San Juan 15:24 - El Nuevo Testamento

²⁴ Jeꞌe na̱ xrochóndaꞌi na̱ ijie̱ siá xrojuintaꞌi ngeꞌe ti ninaa ngisen juincheꞌe saꞌó. Ko jai ó bikon na̱ kain ngeꞌe juintaꞌa, ko maski bikon na̱, ningakonna na̱ ko kaxon ningakonꞌen na̱ Ndotána.

San Juan 15:24 ပူးပေါင်းရင်းမြစ်များ

Mateo 11:5

Tekiꞌénta ndo ixi sen tikonꞌa, ó tikon sen, sen ntarengo ó ichrji sen ko sen kuachónda ichin lepra ó koxruenꞌen sen, sen ntakuxro, tinꞌen sen; kaxon sen tsikenꞌen xechón sen ko sen nóa stetinꞌen sen chijnie ndo Dio.

Mateo 21:32

*Ixi ndo Juan tikitée chujni, kui̱i̱ ndo ko jaꞌanta kuitikaonꞌanta ti chronga ndo, ko ni xengeꞌe ꞌna̱ ko nchri chónda kueya xi, ni meꞌe kuitikaon na̱ ti ndachro ndo. Ko jaꞌanta maski bikonta jaña, kuindoxinꞌanta ko kuitikaonꞌanta.

Mateo 9:33

Ko hora kuantsje ndo espíritue Xixronꞌanxrée, xi nosin chao kuaxi nichja xa. Ko kain chujni ste ntiꞌa xronka na̱ ixi kain ngeꞌe tsango ijié konꞌen ntiꞌa ko ndachro na̱: ―Xroꞌan ngeꞌe tsango ijié bakonꞌen nchijíi nunte Israel xranchi ti konꞌen jai.

Marcos 2:12

Ko stetsjeꞌe kain na̱ ixi tuinxin bingatjen xi niꞌe ko itsé xa kanieꞌe xa ko kuachrjexin xa nchia, ko sakjui xa. Ko kain ni ste ntiꞌa xronka na̱ ko kaxin na̱ kuajon na̱ juasie na̱ ngajin ndo Dio ko ndachro na̱: ―Naiꞌa bikona jaña konꞌen.

San Lucas 24:19

Ko ndo Jesús ndachro ndo: ―¿Ngeꞌe konꞌen ntiꞌa? Ko jeꞌe sen juatingíexin sen: ―¿Á noaꞌia ngeꞌe konꞌen ndo Jesús, ndo tjajna Nazaret, naa ndo profeta kuachronga chijnie ndo Dio? Kain ngeꞌe nichja ndo ko ti juincheꞌe ndo juako ndo ijié juachaxien ndo Dio, ko ni bikon kain jiꞌi juincheꞌe na̱ juaxruxin.

San Juan 10:32

Ko ndachro ndo Jesús: ―Kueya ngeꞌe jian bikonta juintaꞌa ixi juachaxien Ndotána. ¿Sonda tjaunnta tsóñaxinntana ixro ixi juintaꞌa kain meꞌe?

San Juan 10:37

Siá janꞌan xrojuintaꞌi ixra̱ ncheꞌe Ndotána, titikaonꞌantana.

San Juan 12:10

Tjumeꞌe xitaana tetuanꞌan juao kichuu xa ko xraxaon xa naatóñaxón xa xi Lázaro kaxon

San Juan 12:45

Ko ngisen tikonna kaxon tikon sen ndo tsixruanꞌanna.

San Juan 14:9

Ko ndo Jesús ndachro ndo: ―Felipe, ó itsjé nchakon ritjén ngajinnta, ¿ko xrachuxinꞌana? Ngisen bikona ó bikon Ndotána kaxon. ¿Sonda ndachrua jaꞌa ixi tsjakoꞌa Ndotána?

San Juan 15:21

Kain jiꞌi sintaꞌanta na̱ kondeexin janꞌan ixi titikaonntana ko ixi chúxinꞌa na̱ ngisen xruanꞌanna juiꞌi.

San Juan 15:22

’Siá xrojuiꞌa ntiꞌi ko xronichjaꞌi ngajin na̱, jeꞌe na̱ xrochóndaꞌi na̱ ninaa ijie̱. Ko jai juaꞌi xrondachro na̱ ixi noeꞌa na̱ ko chóndaꞌi na̱ ijie̱.

