San Juan 20:17 - El Nuevo Testamento

¹⁷ Ko ndachro ndo Jesús: ―Tajandana ixi xrasatjiꞌa ti jii Ndotána. Itjia titsjeꞌé sen kichuuna ko ndache sen ixi sajiin ti jii Ndotána, ndo kaxon Ndotánta, ndo Dio naꞌna ko kaxon ndo Dio naꞌanta.

San Juan 20:17 ပူးပေါင်းရင်းမြစ်များ

Mateo 12:50

ixi sen ncheꞌe ngeꞌe tjaun Ndotána jii ngajní, sen meꞌe janána ko sen kichian.

Mateo 25:40

Ko ndo Rey xrondachro ndo: “Nduaxin ntatjunta nchakon bingijnanta naa sen kichuunta, sen ícha nóa, meꞌe xranchi xrobingijnaninta janꞌan.”

Mateo 28:7

Ko tuinxin satjinta tindachenta sen bajikao ndo ixi jeꞌe ndo ó xechón ndo ko jeꞌe ndo ó sakuitaon ndo tjajna Galilea. Ntiꞌa tsikonnta ndo. Meꞌe ntanoꞌanta.

Marcos 12:26

Ko ti xroxechón chujni tsikenꞌen, ¿á tsjeꞌanta ngeꞌe ichro xroon tsikjin ndo Moisés ti chronga xranchi nichjaxin ndo Dio ti nta̱a̱ yua yaa xroꞌi? Ko jaꞌin kuinꞌen ndo Moisés: “Janꞌan ndo Dio titikaon ndo Abraham ko ndo Isaac ko ndo Jacob.”

Marcos 16:19

*Tjumeꞌe juexin nichja Ncháina Jesús ngajin sen, jeꞌe ndo kuajinꞌin ndo ngajní. Ko ntiꞌa bakeꞌe ndo ndatsjonxin jian ti jii ndo Dio.

San Lucas 10:4

Tikuꞌinta bolsa, tomi, kate ko xroꞌan ngisen chje̱ꞌénta juajna ngatja chaꞌo.

San Juan 13:1

Titjáña naa nchakon tsi̱i̱ kia pascua ko ndo Jesús ó noꞌe ndo kuiji hora satsjixin ndo nunte xasintajni, ko satsji ndo ti Ndotée ndo. Kain nchakon tjueꞌe ndo sen chujnie ndo ste nunte xasintajni, ko jai ícha tjakoxin ndo ixi tjueꞌe ndo sen.

San Juan 13:3

Ndo Jesús noꞌe ndo ixi tsiki̱xi̱nꞌin ndo ti jii ndo Dio ko ti no xrokjan ndo. Ko noꞌe ndo ixi Ndotée ndo kuajon ndo juachaxin tsetuenꞌen ndo kain ngeꞌe.

San Juan 14:2

Ndoꞌa Ndotána kueya nchia jii. Ko siá jeꞌa xrobakeꞌe nchia, janꞌan xrontatjunta. Méxin, satsji, sintakonchjian no tsakeꞌenta.

San Juan 14:28

Ó kuinꞌennta ngeꞌe ndachrja̱n, satsji ko xrokjanna íjngo ko tsakeꞌe ngajinnta. Siá nduaxin tjaunnanta, juaxruxin xrobakeꞌenta ixi noꞌanta satsji ti jii Ndotána ixi ícha tetuanꞌan jeꞌe ndo ixi najanꞌan.

San Juan 14:6

Ko ndachro ndo Jesús: ―Janꞌan chaꞌo ko janꞌan chijni nduaxin ko janꞌan tsajon juachaxin stechón chujni. Xroꞌan ngisen itji ti jii Ndotána siá tsjixinꞌa sen ixi janꞌan.

San Juan 16:28

Kuachrjexin ti jii Ndotána ixi juiꞌi nunte xasintajni. Ko jai tintuꞌa nunte xasintajni ixi satsji ti jii Ndotána íjngo.

San Juan 17:11

’Jai ítsitunaꞌi ntiꞌi nunte xasintajni. Ko jeꞌe sen xratsituꞌe sen ntiꞌi. Ko janꞌan satsji ixi tsakeꞌe ngajinnta. Ndotána jian, tayakonꞌennta ixi juachaxiannta sen chjánanta ixi jeꞌe sen naakua tsakeꞌe sen xranchi janꞌan ko jaꞌanta naakua stena.

