateo 1:23

Naa nchrichajan tseyá nchrichan ichjan, ko xrochónda nchrichan naa ichjan, ko jeꞌe xjan ndatsinꞌin xjan Emanuel. Jiꞌi xrondachro: ndo Dio stekuꞌuna ndo.

Mateo 11:25

Hora meꞌe ndo Jesús nichja ndo ngajin Ndotée ndo ko jaꞌin ndachro ndo: ―Ndotána, tjáꞌanta juasiana, Nchée ngajní ko nunte xasintajni, ixi jaꞌanta kueméꞌenta chujni tsango noꞌe ko ni tsango tsikangi xroon, ko juinchekueꞌennta kain jiꞌi ngajin sen nchejiéꞌa aséen.

Mateo 11:5

Tekiꞌénta ndo ixi sen tikonꞌa, ó tikon sen, sen ntarengo ó ichrji sen ko sen kuachónda ichin lepra ó koxruenꞌen sen, sen ntakuxro, tinꞌen sen; kaxon sen tsikenꞌen xechón sen ko sen nóa stetinꞌen sen chijnie ndo Dio.

Mateo 21:45

Ko xitaana tetuanꞌan ko xi fariseo kuinꞌen xa chijni juakoxin ndo Jesús, meꞌe kuienxin xa ixi kondeexin jeꞌe xa ti ndachro ndo.

Mateo 21:46

Meꞌe tjaun xa xrotsé xa ndo Jesús ixi tsijeꞌe̱ xa ndo, ko juaꞌi juincheꞌe xa ixi ni tjajna ndachro na̱ ixi jeꞌe ndo Jesús nichja ndo chijnie ndo Dio.

San Lucas 19:48

Ko kuitjaꞌi na̱ xranchi tsóña na̱ ndo Jesús ixi kain na̱ stetinꞌen na̱ ngeꞌe jichro ndo.

San Lucas 21:38

Ko kain ni tjajna, ndúyo bakonchjiñeꞌe na̱ ti jii niꞌngo ixi tjaun na̱ tsinꞌen na̱ ti ndachro ndo Jesús.

San Juan 12:9

Tjumeꞌe kueya ni judío konoꞌe na̱ ixi ndo Jesús jii ndo tjajna Betania, ko sakjui na̱ ntiꞌa. Jeꞌa jeꞌo xrokuitsjeꞌe na̱ ndo. Kaxon tjaun na̱ xrokuitsjeꞌe na̱ xi Lázaro, xi juinchexechón ndo Jesús.

Romanos 9:5

Ni Israel tsikachrjenixin na̱ ni tsikachrjenixin jai̱na kaxon, ko kaxon ndo Cristo tsikachrjenixin ndo ni israelita nchakon ikjan ndo chujni. Jeꞌe ndo, ndo Dio neꞌe kain ngeꞌe jii, ko tikinixin tsajonna juasaya ngajin ndo kain nchakon. Jaña tsonꞌen.

1 Timoteo 3:16

Ko ti chijni nduaxin kuayeꞌena meꞌe chijni ícha tjintee ko chujni kuachúxinꞌa na̱ chijni jiꞌi ko nduaxin ngeꞌe titikaꞌonna: Ndo Jesucristo jongíꞌe ndo ntiꞌi nunte xasintajni xranchi naa chujni; Ko Espíritue ndo Dio juakoxin ixi ndo Jesucristo jian ndo. Ko sen ángel bikon sen ndo ko kaxon nchijíi nunte xasintajni kuinꞌen na̱ ngeꞌe kuanichja ndo ko kueya chujni jii ngataꞌa nunte stetitikaon na̱ ndo. Ko tjumeꞌe ndo Dio kuayéꞌe ndo ndo Jesucristo ti jii ngajní.

Santiago 2:5

Jaꞌanta kichuuna tsango tjuaꞌanta, tinꞌennta jiꞌi: Ndo Dio tsikincheꞌe ndo sen nóa jii ngataꞌa nunte ntiꞌi ixi jeꞌe sen ícha tjintee sen ixi chuntia sen ndo Dio, ko sen meꞌe jai tsayéꞌe sen juachaxien ndo ko tsi̱i̱ nchakon tsayéꞌe sen juachaxin tixinꞌin sen ti tetuanꞌan jeꞌe ndo ixi jaña tsindachro ndo tsayéꞌe kain sen tjueꞌe ndo.

Apocalipsis 22:16

―Janꞌan ndo Jesús xruanꞌan ndo ángel tikinixinna ixi xrochronga ndo ngajin kain sen niꞌngo kain jiꞌi. Janꞌan kuachrjenixin ndo rey David ko janꞌan meꞌe nchanotsé tingasáña ndúyo.