San Lucas 9:52 - El Nuevo Testamento

⁵² Jeꞌe ndo xruanꞌan ndo kaxin sen kuitaonxin sen chaꞌo saꞌó, ko sen meꞌe ikjui sen naa tjajna nunte Samaria bijée sen naa nchia ti tsjokéꞌe ndo Jesús ko kao jeꞌe sen.

San Lucas 9:52 ပူးပေါင်းရင်းမြစ်များ

Mateo 10:5

Ndo Jesús xruanꞌan ndo sen teyuu ko jaꞌin ndache ndo sen: ―Tjiꞌanta ngajin chujni jeꞌa judío ko tixinꞌanta tjajna Samaria.

San Lucas 10:1

Tjumeꞌe ndo Jesús kuincheꞌe ndo níikán ko te chujni, ko jeꞌe ndo xruanꞌan ndo sen, yuyu sen, tsitaon sen satsji sen kain tjajna ko nguixin ti no tjaun ndo xrokjui ndo.

San Lucas 10:33

Ko kaxon ntiꞌa jitji naa xi kui̱xi̱n nunte Samaria, ko bikon xa jitsinga xi judío, ko jeꞌe xa bikonóeꞌe xa xi meꞌe.

San Lucas 17:11

Ndo Jesús tingakitji ndo tjajna Jerusalén, kuatsinga ndo itsjé tjajna tikinixinꞌen nunte Samaria ko nunte Galilea.

San Lucas 17:16

Bakeꞌexin xa ntatuchiꞌin xa ngajin ndo Jesús, ko kuisée xa ngataꞌa nche, kuajon xa juasaya ngajin ndo. Ko xi meꞌe, xi tjajna Samaria.

San Lucas 7:27

Ndo Juan meꞌe ngisen kui̱i̱ xranchi jitaxin xroon chijnie ndo Dio saꞌó: Janꞌan xroxruanꞌan naa ngisen xrochronga chijnina ko jeꞌe ndo sinchenataonxin ndo chaꞌo, ko sinchekonchjian ndo chaꞌo ngajinnta.

San Juan 4:4

Ko hora kuachrjexin ndo ntiꞌa xrokonda tsatsinga ndo nunte Samaria.

San Juan 4:5

Ko kuiji ndo naa tjajna Sicar nunte Samaria, tjenka nunte tsikajon ndo Jacob kuayéꞌe chjenꞌen ndo, ndo José.

San Juan 4:9

Ko nchri samaritana juatingíexin nchra: ―¿Sonda jaꞌa naa chujni judío tjanchiana̱na inda ixi janꞌan naa nchri samaritanana? (Jaña ichro nchra ixi ni judío tjentoꞌa na̱ ni samaritano.)

San Juan 8:48

Ko ni judío ndache na̱ ndo Jesús: ―Nduaxin ndako ndachrja̱nna ixi jaꞌa naa chujni samaritano ko chónda naa espíritue Xixronꞌanxrée.