Marcos 10:33 - El Nuevo Testamento

³³ Ko jaꞌin ndachro ndo: ―Jai satsjina tjajna Jerusalén. Ko tjumeꞌe janꞌan, chjenꞌen ndo Dio, xjan jongíꞌe xranchi chujni, xrotséna na̱ tsikaanna na̱ ngajin xitaana tetuanꞌan ko xi tjako ley. Ko ni tetuanꞌan tsajon na̱ juachaxin ixi tsikaon na̱. Tjumeꞌe tsikaanna na̱ ngajin ni jeꞌa judío

Marcos 10:33 ပူးပေါင်းရင်းမြစ်များ

Mateo 16:21

Nchakon meꞌe kuaxi ndo Jesús ndache ndo sen teyuu chrikao ndo ixi xrokonda satsji ndo tjajna Jerusalén ko ntiꞌa xi tetuanꞌan niꞌngo ko xitaana ko xi tjako ley neꞌe ndo Dio tsango sincheniꞌe xa ndo ko naatsóñaxón xa ndo, ko nchakon nínxin xroxechón ndo.

Mateo 26:66

¿Ngeꞌe ichro jaꞌanta? Ko ni kaxin jaꞌin juateꞌe na̱: ―Xiꞌi chónda xa ijie̱, xrokonda tsenꞌen xa.

Mateo 27:2

Ko kuintexin na̱ ndo Jesús ino ko bikao na̱ ndo ngajin xi Poncio Pilato, xi tetuanꞌan kui̱xi̱n tjajna Roma.

Marcos 14:64

Jaꞌanta ó kuinꞌennta ixi nichjangíꞌe xa ndo Dio. ¿Ngeꞌe ndachronta? Ko kain na̱ juatingíexin na̱, xrokonda tsenꞌen ndo.

Marcos 15:1

Tjumeꞌe ó bingasáña ko xitaana tetuanꞌan kao ni tachríi, ko ni tjako ley ko kain ni tetuanꞌan niꞌngo, xraꞌo kain na̱ juintejao kichuu xa ko juexin itsé na̱ ndo Jesús sabikao na̱ ndo ngajin xi Pilato.

Marcos 8:31

Ko juangíxin ndo Jesús ndache ndo sen ixi jeꞌe ndo chjenꞌen ndo Dio, xjan jongíꞌe xranchi chujni, xrokonda tsango tangi tsonꞌen ndo ko kain xi tetuanꞌan niꞌngo ko kain xitaana tetuanꞌan ko kain ni tjako ley tsoñaoꞌe na̱ ndo. Ko ni meꞌe naatsóñaxón na̱ ndo ko nchakon nínxin xroxechón ndo.

Marcos 9:12

Ko ndachro ndo Jesús: ―Nduaxin tsi̱i̱ ndo Elías saꞌó ko sinchekonchjian ndo kain ngeꞌe. ¿Ko ngeꞌe xrondachro xroon jitaxin chijnie ndo Dio?, ixi tsango tangi tsonꞌen chjenꞌen ndo Dio, xjan jongíꞌe xranchi chujni, ko tsitikaonꞌa na̱ xjan.

Marcos 9:31

ixi tjaun ndo sinchekuenꞌen ndo sen chrikao ndo. Ko ndache ndo sen: ―Janꞌan chjenꞌen ndo Dio, xjan jongíꞌe xranchi chujni, xrotséna na̱ ko tsikaanna na̱ ngajin ni tituanꞌan ko naatsóñaxónna na̱. Ko nchakon nínxin xroxechónna.

San Lucas 23:21

Ko jeꞌe na̱ ícha séen kuyako na̱: ―¡Tjankanitua xa nta̱cru! ¡Tjankanitua xa nta̱cru!

San Lucas 9:22

Ko tjumeꞌe ndo Jesús ndache ndo sen: ―Janꞌan, chjenꞌen ndo Dio, xjan jongíꞌe xranchi chujni, xrokonda tsango tangi sinchena na̱, ko kain xi tetuanꞌan niꞌngo, ko kain xitaana tetuanꞌan ko kain xi tjako ley, tsoñaona na̱. Ko naatsóñaxónna na̱, ko nchakon nínxin xroxechónna íjngo.

San Juan 18:28

Kuachrjexin na̱ ndoꞌa xi Caifás, sabikao na̱ ndo Jesús ti nchia ijié tetuanxin xi gobernador. Ko ó kuaxi jitingasáña ko ni judío kuixinꞌa na̱ nchia meꞌe ixi jaña xrokuamaꞌi na̱ ijie̱, ne̱ juaꞌi sine na̱ kia Pascua.

San Juan 18:32

*Jaña konꞌen xranchi tsindachro ndo Jesús xranchi tsenꞌen ndo.

San Juan 19:11

Ko juateꞌe ndo Jesús: ―Xroꞌan juachaxin chónda jaꞌa siá jeꞌa Ndotána Dio xrotjáa ndo juachaxin. Ko chujni bikaana ntiꞌi ícha ijie̱ chónda na̱ ixi jaꞌa.

Hechos 13:27

Méxin, ni ste tjajna Jerusalén ko ni tetuanꞌan ntiꞌa konoeꞌa na̱ ngisen ndo Jesús ko kuienxinꞌa na̱ ngeꞌe tsikjin sen kuachronga chijnie ndo Dio ó saꞌó ti juinchekuanxin na̱ xroon ngaxinꞌin niꞌngo ngujngu nchakon tjokéꞌe na̱. Jaña jeꞌe na̱, nchakon tangi juinchekao na̱ ndo Jesús, tsijincheꞌe na̱ xranchi nichja xroon.

Hechos 20:22

Ko jai satsji tjajna Jerusalén ixi Espíritue ndo Dio kotuanna ko nónaꞌi ngeꞌe tsónna ntiꞌa.

Santiago 5:6

Jaꞌanta juankataꞌanta ijie̱ ko naa kóñaxónnta chujni xroꞌan ijie̱ chónda, ko chujni meꞌe xroꞌan ngeꞌe juincheꞌe sen.