San Lucas 8:25 - El Nuevo Testamento

²⁵ Ko ndo Jesús ndache ndo sen: ―¿Sonda chuntiaꞌintana? Ko jeꞌe sen xronka sen ko ndastetsjeko sen ko stendache kichuu sen: ―¿Ngisen jiꞌi ixi tetuenꞌen ndo chrinto soji ko inda, ko jeꞌe inda ko chrinto titikaon?

San Lucas 8:25 ပူးပေါင်းရင်းမြစ်များ

Mateo 14:31

Ko ndo Jesús tuinxin koka itja ndo ko itsé ndo ndo Pedro ko ndachro ndo: ―Pedro, ¿sonda tsango nchion chuntiana ko sonda xronka?

Mateo 17:20

*Meꞌe ndo Jesús juatingíexin ndo: ―Jaꞌanta chuntiaꞌininta. Ko janꞌan nduaxin ntatjunta siá jaꞌanta jeꞌo xrochuntianinta naanchion xranchi naa tse̱e̱ ntamostaza tsango nchíín tse̱e̱, meꞌe chao xrondachenta jna̱ jiꞌin: “Ndáꞌa tjia”; ko jaña xrokonꞌen ixi ijna̱ xrokuitikaon jna̱. Ko siá nduaxin xrochuntianinta, chao sincheꞌenta kain ixra̱ tsetuanꞌannta.

Mateo 6:30

Ko siá ndo Dio jaña nchekitsáa ndo ika, ka jai jichón, ko ndúya xroche ka ngaya itja̱, ¿xranchi sinchekitsáꞌinta ndo Dio jaꞌanta ti chuntiaꞌinta ndo?

Mateo 8:10

Ko kuinꞌen ndo Jesús ngeꞌe ndachro xi capitán, tsango juincheꞌe ndo juaxruxin ngeꞌe chro xa, ko ndache ndo chujni steruéꞌe: ―Nduaxin xrontatjunta ixi xroꞌan ngisen nchijíi nunte Israel kui̱nꞌa̱n jaꞌin nichja ko tsango chuntia xranchi xi jiꞌi.

Mateo 8:26

Ko jeꞌe ndo ndachro ndo: ―¿Sonda stexronkanta, jaꞌanta? ¿Á chuntiaꞌinta ndo Dio? Tjumeꞌe bingatjen ndo ko kuyakutee ndo chrinto ko ndachaon ko tuinxin ndabakeꞌe nda.

Marcos 4:35

Ko nchakon meꞌe ó kóndo ndache ndo Jesús sen teyuu chrikao ndo: ―Tsatsingatuꞌena ndalago.

San Lucas 12:28

Siá ndo Dio nchekitsáa ndo ika, maski jai jichón ka ngataon ijngi ko ndúya ó xroche ka, ko á jeꞌa ícha chaxro sinchekitsáanta ndo jaꞌanta ti chuntiaꞌinta ndo.

San Lucas 8:24

Ko konchjiñeꞌe sen ti jii ndo ko juinchexingameꞌe sen ndo ko ndache sen ndo: ―¡Maestro, Maestro! ¡Tsenꞌenna ixi xrojamangi nta̱a̱ steyána ko xrokjoi̱nna inda! Ko jeꞌe ndo bingatjen ndo ko kuyakutee ndo chrinto ko inda ko tuinxin ndabakeꞌe nda.

San Lucas 8:26

Tjumeꞌe kuiji sen nunte ndatinꞌin Gadara ti jii tuenxin ndalago ngajinxin nunte Galilea.

San Juan 11:40

Ko ndachro ndo Jesús: ―Á ntatjuꞌia ixi siá tsitikaoan tsikuan naa ixra̱ ijié sincheꞌe ndo Dio ixi juachaxien ndo.