Hechos 7:60 - El Nuevo Testamento

⁶⁰ Ko bakeꞌexin ntatuchiꞌin ndo ko séen nichja ndo: ―Ncháina Jesús, jaꞌanta tjankataꞌinta ijie̱ ngajin ni stetóñana. Jaña ichro ndo ko ndakuenꞌen ndo.

Hechos 7:60 ပူးပေါင်းရင်းမြစ်များ

Mateo 27:52

Ko xitjeꞌe̱ tuye ti xrabaa chujni ko itsjé sen tsikitikaon ndo Dio, sen tjúá aséen, xechón sen.

Mateo 5:44

Ko janꞌan ntatjunta ixi tjueꞌenta ni ningakonꞌannta, ko ndachenta ndo Dio sinchenchaon ndo ni ndakoꞌa nichjaꞌanta, ko tingijnanta ni ningakonꞌannta, ko ndachenta ndo Dio ixi sincheméꞌe ndo ti ndakoꞌa juintaꞌanta na̱ ko ti chinga nichja na̱ ixi jaꞌanta ko ti benginta na̱.

San Lucas 22:41

Ko tjumeꞌe ndo Jesús kuachrjendáa ndo kjínxin xranchi ti tjankani naa ixro, ko ntiꞌa bakeꞌexin ndo ntatuchiꞌin ndo ko nichjeꞌe ndo ndotée ndo, ndo Dio.

San Lucas 23:34

Ko ndo Jesús ndache ndo ndotée ndo: ―Ndotána, tjáñaꞌanta ti ndakoꞌa stenchena na̱ ixi jeꞌe na̱ noeꞌa na̱ ngeꞌe stencheꞌe na̱. Ko xi soldado sondaonxin xa ixro ixi tsonoꞌe xa ngisen tsjacha manta jiá ndo Jesús.

San Lucas 6:28

Tjancheꞌenta ndo Dio ixi chaxro tsintee ngisen chinga nichjaꞌanta, ko tjancheꞌenta ndo Dio ixi ni ndakoꞌa ncheꞌe ngajinnta.

San Juan 11:11

Tjumeꞌe ndachro ndo Jesús: ―Xi Lázaro, xi tjentona, jijua xa ko itsji sintaxingamaꞌa xa.

Hechos 13:36

Ko ndo David kuitikaon ndo xranchi tsiketuanꞌan ndo Dio nchakon bakeꞌe ndo ko tjumeꞌe kuenꞌen ndo ko tsixrabaa ndo, jaña kuaxrabaa ni tsikachrjenixinna ko renga cuerpoe ndo.

Hechos 20:36

Ko juexin ndachro ndo Pablo jiꞌi, bakeꞌexin ntatuchiꞌin ndo ko nichjeꞌe ndo ndo Dio ko kaxon kain sen.

Hechos 21:5

Ko juexin kuatsinga ti ya̱a̱to̱ nchakon meꞌe, kuachrjexinna ntiꞌa kainna ko kain sen titikaon Ncháina Jesús ko janchriꞌe sen ko chjenꞌen sen bikaanxina sen ngandeꞌe tjajna ko ngandeꞌe ndachaon bakeꞌexinna ntatuchiꞌinna nichjaꞌana ndo Dio.

Hechos 9:40

Tjumeꞌe kuetuanꞌan ndo Pedro ixi kain na̱ tsachrje na̱ nduja. Ko bakeꞌexin ntatuchiꞌin ndo ko nichjeꞌe ndo ndo Dio. Ko jitsjeꞌe ndo nchri tsikenꞌen ko ndachro ndo: ―Tabita, tayá. Ko jeꞌe nchra kuantjeꞌe ikon nchra ko bikon nchra ndo Pedro ko bakeꞌe nchra nunte.

1 Corintios 11:30

Ko méxin itsjénta niꞌanta ko itsjénta sojiꞌanta ko ikaxin sen ó kuenꞌen sen.

1 Corintios 15:18

Siá nduaxinꞌa xechón ndo Cristo, kaxon sen kuitikaon ndo, sen kuenꞌen, kuitjáña sen ko jai naiꞌa xroxechón sen.

1 Corintios 15:20

Ko nduaxin xechón ndo Cristo. Jeꞌe ndo saꞌó xechón ndo ko jiꞌi nchenoi̱na ixi nduaxin xroxechón sen tsikenꞌen.

1 Corintios 15:51

*Xrontatjunta naa ngeꞌe noaꞌinta: Kainꞌana tsenꞌenna ko nduaxin xrontatjunta kainna tsindoxin cuerpoi̱na.

1 Corintios 15:6

Tjumeꞌe konoxin ndo ngajin quinientos sen kichuuna tsixraꞌo sen ko bikon sen ndo. Ko jai itsjé sen meꞌe xra ste sen, ko ikaxin sen ó tsikenꞌen sen.

1 Tesalonicenses 5:10

Ndo Jesucristo kuenꞌen ndo ixi jai̱na ixi jaña tsojuna ngajin ndo kain nchakon, á stechónna o̱ tsikeꞌenna nchakon xrokjan ndo.

2 Timoteo 4:16

Nchakon ikjui ngajin ni nchéña ijie̱ ko ntatjan na̱ ixi janꞌan xroꞌan ngeꞌe ndakoꞌa juintaꞌa, xroꞌan ngisen bingijnana. Kain sen kuintuna sen janꞌon. Ko jai tjáncháꞌa̱ ndo Dio ixi tsjankataꞌi ndo sen ijie̱ ixi janꞌon kuintuna sen.

2 Pedro 3:4

Jeꞌe na̱ tsjanchangi na̱: “Ngeꞌe konꞌen ti tsindachro ndo Cristo ixi xrokjan ndo, ixi ó kuenꞌen sen tachríꞌina, sen bakeꞌe ó saꞌó, ixi naxrajeꞌo jii kain ngeꞌe xranchi xrangíxin nunte xasintajni.”