Marcos 10:43 - El Nuevo Testamento

⁴³ *Ko jaꞌanta sincheꞌanta jaña. Naꞌi. Siá xrojannta tjaunnta tsituanꞌannta xrokonda tsingijnanta ni kichuunta.

Marcos 10:43 ပူးပေါင်းရင်းမြစ်များ

Marcos 10:42

*Ko tjumeꞌe kuiyeꞌe ndo Jesús kain sen ko ndache ndo sen: ―Ó noꞌanta ixi ni tetuanꞌan xasintajni tsango tetuenꞌen na̱ kain chujni ko kain ni tsango tetuanꞌan, ni meꞌe tsango nchejié aséen na̱ ko chjinga nchekao na̱ chujni.

Marcos 10:44

Ko xrojannta tjaunnta ícha xrochondanta juachaxin, meꞌe xrokonda tsitikaonnta ngeꞌe tsituanꞌannta ikaxin chujni.

Marcos 9:35

*Ko tjumeꞌe ndo Jesús bakeꞌe ndo nunte ko kuiyeꞌe ndo ti teyuu sen chrikao ndo, ko ndache ndo sen: ―Siá xrojan jaꞌanta tjaunnta ícha tjinteenta, xrokonda sinchenchiin asáanta ko tsingijnanta kain chujni.

San Lucas 14:11

*Ixi ni ícha sinchejié aséen, ni meꞌe tjinteꞌa na̱ ko tsayéꞌa na̱ juachaxin tsetuanꞌan na̱; ko ngisen nchejiéꞌa aséen, sen meꞌe ícha tsayéꞌe sen juachaxin tsetuanꞌan sen.

San Lucas 18:14

*’Ko janꞌan ndachrja̱n ixi xi tjáka tomi, ícha jian ikjan xa ndoꞌa xa ixi ndo Dio juincheméꞌe ndo kain jíee xa, ko xi fariseo naꞌi. Méxin ngisen ícha tojié, ícha tjinteꞌa na̱ ngajin ndo Dio. Ko ngisen tojiéꞌa, Ndo Dio ícha xrotjueꞌe ndo sen.

San Lucas 22:26

*Ko jaꞌanta ncheꞌanta jaña. Ixi ngisen ícha tjintee, ícha tsitikaon sen xranchi naa chajan, ko chujni ícha tetuanꞌan, meꞌe sincheꞌe ixra̱ xranchi naa xi nchexra̱.

San Lucas 9:48

*ko ndache ndo sen: ―Ngisen tsayéꞌe ichjan jiꞌi ixi titikaonna sen; sen meꞌe tayéꞌe sen janꞌan kaxon. Ko ngisen tsayéꞌena janꞌan, kaxon tsayéꞌe ngisen xruanꞌanna. Méxin, ngisen ícha tjinteꞌa ngakjenꞌennta, sen meꞌe ícha tjintee sen ti tetuanꞌan ndo Dio.

San Juan 18:36

Ko juateꞌe ndo Jesús: ―Juachaxin chónda janꞌan jeꞌa kui̱xi̱n nunte xasintajni. Siá xrokui̱ꞌxi̱n nunte xasintajni, sen chrjikiꞌan xrojuincheꞌe sen ngeꞌe ixi xrotséꞌana ni judío ko juachaxin chónda janꞌan, jeꞌa juachaxin nunte xasintajni.

Romanos 12:2

Ko íncheꞌanta xranchi ncheꞌe chujni chúxinꞌa ndo Dio, ni ste nunte xasintajni. Cháña tájonnta juachaxin ixi ndo Dio tsindoxin ndo asáanta ko ti xraxaonnta. Ko jaña tsonoꞌanta ngeꞌe tjaun ndo Dio sincheꞌenta, meꞌe ti jian ko ti chaxro.

Gálatas 5:13

Jaꞌanta kichuuna, ndo Dio kuinchaꞌanta ndo ixi ítsamaꞌinta ijie̱. Méxin, nchekateyaꞌi asáanta sicheꞌenta ti ñaꞌi. Cháña tingijnanta ko tjueꞌenta sen kichuunta.