Hechos 9:3 - El Nuevo Testamento

³ Ko yaa xa chaꞌo ko ó xrokuiji xa tjajna Damasco, tuinxin kui̱i̱ naa xroꞌi kui̱xi̱n ngajní bingasáña ngandajin xa.

Hechos 9:3 ပူးပေါင်းရင်းမြစ်များ

Hechos 22:6

’Nchakon juaso tjenka tjajna Damasco xranchi ngusine nchakon tuinxin ngandajinna tsango bingasáña naa xroꞌi kui̱xi̱n ngajní.

Hechos 9:17

Tjumeꞌe ndo Ananías sakjui ndo nchia ti jii xi Saulo ko bakeꞌe itja ndo ngataꞌa jaa xa ko ndachro ndo: ―Jaꞌa kichian Saulo, Ncháina Jesús, ndo bikuan ngatja chaꞌo, kuetuanna ndo juiꞌi ixi tsikuan íjngo ko tsayeꞌé Espíritue ndo.

Hechos 9:27

Ko tjumeꞌe ndo Bernabé sabikao ndo ndo Saulo ti ste sen apóstol ko chronga ndo ixi ndo Saulo tsikikon ndo Ncháina ngatja chaꞌo ko Ncháina tsinichjeꞌe ndo ndo. Ko tjajna Damasco juako ndo Saulo nombrée Ncháina Jesús ko xronkaꞌi ndo.

1 Corintios 15:8

*Tjumeꞌe konoxin ndo ngaji̱n, biko̱n Ncháina Jesús maski janꞌan ícha tjumeꞌe kuichúxin ndo, xranchi naa xjan tsikitsingajin.

1 Corintios 9:1

Janꞌan xroꞌan inaa ngisen tetuanna ixi janꞌan naa apóstol, ngisen Ncháina Jesús tsikincheꞌe ixi janꞌan bikon ndo. Ko ixra̱ juintaꞌa, meꞌe jaꞌanta kuitikaonnta Ncháina Jesús.

1 Timoteo 6:16

Jeꞌe ndo Dio naiꞌa tsenꞌen ndo ko ti jii ndo tsango tingasáña ko juaꞌi tsonchjiñeꞌe ninaa chujni ti jii ndo. Ko xroꞌan ngisen bikon ndo ko juaꞌi tsikon sen ndo. Jeꞌe ndo tayéꞌe ndo kain juasaya ixi jeꞌe ndo chónda ndo kain juachaxin tetuanꞌan ndo kain nchakon. Jaña tsonꞌen.

Apocalipsis 21:23

Ko tjajna xrokondeꞌa tjajna chjiixro ko nchanitjao tsingasáñaxin. Ixi ntiꞌa tingasáña ndo Dio ko Xjantuchjon ixi jeꞌe sen xroꞌi tingasáñaxin tjajna.

Apocalipsis 22:5

Ko ntiꞌa tsakeꞌa tiie ko í xrokondaꞌi xruie naa foco ko xruie chjiixro tsingasáñaxin ixi Ncháina ndo Dio jeꞌe ndo tsingasáña ndo, ko jeꞌe sen tsetuanꞌan sen kain nchakon.