San Juan 17:25

Ndotána, tsango jian jaꞌanta. Chujni nunte xasintajni chúxinꞌa na̱ ngisen jaꞌanta, ko janꞌan ó chuxinnta, ko kain sen chjánanta, kaxon ó noꞌe sen ixi jaꞌanta xruanꞌannanta juiꞌi.

San Juan 17:5

Ko jai Ndotána, chjánanta juachaxin ijié xranchi kuachonda janꞌan nchakon bakeꞌe ngajinnta ti xrakoꞌa nunte xasintajni.

San Juan 20:27

Ko ndache ndo ndo Tomás: ―Xraxinꞌia dedo tjáa ti no tsixranduꞌu na̱ chika clavo tjáana ko xraxinꞌia tjáa chiyéna. Ko jaña jeꞌa xrokuitikaonꞌa ixi nduaxin janꞌan.

San Juan 7:33

Méxin, ndachro ndo Jesús: ―Tsakeꞌe ngajinnta kaxin nchakon ko tjumeꞌe xrokjanna ngajin ngisen tsixruanꞌanna.

Romanos 8:29

Sen ó saꞌó tsikincheꞌe ndo, tjaun ndo xrokjan sen xranchi chjenꞌen ndo, ko xrobikon sen Chjenꞌen ndo, xjan naakuaxon, ixi xjan meꞌe ícha saꞌó xjan.

2 Corintios 6:18

Ko janꞌan Ndotánta, ko jaꞌanta chjanꞌna, xjan xi ko xjan nchri, jaña ndachro Ncháina Dio, ndo chónda kain juachaxin.

Gálatas 3:26

Méxin jai kainnta chuntianta ndo Jesucristo, jai kainnta ó chjenꞌen ndo Dio jaꞌanta.

Hebreos 11:16

Ko naꞌi. Jeꞌe sen tjaun sen naa tjajna ícha jian, tjajna meꞌe jii ngajní. Ko ndo Dio tosueꞌa ndo ixi xrojuinchekinꞌin sen ndo, ndo Dio neꞌe sen, ko jeꞌe ndo ó juinchekonchjian ndo naa tjajna tsayéꞌe sen.

Hebreos 8:10

Juachaxin sintaña ngajin tjajna Israel ti tsatsingaja kaxin nano, jaꞌin tsonꞌen, ichro Ncháina Dio: Janꞌan sintaxraxaꞌon sen ley tsitikaon sen, ko xrokjin ley meꞌe ngaya aséen sen. Janꞌan xrokjanna ndo Dio neꞌe sen, ko jeꞌe sen, sen tjajnána.

1 Pedro 1:3

Tajonna juasiai̱na ngajin ndo Dio, Ndotée Ncháina Jesucristo, ixi tsango tjaunna ndo ko bikonóaꞌi̱na ndo meꞌe jongíꞌena íjngo ixi xechón ndo Jesucristo. Ko méxin stechonꞌenna ngeꞌe jian tsi̱i̱,

1 Juan 3:2

Kichuuna, tsango tjuaꞌanta, ixi jai̱na ó ikjanna chjenꞌen ndo Dio, ko xratjakoꞌa ndo Dio xranchi tsojuna nchakon tsjexixin kain ngeꞌe. Ko ó noi̱na ixi nchakon tsi̱i̱ Ncháina Jesucristo jai̱na xrokjanna xranchi jeꞌe ndo, ixi nchakon meꞌe tsikonna Ndo xranchi jii jeꞌe ndo.

Apocalipsis 21:3

Tjumeꞌe kui̱nꞌa̱n séen nichja naa tée sen kui̱xi̱n ngajní ko ndachro: ―Ndo Dio jii ndo ti ste chujnie ndo, ko jeꞌe ndo tsekao ndo sen ko jeꞌe sen xrokjan sen tjajnée ndo ko jeꞌe ndo ndo Dio tikinixinꞌen sen.

Apocalipsis 21:7

Ngisen tsjacha tsindueꞌa xrochuntiana, janꞌan xrotjáꞌa sen kain ti jian, ko janꞌan xrokjanna ndo Dio tikinixinꞌen sen, ko jeꞌe sen xrokjan sen chjanꞌna.