San Juan 6:14 - El Nuevo Testamento

¹⁴ Ko ni juine nutja bikon na̱ ti ixra̱ ijié juincheꞌe ndo Jesús ko ndachro na̱: ―Ndo meꞌe nduaxin ndo tsixruaꞌan ndo Dio tsi̱i̱ nunte xasintajni.

San Juan 6:14 ပူးပေါင်းရင်းမြစ်များ

Mateo 11:3

Tjumeꞌe sakjui sen bijanchiangíꞌe sen ndo ko ndachro sen: ―¿Á suixinnta ngisen ti ndachro ndo Dio xroxruanꞌan ndo ngajinna o̱ xrochonꞌanna inaa sen?

Mateo 21:11

Ko itsjé na̱ ndachro na̱: ―Jiꞌi ndo Jesús chronga chijnie ndo Dio, ndo tjajna Nazaret tikinixinꞌen nunte Galilea.

San Lucas 24:19

Ko ndo Jesús ndachro ndo: ―¿Ngeꞌe konꞌen ntiꞌa? Ko jeꞌe sen juatingíexin sen: ―¿Á noaꞌia ngeꞌe konꞌen ndo Jesús, ndo tjajna Nazaret, naa ndo profeta kuachronga chijnie ndo Dio? Kain ngeꞌe nichja ndo ko ti juincheꞌe ndo juako ndo ijié juachaxien ndo Dio, ko ni bikon kain jiꞌi juincheꞌe na̱ juaxruxin.

San Lucas 7:16

Ko nchakon bikon na̱ jaña konꞌen, kain na̱ tsango xronka na̱ ko juangíxin na̱ kuajon na̱ juasie na̱ ngajin ndo Dio ko ndachro na̱: ―Ndo Dio xruanꞌan ndo naa ndo nichja chijnie ndo, ndo meꞌe tsango chónda ndo juachaxin. Ko kaxon ndachro na̱: ―Ndo Dio kui̱i̱ ndo tsingijna ndo tjajnée ndo.

San Juan 1:21

Tjumeꞌe íjngo juanchangiꞌe xa ndo: ―¿Ngisen jaꞌa tjumeꞌe? ¿Á ndo kuachronga chijnie ndo Dio ó saꞌó, ndo Elías? Ko ndo Juan ndachro ndo: ―Jeꞌa jeꞌe ndo janꞌan. Tjumeꞌe juanchangiꞌe xa ndo: ―¿Á jaꞌa ndo xrochronga chijnie ndo Dio, ndo xrokui̱i̱? Ko juatingíexin ndo: ―Naꞌi.

San Juan 11:27

Jeꞌe nchra ndachro nchra: ―Jaán, Ncháina, janꞌan titikaꞌon ixi jaꞌa ndo Cristo, Chjenꞌen ndo Dio, ndo xrokui̱i̱ nunte xasintajni.

San Juan 2:11

Ngeꞌe tsijincheꞌe ndo Jesús tjajna Caná nunte Galilea, ña̱ saꞌó ngeꞌe juincheꞌe ndo ixi tsjako ndo juachaxien ndo, ko sen teyuu chrikao ndo kuitikaon sen ndo.

San Juan 4:19

Ko kuinꞌen nchra jiꞌi ko ndachro nchra: ―Nóna ixi jaꞌa naa ngisen chronga chijnie ndo Dio.

San Juan 4:25

Ko ndachro nchra: ―Janꞌan nóna ixi tsi̱i̱ ndo Mesías, ndo Cristo. Ko nchakon tsi̱i̱ ndo sinchekuanna̱na ndo kain ngeꞌe.

San Juan 4:42

Ko ndache na̱ nchra: ―Jai titikaꞌonna, ko ixi jeꞌa jeꞌo ngeꞌe ndachijiana. Kaxon ixi jai janꞌanna kuitikaonna ixi kuinꞌanna ngeꞌe nichja ndo ko nónana ixi jeꞌe ndo nduaxin ndo Cristo ndo, ndo sincheméꞌe jíee kain chujni.

San Juan 6:2

Ko kueya chujni ruéꞌe na̱ ixi bikon na̱ ixra̱ ijié juincheꞌe ndo ti juinchexruenꞌen ndo ni niꞌe.

San Juan 6:26

Ko juateꞌe ndo Jesús, ndachro ndo: ―Ó nóna ixi jaꞌanta tjéenta na̱ ixi juintenta nutja ko kaonnta, ko jeꞌa ixi kuienxinnta ti ixra̱ ijié juintaꞌa.

San Juan 6:30

Ko juanchangiꞌe na̱ ndo: ―¿Ngeꞌe tjakoxian ixi tsikonna ko chao tsitikaꞌonna? ¿Ngeꞌe ixra̱ ncheꞌe?

San Juan 7:40

Ko kaxin na̱, nchakon kuinꞌen na̱ ngeꞌe ndachro ndo Jesús, ndachro na̱: ―Á nduaxin xi jiꞌi xi profeta xrokui̱i̱.

Hechos 7:37

Jeꞌe ndo Moisés ndache ndo ni israelita: “Ndo Dio xroxruanꞌan naa ngisen xronichja chijnie ndo xranchi xruanꞌanna ndo janꞌan ko ndo meꞌe tsachrjenixin ndo ni kichuunta. Titikaonnta ndo.”