San Lucas 18:23 - El Nuevo Testamento

²³ Ko xi meꞌe kuinꞌen xa ngeꞌe ichro ndo ko tsango kuechíín xa ixi itsjé ngeꞌe tjintee chónda xa.

San Lucas 18:23 ပူးပေါင်းရင်းမြစ်များ

Mateo 19:22

Ko kuinꞌen chán jaña, tsango koniꞌe aséen chán, sakjui chán ixi tsango itsjé ngeꞌe ti tjintee chónda chán.

Marcos 10:22

Ko kuinꞌen xa jaña ko tsango kuechíín xa ko sakjui xa, ixi tsango kueya ngeꞌe kuachónda xa.

San Lucas 12:15

Ko kaxon ndache ndo kain ni stetinꞌen: ―Ko xroxraxaonꞌanta ixi xrochondanta itsjé ngeꞌe ko itsjé tomi. Ixi jeꞌa ti itsjé xrochondanta, meꞌe xrotjáanta juaxruxin.

San Lucas 18:22

Ko kuinꞌen ndo Jesús ngeꞌe ichro xa, ko jeꞌe ndo juatingíexin ndo: ―Xratitjáña naa ngeꞌe sincheꞌe. Nchekjia kain ngeꞌe chonda ko tonchjeyeꞌé ni nóa tomi meꞌe, ko xrochónda ngeꞌe ícha tjintee ngajní. Ko tjumeꞌe tsjiꞌia ruaꞌna̱na.

San Lucas 18:24

Ko ti bikon ndo Jesús ixi tsango kuechíín xa, ndachro ndo: ―¡Tangi tixinꞌin naa ngisen chónda itsjé tomi ti tetuanꞌan Ndo Dio!

San Lucas 19:8

Ko tjumeꞌe xi Zaqueo ndache xa ndo Jesús: ―Nchána, jai xrotjáꞌa ni nóa ngusinexin kain ngeꞌe chonda, ko siá xrojan ngisen juintayaꞌa ko kueꞌé tomie na̱, janꞌan tsonkjanꞌan na̱ noóxin ícha ti kuantsjaꞌa na̱.

San Lucas 21:34

’Tsjeꞌenta xranchi takeꞌénta; xraxaonꞌanta ixi jeꞌo xrotjaunna sintenta, xrokoannta ko ti ícha tajon juaxruxin ngataꞌa nunte ntiꞌi ko ixi kondeexin meꞌe tsonoaꞌinta ó kui̱i̱ nchakon tsjiꞌi.

San Lucas 8:14

Tse̱e̱ kuitsinga ngataꞌa nta̱chaꞌa meꞌe xrondachro ngisen tinꞌen chijnie ndo Dio ko hora satji na̱ tjáñeꞌe na̱ ngeꞌe kuinꞌen na̱ ixi yaa na̱ juachjauen tomi ko ícha tjueꞌe na̱ ti juaxruxin, ko ncheꞌa na̱ ti tjaun ndo Dio.

Efesios 5:5

Jaꞌanta ó noꞌanta ixi ngisen tsejuakao naa nchri jeꞌa janchriꞌe o̱ naa xi jeꞌa ndoxiꞌe ko ngisen ncheꞌe ngeꞌe ñaꞌi ko ngisen tjiakuenxin xrochónda itsjé ngeꞌe, jiꞌi xrokjui xranchi xrokuitikaon na̱ naa ídolo, ko ni ncheꞌe kain meꞌe tikinixienꞌa na̱ tixinꞌin na̱ ti tetuanꞌan ndo Cristo ko ndo Dio.

Filipenses 3:8

Ko kain ngeꞌe kuanóna ko kuachonda, tiko̱n jai íxroꞌan ngeꞌe tjintee, ixi ícha tjintee chúxin Ncháina Jesucristo. Kain ngeꞌe kuachonda, kain meꞌe kuitjáña ko ikjan xineno kondeexin ndo Cristo ixi jai juácha titikaꞌon ndo

Colosenses 3:5

Méxin, tintuꞌenta kain ngeꞌe ndakoꞌa xraxaonnta ntiꞌi nunte xasintajni. Ninaánta tarichrinkoꞌinta inaa ngisen jeꞌa sen tsikutaꞌanta, ko ncheꞌanta ngeꞌe ñaꞌi, ko ncheꞌanta ti ndakoꞌa xraxaon asáanta, ko kaxon takeꞌanta juaxruxin ixi xrochondanta kueya ngeꞌe ixi meꞌe xrokjui kaxon xranchi xrokuitikaonnta naa ídolo.

1 Juan 2:15

Tjaunꞌanta kain ngeꞌe tikonnta jii ngataꞌa nunte xasintajni. Ko siá xrojan jaꞌanta ícha tjueꞌenta ko tikakuenxinta ngeꞌe jii ngataꞌa nunte xasintajni, meꞌe xrondachro tjueꞌanta Ndotáina Dio.