San Lucas 17:16 - El Nuevo Testamento

¹⁶ Bakeꞌexin xa ntatuchiꞌin xa ngajin ndo Jesús, ko kuisée xa ngataꞌa nche, kuajon xa juasaya ngajin ndo. Ko xi meꞌe, xi tjajna Samaria.

San Lucas 17:16 ပူးပေါင်းရင်းမြစ်များ

Mateo 10:5

Ndo Jesús xruanꞌan ndo sen teyuu ko jaꞌin ndache ndo sen: ―Tjiꞌanta ngajin chujni jeꞌa judío ko tixinꞌanta tjajna Samaria.

Mateo 2:11

Ko hora kuixinꞌin sen nchia ko bikon sen xjan jikao xjan jan María, janée xjan, bakeꞌexin ntatuchiꞌin sen, kuajon sen juasaya ngajin xjan ko kuantjeꞌe sen nta̱baúl tsikikaꞌo sen ko kuajon sen chika oro ko tsjo xraxe ko xro̱a̱n mirra.

Marcos 5:33

Ko jeꞌe nchra xronka nchra ko jixranga nchra ixi koxruenꞌen nchra, ko konchjiñeꞌe nchra ti jii ndo ko bakeꞌexin ntatuchiꞌin nchra ngajin ndo ko chronga nchra kain ngeꞌe konꞌen nchra.

San Lucas 17:17

Ko tjumeꞌe ndachro ndo Jesús: ―¿Á jeꞌa ite xi koxruenxin ichin lepra? ¿No ste xi kaxin?

San Lucas 5:8

Ko bikon ndo Simón Pedro ngeꞌe konꞌen, bakeꞌexin ndo ntatuchiꞌin ndo ko ndachro ndo: ―Tingaxintuan, Nchána Jesús, ixi janꞌan tjúáꞌi aséenna.

San Juan 4:9

Ko nchri samaritana juatingíexin nchra: ―¿Sonda jaꞌa naa chujni judío tjanchiana̱na inda ixi janꞌan naa nchri samaritanana? (Jaña ichro nchra ixi ni judío tjentoꞌa na̱ ni samaritano.)

San Juan 5:23

ixi kain na̱ tsajon na̱ juasaya ngajin chjenꞌen ndo xranchi juasaya tayéꞌe Ndotána. Ngisen tajonꞌa juasaya ngajin chjenꞌen ndo kaxon tajonꞌa sen juasaya ngajin Ndotée ndo, ndo xruanꞌan ndo Cristo.

San Juan 8:48

Ko ni judío ndache na̱ ndo Jesús: ―Nduaxin ndako ndachrja̱nna ixi jaꞌa naa chujni samaritano ko chónda naa espíritue Xixronꞌanxrée.

Hechos 1:8

*Ko nchakon tsi̱i̱ Espíritue ndo Dio tsayeꞌenta, meꞌe xrochondanta juachaxin tsachrjenta ko xrochronganta ngeꞌe ixra̱ juintaꞌa, nguixin tjajna Jerusalén, ko nunte Judea, ko nunte Samaria, ko nchijíi nunte xasintajni.

1 Corintios 14:25

Ko jaña tsonoxin ngeꞌe imao xraxaon na̱ ngaya aséen na̱ ko tjumeꞌe tsakeꞌexin ntatuchiꞌin na̱ ko tsajon na̱ juasaya ngajin ndo Dio ko xrondachro na̱ ixi nduaxin ndo Dio jii ngajinnta.

Apocalipsis 19:10

Tjumeꞌe janꞌan bakeꞌexin ntatuchiꞌin tutée ndo ángel ixi tjaꞌon tsajon juasaya ngajin ndo, ko jeꞌe ndo ndachro ndo: ―Ncheꞌa jaña ixi janꞌan kaxon ntaꞌa xra̱ ngajin ndo Dio xranchi jaꞌa, ko xranchi sen kichuua sen kuintueꞌa kuitikaon chijni jian chronga ndo Jesús. Jeꞌo tájuan juasaya ngajin ndo Dio. Ixi jeꞌe ndo Jesús, meꞌe xrondachro ti kuachronga sen kuanichja ó saꞌó chijnie ndo Dio.

Apocalipsis 4:10

ko hora jaña ncheꞌe sen noó jichón, sen ikán noó tachríi takeꞌexin ntatuchiꞌin sen ngajin ndo Dio ko tajon sen juasaya ngajin ndo jichón kain nchakon, ko tjanka sen corone sen ngajinxin trono ko ndachro sen:

Apocalipsis 5:14

Ko noó sen stechón ndachro sen: ―Jaña tsonꞌen. Ko sen ikán no sen tachríi bakeꞌexin ntatuchiꞌin sen, kuajon sen juasaya ngajin ngisen jichón kain nchakon.