Hechos 9:41 - El Nuevo Testamento

⁴¹ Ko tjumeꞌe itsé ndo itja nchra ko juinchengatjen ndo nchra. Ko kuiyeꞌe ndo kain sen titikaon Ncháina ko kaxon kain nchri kaꞌan ixi tsikon sen ó tsixechón nchra.

Hechos 9:41 ပူးပေါင်းရင်းမြစ်များ

Marcos 1:31

Ko ndo Jesús konchjiñeꞌe ndo ti jitsinga jan ko itsé ndo itja jan ko juinchengatjen ndo jan. Ko tuinxin kuachrjeꞌe jan súa ko kuajon jan juine sen.

San Lucas 7:12

Ko nchakon kuiji sen ngandeꞌe tjajna meꞌe, ndo Jesús bikon ndo jitikaꞌo na̱ naa chujni tsikenꞌen xroxrabaa, chán meꞌe naa chjenꞌen naa nchri kaꞌan, naakua xjan meꞌe bachónda nchra. Ko tsango itsjé ni tjajna jitikao na̱ nchra tsixrabaa chán.

San Lucas 7:15

Ko tjumeꞌe chán tsikenꞌen xendua chán ko bakeꞌe chán ko juangíxin chán nichja chán, ko jaña ndo Jesús kuajon ndo chán ngajin janée chán.

Hechos 20:12

Ko chán tsikeꞌe nunte sabikao sen chán jichón chán, ko kain sen juaxruxin kuituꞌe sen.

Hechos 3:7

Ko ndo Pedro itsé ndo itja xa ti jian ko tjumeꞌe juinchengatjen ndo xa. Ko tuinxin konsoji tutée xa.

Hechos 6:1

Nchakon meꞌe ícha konkueya sen titikaon Ncháina Jesús. Tjumeꞌe sen nichja ngigua griego bajakaxin sen ngajin sen nichja ngigua hebreo. Ndachro sen ixi nchri kaꞌan tjajnée sen griego tayéꞌa nchra itsjé ngeꞌe tonchjeya sen sine nchra ngujngu nchakon.

Hechos 9:13

Ko ndo Ananías juateꞌe ndo: ―Nchána, ó kui̱nꞌa̱n ngeꞌe ndachro kueya chujni, ixi xi meꞌe ndakoꞌa ncheꞌe xa ngajin sen titikaon ngajinnta, sen ste tjajna Jerusalén.

Hechos 9:32

Tjumeꞌe ndo Pedro kuitsjeꞌe ndo kain sen titikaon Ncháina Jesús. Kaxon sakjui ndo kuitsjeꞌe ndo sen titikaon Ncháina ste tjajna Lida.

1 Timoteo 5:3

Ko tingijna nchri kaꞌan siá nduaxin xroꞌan sen ndoꞌa nchra chónda nchra.

1 Timoteo 5:5

Sen nchri nduaxin kaꞌan ko jeꞌo sen tsikituꞌe sen, ícha xrochuntia sen ndo Dio ko ícha tinóatée sen ngajin ndo ko nichjeꞌe sen ndo tiie, nchakon.