Marcos 10:18 - El Nuevo Testamento

¹⁸ Ko tjumeꞌe ndo Jesús ndachro ndo: ―¿Sonda ndachrua ixi jianna janꞌan? Naakua ngisen jian, jeꞌo ndo Dio jian ndo.

Marcos 10:18 ပူးပေါင်းရင်းမြစ်များ

Mateo 19:17

Ko jeꞌe ndo jaꞌin juatingíexin ndo: ―¿Sonda ndachrua ixi janꞌan jianna? Jeꞌo ndo Dio, jeꞌe ndo jian ndo. Ko siá tjauan nduaxin tsarichuan, xrokonda tsitikaoan chijnie ndo Dio.

Marcos 10:17

Ko hora sakjui ndo Jesús, jitinga naa xi kui̱i̱ xa ko bakeꞌexin xa ntatuchiꞌin xa ngajin ndo Jesús, ko juanchangi xa: ―Maestro jian jaꞌa, ¿ngeꞌe sintaꞌa janꞌan ixi tsarichónna kain nchakon?

Marcos 10:19

Jaꞌa ó noꞌa kain ti kuetuanꞌan ndo Dio: “Ncheyeꞌa nchrinchriꞌa, tóñaiꞌa chujni, te̱maꞌia, tjangíeꞌa chujni siá jincheꞌe ti jian, ncheyeꞌa na̱ ko tájuan juasiaa ngajin ndotáa ko janáa.”

San Lucas 18:19

Ko tjumeꞌe ndo Jesús ndachro ndo: ―¿Sonda ndachijiana ixi jianna? Xroꞌan ngisen jian, jeꞌo Ndo Dio jian ndo.

Romanos 3:12

Kainko na̱ tsingachrue na̱, ko kain na̱ ncheꞌe na̱ ti ndakoꞌa meꞌe tsitjáñaxin na̱. Xroꞌan ngisen tjaun sincheꞌe ti jian, ninaa chujni.

Santiago 1:17

Kain ngeꞌe jian ko kain ngeꞌe chaxro tayéꞌena, kain meꞌe ti̱ꞌxi̱n ngajní ti jii Ndotáina Dio, ndo tsijinchekonchjian kain xroꞌi jii ngajní. Ko jeꞌe ndo, ti ndachro ndo ko ti xraxaon ndo tindoxinꞌa, ko xroꞌan tsaꞌon jii ngajin ndo.

1 Juan 4:16

Ko jaña noi̱na ko titikaꞌonna ixi ndo Dio tjuai̱na ndo. Ko jeꞌe ndo tsango tjueꞌe ndo chujni, ko ngisen tjueꞌe ndo Dio ko tjueꞌe sen kichuu sen, sen meꞌe stenii sen ngajin ndo Dio ko ndo Dio jii ndo ngajin jeꞌe sen.

1 Juan 4:8

Ko ngisen tjueꞌa ni kichuu, ni meꞌe chúxinꞌa na̱ ndo Dio ixi jeꞌe ndo tsango tjueꞌe ndo kain chujni.