Marcos 10:17 - El Nuevo Testamento

¹⁷ Ko hora sakjui ndo Jesús, jitinga naa xi kui̱i̱ xa ko bakeꞌexin xa ntatuchiꞌin xa ngajin ndo Jesús, ko juanchangi xa: ―Maestro jian jaꞌa, ¿ngeꞌe sintaꞌa janꞌan ixi tsarichónna kain nchakon?

Marcos 10:17 ပူးပေါင်းရင်းမြစ်များ

Mateo 17:14

Ko naa nchakon kuiji sen ti jii tsango itsjé chujni, meꞌe konchjiñeꞌe naa xi, xi meꞌe bakeꞌexin ntatuchiꞌin xa ngajin ndo Jesús ko ndachro xa:

Mateo 25:34

Tjumeꞌe ndo rey xrondache ndo sen ste ndatsjonxin jian: “Xrokui̱i̱nta ti juinchenchaonnta Ndotána ixi tsayeꞌenta ti juintakitonꞌannta ndo, ti juinchéña ndo nchakon xrangíxixión kóña nunte xasintajni,

Mateo 28:8

Ko sen nchri kuachrjexin sen ti no tsixrabaa ndo Jesús, ko stexronka sen ko stechéꞌe sen. Tjumeꞌe nteeto sakjui sen kuichronga sen ngajin sen chrikao ndo Jesús.

Marcos 1:40

Ko naa xi níexin chinlepra konchjiñeꞌe xa ngajin ndo Jesús ko bakeꞌexin ntatuchiꞌin xa ko kuinóatée xa ngajin ndo, ko ndachro xa: ―Siá tjaunnta, chao nchexruannanta.

Marcos 10:18

Ko tjumeꞌe ndo Jesús ndachro ndo: ―¿Sonda ndachrua ixi jianna janꞌan? Naakua ngisen jian, jeꞌo ndo Dio jian ndo.

Marcos 12:14

Ko kuiji na̱ ti jii ndo ko ndachro na̱: ―Maestro, nónana ixi jaꞌa nichja ti nduaxin ko taꞌia juachjaon ixi ngeꞌe xroxraxaon chujni ixi nduaxin nchekuenꞌén na̱ chijnie ndo Dio. Méxin, ndachijiana, ¿á chao tsjengana ꞌna̱ ngajin xi tetuanꞌan, tomi tjanchia xa, o̱ naꞌi?

Marcos 9:25

Ko tjumeꞌe bikon ndo Jesús ixi kueya na̱ konchjiñeꞌe na̱. Ko kuyakutee ndo espíritue Xixronꞌanxrée chónda chán meꞌe, ko ndachro ndo: ―Jaꞌa espíritue ti tintueꞌa nichja na̱ ko ti tintueꞌa tinꞌen na̱. Jai janꞌan ntatjua tachrjexian chajan jiꞌi ko tintuꞌé chán ko íkjanꞌia.

San Lucas 10:25

*Ko tjumeꞌe naa xi tjako ley tjajna Israel bingatjen xa nichjeꞌe xa ndo Jesús ixi tjaun xa tsonoꞌe xa á nduaxin noꞌe ndo Jesús, ko juanchangi xa ndachro xa: ―Maestro, ¿ingeꞌe sintaꞌa janꞌan ixi tsarichón kain nchakon?

San Juan 3:2

Xi jiꞌi kui̱i̱ xa ngajin ndo Jesús naa tiie ko ndachro xa: ―Maestro, nónana ixi ndo Dio xruanꞌan ndo ixi sinchekuanna̱na, ixi xroꞌan ngisen xrojuincheꞌe ngeꞌe jian ncheꞌe jaꞌa siá ndo Dio xrobakeꞌa ndo ngajian.

San Juan 5:39

Jaꞌanta jian nchekuanxinnta xroon chijnie ndo Dio ixi chonꞌénnta tsayeꞌenta juachaxin tsechonnta kain nchakon. Ko xroon meꞌe nichja ixi najanꞌan.

San Juan 6:40

Ngisen tsixruanꞌanna tjaun ixi kain ni tsikon janꞌan, Chjenꞌen ndo Dio, ko tsitikaonna na̱, ni meꞌe tsayéꞌe na̱ juachaxin tsechón na̱ kain nchakon. Tjumeꞌe janꞌan sintaxechón na̱ nchakon tsjexixin.

Hechos 16:30

Ko tuinxin kuantsjexin xa sen ntiꞌa ko juanchangiꞌe xa sen: ―¿Ngeꞌe sintaꞌa ixi tsechón aséenna kain nchakon?

Hechos 2:37

Ko kuinꞌen na̱ jiꞌi, tjumeꞌe tsango koniꞌe aséen na̱. Ko juanchangiꞌe na̱ ndo Pedro ko sen kaxin kuincheꞌe ndo Jesús ko ndachro na̱: ―Kichianna, jai, ¿ingeꞌe sintaꞌana?

Hechos 20:32

’Ko jai jaꞌanta kichianna, ngaya itja ndo Dio takéenta ko kaxon tsingijnaxinnta ndo chijnie ndo ixi jeꞌe ndo tjuaꞌanta ndo. Ko jeꞌe ndo tsango chónda ndo juachaxin tsingijnanta ndo ixi tsayeꞌenta kain ngeꞌe ti tjaun ndo ti xrochjée ndo kain sen chujnie ndo ti tjúá aséen sen.

Hechos 9:6

Jeꞌe xa xranga xa ko xronka xa, ko jaꞌin ndachro xa: ―Jaꞌanta, ¿ngeꞌe tjaunnta sintaꞌa? Ko Ncháina Jesús ndachro ndo: ―Tingatjén, tixinꞌia tjajna Damasco, ko ntiꞌa tsetuanꞌan ngeꞌe sincheꞌe.

Romanos 2:7

Ko tsajon ndo juachaxin tsechón na̱ kain nchakon, ni juée kain juachaxien ndo Dio ko juée na̱ tsechón na̱ ti jii jeꞌe ndo, ko ni ndako ko jian juincheꞌe ixra̱.

Romanos 6:23

Siá sincheꞌenta ti ndakoꞌa, tsamanta ijie̱, ko ti tsjachanta meꞌe tsenꞌennta. A̱ ndo Dio jeꞌe ndo tajon ndo juachaxin tsechónna kain nchakon siá titikaꞌonna Ncháina Cristo Jesús.

Efesios 1:18

Méxin, tjáncháꞌa̱ ndo Dio ixi jian xroxraxaonnta ixi jaña xrochonꞌénnta ti ndachro ndo tsajon ndo ixi kuinchaꞌanta ndo ixi tsango tjintee ngeꞌe sincheki̱to̱nꞌen ndo sen tikinixinꞌen ndo.

Tito 3:7

Ko juasie ndo, juincheméꞌe ndo jíei̱na ko jaña tsayéꞌena juachaxin tsechónna kain nchakon.

Hebreos 1:14

Kain sen ángel meꞌe espíritu tikonꞌani ncheꞌe ixra̱ ngajin ndo Dio ixi jeꞌe sen kuituenꞌen sen tsingijna sen chujni tsitjáñaꞌi aséen ko tsechón kain nchakon.

1 Pedro 1:4

tsayeꞌenta ngeꞌe jian tsajon ndo Dio, ti chónda ndo ngajní, naa ngeꞌe juaꞌi tsitjáña, ko juaꞌi tsonki̱tja̱, ko juaꞌi xroxeꞌnde xranchi itsjo.

1 Juan 2:25

Ko ndachro Ncháina Jesucristo xrochjai̱na ndo juachaxin tsechónna kain nchakon.