San Juan 11:40 - El Nuevo Testamento

⁴⁰ Ko ndachro ndo Jesús: ―Á ntatjuꞌia ixi siá tsitikaoan tsikuan naa ixra̱ ijié sincheꞌe ndo Dio ixi juachaxien ndo.

San Juan 11:40 ပူးပေါင်းရင်းမြစ်များ

Mateo 17:20

*Meꞌe ndo Jesús juatingíexin ndo: ―Jaꞌanta chuntiaꞌininta. Ko janꞌan nduaxin ntatjunta siá jaꞌanta jeꞌo xrochuntianinta naanchion xranchi naa tse̱e̱ ntamostaza tsango nchíín tse̱e̱, meꞌe chao xrondachenta jna̱ jiꞌin: “Ndáꞌa tjia”; ko jaña xrokonꞌen ixi ijna̱ xrokuitikaon jna̱. Ko siá nduaxin xrochuntianinta, chao sincheꞌenta kain ixra̱ tsetuanꞌannta.

Marcos 9:23

Ko ndachro ndo Jesús: ―¿Á chao titikaonnta ndo Dio? Siá titikaonnta ndo Dio, chao tsonꞌen kain ngeꞌe.

San Juan 1:14

Ko chijni, ndo Cristo, jeꞌe ndo ikjan ndo chujni ko bakeꞌe ndo ngajinna ko tjaunna ndo ko ti nduaxin ndachro ndo. Ko ó bikona juachaxien ndo, juachaxien chjenꞌen Ndotáina Dio, xjan naakuaxon.

San Juan 11:4

Ko kuinꞌen ndo Jesús ko ndachro ndo: ―Ichin chónda xa jeꞌa tsenxin xa ichin meꞌe. Naꞌi. Jiꞌi tsjako juachaxin ijié chónda Chjenꞌen ndo Dio.

San Juan 12:41

Jaña tsichro ndo Isaías saꞌó ixi tsikikon ndo juachaxin ijié chónda ndo Jesús ko nichja ndo ixi jeꞌe ndo.

San Juan 9:3

Ko juateꞌe ndo Jesús, ndachro ndo: ―Jiꞌi jeꞌa jíee xa ko jeꞌa jíee ndotée ko janée xa. Jaña tsikonꞌen xa ixi ndo Dio tsjako juachaxien ndo.

Romanos 6:4

*Nchakon bikitéena, nchakon meꞌe kuenꞌenna ko xrabaana xranchi jeꞌe ndo ixi xroxechónna ko xrochondana juachaxin tsechónna kain nchakon ko jian tsajina, xranchi ndo Cristo xechón ndo ixi juachaxin ijié chónda Ndotée ndo, ndo Dio.

2 Corintios 3:18

Ko kain jai̱na íxroꞌan manta jijee̱xin ikonna; jai̱na stena xranchi naa xrosenda tóngíxin ixi tjakona juachaxien Ncháina, ko jeꞌe ndo tindoxin ndo ti xraxaonna. Kain jiꞌi tonꞌen ixi ixra̱ ncheꞌe Espíritue ndo Dio ngaya aséei̱na, ko jaña ícha ko ícha stena xranchi jii jeꞌe ndo.

2 Corintios 4:6

Ko ndo Dio kuetuanꞌan ndo ixi xroꞌi tsingasáñaxin ti naxixeꞌe, kaxon jeꞌe ndo juinchengasáña ndo ngaya aséei̱na ixi jaña xrochuxinna juachaxin ijié chónda ndo Dio, juachaxin tingasáñaxin ngaya ikon Cristo.