San Juan 5:17 - El Nuevo Testamento

¹⁷ Ko ndo Jesús ndache ndo na̱: ―Ndotána kain nchakon ncheꞌe ndo ixra̱, ko janꞌan kaxon jaña ntaꞌa ixra̱.

San Juan 5:17 ပူးပေါင်းရင်းမြစ်များ

Mateo 10:29

’¿Á tuchji̱ꞌa yuu kuxechjan ixi naa tomi nchíín? Ko maski tjinteꞌa ba, ninaa ba tenꞌa ba siá Ndotánta Dio tsajonꞌa Ndo juachaxin.

San Juan 10:36

Ko ndo Dio kuincheꞌena ko xruanꞌanna ndo nunte xasintajni, ¿sonda ndachronta ixi janꞌan nichjangíꞌa ndo Dio ixi ndachrja̱n janꞌan Chjenꞌen ndo?

San Juan 14:10

¿Á titikaonꞌanta ixi janꞌan riníi Ndotata, ko Ndotata jii ndo ngaji̱n? Ti ngeꞌe nichja janꞌan jeꞌa ti tjaꞌon nichja. Naꞌi. Ko Ndotána ndo jii ngaji̱n, jeꞌe ndo ncheꞌe ndo ixra̱.

San Juan 5:16

Méxin ni judío kuaxi na̱ ruéꞌe na̱ ndo Jesús ko tjaun na̱ tsóña na̱ ndo ixi kuancheꞌe ndo kain jiꞌi nchakon tjokéꞌe na̱.

San Juan 5:18

Méxin, jaña ni judío ícha tjaun na̱ tsóña na̱ ndo Jesús ixi titikaonꞌa ndo nchakon tjokéꞌe na̱ ko ixi kaxon ndachro ndo ixi jeꞌe ndo ko ndo Dio naxrajeꞌo sen, ko ndachro ndo ndotée ndo, ndo Dio.

San Juan 9:4

Xratáanchakon xrokonda sintaꞌa ixra̱ tjaun ngisen tsixruanꞌanna. Ko ó tsi̱i̱ tiie ko xroꞌan ngisen chao sincheꞌe ixra̱.

Hechos 14:17

Ko ndo Dio juako ndo ixi jeꞌe ndo tetuanꞌan ndo ixi juinchéña ndo kain ngeꞌe jii. Jeꞌe ndo tetuanꞌan ndo ixi tsi̱i̱ ichrin, meꞌe tenga na̱ ko jian toñeꞌe na̱, ko kain nchakon jeꞌe ndo tajon ndo ngeꞌe sine na̱, ko jeꞌe ndo tajon ndo juachaxin juaxruxin ste na̱.

Hechos 17:28

Ixi jeꞌe ndo stechónxinna ko tontengina ko tayakui̱na ndo. Ko tsindachro naa xi tjajnánta saꞌó: “Jai̱na kuachrjenixinna ndo Dio.”

1 Corintios 12:6

Ko jii kueya ixra̱ ncheꞌe ngujngu sen ko xrajeꞌo ndo Dio, ndo tajon juachaxin sincheꞌeni ixra̱ meꞌe.

Colosenses 1:16

Ko ndo Dio chjée ndo Chjenꞌen ndo juachaxin sinchekonchjian xjan kain ngeꞌe jii ngajní ko ngataꞌa nunte xasintajni, ko kain ngeꞌe tikonni ko ti tikonꞌani. Kaxon kain ngeꞌe tetuanꞌan jii ngataꞌa chrinto ko kain juachaxin jii ngajní, kain meꞌe juinchéña ndo ixi jiꞌi sincheꞌe ixra̱ ngajin ndo.

1 Tesalonicenses 2:13

Méxin, kain nchakon tajonna juasaya ngajin ndo Dio ixi nchakon kuinꞌennta chijnie ndo, chijni jian, meꞌe nichjana ko kuayeꞌenta chijni xranchi chijnie ndo Dio, jeꞌa xranchi chijnie chujni. Ko jiꞌi nduaxin chijnie ndo Dio, chijni ncheꞌe ixra̱ ngaya asáanta, jaꞌanta ti titikaonnta ndo.

Hebreos 1:3

Ko ndo Jesucristo xrajeꞌo chjiixro chónda ndo xranchi chjiixro chónda ndo Dio, ko jeꞌe ndo naxrajeꞌo ndo xranchi ndotée ndo ko ixi juachaxin chonda ndo meꞌe jichón kain ngeꞌe. Ko ixi ndo Jesucristo kuenꞌen ndo, méxin juincheméꞌe ndo kain jíei̱na, ko tjumeꞌe bakeꞌe ndo ndatsjonxin jian ti jitetuanꞌan Ndotée ndo.