San Juan 15:23

Ni ningakonna, ni meꞌe ningakonꞌen na̱ Ndotána kaxon.

San Juan 16:9

Jeꞌe na̱ chónda na̱ ijie̱ ixi titikaonꞌa na̱

San Juan 3:2

Xi jiꞌi kui̱i̱ xa ngajin ndo Jesús naa tiie ko ndachro xa: ―Maestro, nónana ixi ndo Dio xruanꞌan ndo ixi sinchekuanna̱na, ixi xroꞌan ngisen xrojuincheꞌe ngeꞌe jian ncheꞌe jaꞌa siá ndo Dio xrobakeꞌa ndo ngajian.

San Juan 5:36

’Ko janꞌan chónda naa ngeꞌe ícha tjintee tjakoxin ixi najanꞌan, ixi ngeꞌe tsindachro ndo Juan. Ixra̱ ntaꞌa janꞌan, ixra̱ naxreꞌo tituanna Ndotána sintaꞌa, ña̱ tjakoxin ixi nduaxin Ndotána tsixruanꞌanna ndo.

San Juan 6:36

Ko xranchi ntatjunta saꞌó, maski ó bikontana, xratitikaonꞌanta.

San Juan 7:31

Ko kueya na̱ kuitikaon na̱ ndo ko ndachro na̱: ―Hora tsi̱i̱ ndo Cristo, ¿á ícha ijié ngeꞌe sincheꞌe ndo, ixi xi jiꞌi?

San Juan 9:32

Ko naiꞌa kuinꞌanna ixi naa ngisen nchexruenꞌen naa chujni xratsijongíexión tikonꞌa.

San Juan 9:41

Ko juatingíexin ndo Jesús: ―Jaꞌanta siá nduaxin xrobikonꞌanta, xrochondaꞌinta ijie̱. Ko na̱ ndachronta tikonnta, meꞌe chondanta ijie̱.

Hechos 10:38

Jaꞌanta ó noꞌanta ixi ndo Dio kuajon ndo juachaxien Espíritue ndo kuayéꞌe ndo Jesús, ndo tsiki̱ꞌxi̱n tjajna Nazaret ko ó noꞌanta kaxon ixi ndo Jesús jian juincheꞌe ndo ko juinchexruenꞌen ndo kain ni tangi ste kondeexin Xixronꞌanxrée. Jaña jian juincheꞌe ndo Jesús ixi ndo Dio jii ngajin ndo.

Hechos 2:22

’Jaꞌanta ni israelita, tinꞌennta ngeꞌe xrondachrja̱n. Ndo Jesús, ndo tjajna Nazaret, ndo Dio tsixruaꞌan ndo ndo ngajinnta ko jeꞌe ndo juincheꞌe ndo itsjé ixra̱ ijié bikonta, meꞌe juakoxin ndo ixi ndo Dio tsikajon ndo juachaxin ngajin ndo. Meꞌe jian noꞌanta.

Romanos 1:30

Nichjangíꞌe kichuu na̱ ko ningakonꞌen na̱ ndo Dio, ko jeꞌo na̱ tjaun na̱ tsituanꞌan na̱, ko nchejié aséen na̱, ko xraxaon na̱ ixi tsango tjintee na̱, jeꞌo xraxaon na̱ xranchi sincheꞌe na̱ ti ndakoꞌa ko titikaonꞌa na̱ ndotée na̱ ko janée na̱.

2 Timoteo 3:4

Jii chujni juaꞌi chúntiani ngajin na̱, ko tosueꞌa na̱ ngeꞌe ncheꞌe na̱, ko tsango nchejié aséen na̱, ko tjueꞌe na̱ kain ngeꞌe ndachro aséen na̱ ko titikaonꞌa na̱ ndo Dio.

Santiago 4:4

Méxin jaꞌanta ikjannta chujni titikaonꞌa ndo Dio. ¿Á noaꞌi jaꞌanta ixi siá tsango tjueꞌenta kain ti ndakoꞌa jii ngataꞌa nunte xasintajni, méxin ikjannta xranchi ni ningakonꞌen ndo Dio? Ngisen tjento ngeꞌe ndakoꞌa tonꞌen ngataꞌa nunte, sen meꞌe juaꞌi tsjento sen ndo Dio.