Hechos 4:27 - El Nuevo Testamento

²⁷ *’Nduaxin xi Herodes, ko xi Poncio Pilato, ko ni tsikjixin ikjín, ko ni israelita tsixraꞌo tjajna ntiꞌi ixi ningakonꞌen na̱ Chjanꞌan ndo Jesús, ndo chóndaꞌi ijie̱, meꞌe ndo kuincheꞌenta tsóña ndo Mesías.

Hechos 4:27 ပူးပေါင်းရင်းမြစ်များ

Mateo 14:1

Nchakon meꞌe xi ndatinꞌin Herodes Antipas, xi tituenꞌen nunte Galilea, kuinꞌen xa ti kuanichja chujni ngeꞌe jian kuancheꞌe ndo Jesús.

Mateo 14:3

*Xi Herodes tsixraxinꞌin xa ndo Juan, ngaxinꞌin ndoꞌa chjiso ko ntiꞌa tsikintee xa ndo ixi chika cadena kondeexin nchri Herodías, nchrinchriꞌe xi Felipe, xi kichuu xi Herodes

Mateo 14:6

Ko nchakon kuitja xa nano, juinchéña xa kiée xa, ko nchrixajoꞌen xa, nchrichjeꞌen nchri Herodías, chaxro ité nchrichan ko bikon kain ni ikjui kiée xa. Ko tsango juincheꞌe xa juaxruxin xranchi ité nchrichan,

Mateo 21:28

Tjumeꞌe ndachro ndo Jesús: ―¿Ngeꞌe ndachronta ixi ti tsekiꞌanta? Bakeꞌe naa xi ko xi meꞌe chónda xa yuu chájeꞌen xa, ko saꞌó konchjiñeꞌe xa ngajin naa chájeꞌen xa ko ndachro xa: “Itjia ncheꞌé ixra̱ chjaka ti jii nta̱a̱ tu uva.”

Mateo 23:37

Tjumeꞌe ndachro ndo Jesús: ―Jerusalén, Jerusalén, jaꞌanta ti tonꞌinnta sen tjako chijnie ndo Dio ko tóñaxinnta ixro sen xruanꞌan ndo Dio ngajinnta. Janꞌan tsango tjaꞌon xrojuejunta xranchi naa kuchika tejo chjenꞌen ba chringi neneꞌe ba ko jaꞌanta tjaunꞌanta.

Mateo 27:2

Ko kuintexin na̱ ndo Jesús ino ko bikao na̱ ndo ngajin xi Poncio Pilato, xi tetuanꞌan kui̱xi̱n tjajna Roma.

Marcos 10:33

Ko jaꞌin ndachro ndo: ―Jai satsjina tjajna Jerusalén. Ko tjumeꞌe janꞌan, chjenꞌen ndo Dio, xjan jongíꞌe xranchi chujni, xrotséna na̱ tsikaanna na̱ ngajin xitaana tetuanꞌan ko xi tjako ley. Ko ni tetuanꞌan tsajon na̱ juachaxin ixi tsikaon na̱. Tjumeꞌe tsikaanna na̱ ngajin ni jeꞌa judío

Marcos 15:31

Ko xitaana tetuanꞌan ko xi tjako ley juanoa xa ndo, ko jaꞌin juao kichuu xa: ―Inaa na̱ bingijna xi jiꞌin ko jeꞌe xa juaꞌi tingijna aséen xa.

San Lucas 1:35

Ko juatingíexin ndo ángel, ndachro ndo: ―Espíritue ndo Dio tsi̱i̱ ngajinnta ko juachaxien ndo sinchekitsáanta ndo xranchi naa tsaꞌon. Ko xjan tsjongíꞌe xrochóndaꞌi xjan ijie̱, ko ndatsinꞌin xjan chjenꞌen ndo Dio.

San Lucas 22:63

Ko xi soldado ti stendáa xa ndo Jesús juaya xa ngajin ndo ko juanoa xa ndo.

San Lucas 23:1

Tjumeꞌe kain xa bingatjen xa ko sabikao xa ndo Jesús ngajin xi Pilato.

San Lucas 4:18

Espíritue ndo Dio jii ngataꞌana, ko kuayáꞌa̱ juachaxin xronichja chijnie ndo tsayéꞌe ni nóa. Xruanꞌanna ndo ixi sintaxruanꞌan ni tangi ste, ko tsantsje jíee ni stejeꞌe̱, ko sintaxruanꞌan ni tikonꞌa; ko tsingijna ni stechrua,

San Lucas 9:22

Ko tjumeꞌe ndo Jesús ndache ndo sen: ―Janꞌan, chjenꞌen ndo Dio, xjan jongíꞌe xranchi chujni, xrokonda tsango tangi sinchena na̱, ko kain xi tetuanꞌan niꞌngo, ko kain xitaana tetuanꞌan ko kain xi tjako ley, tsoñaona na̱. Ko naatsóñaxónna na̱, ko nchakon nínxin xroxechónna íjngo.

San Juan 1:11

Kui̱i̱ ndo ngajin ni judío, ni tjajnée ndo, ko kuayéꞌa na̱ ndo.

San Juan 10:36

Ko ndo Dio kuincheꞌena ko xruanꞌanna ndo nunte xasintajni, ¿sonda ndachronta ixi janꞌan nichjangíꞌa ndo Dio ixi ndachrja̱n janꞌan Chjenꞌen ndo?

San Juan 18:28

Kuachrjexin na̱ ndoꞌa xi Caifás, sabikao na̱ ndo Jesús ti nchia ijié tetuanxin xi gobernador. Ko ó kuaxi jitingasáña ko ni judío kuixinꞌa na̱ nchia meꞌe ixi jaña xrokuamaꞌi na̱ ijie̱, ne̱ juaꞌi sine na̱ kia Pascua.

San Juan 18:29

Tjumeꞌe xi Pilato kuachrjexin xa nchia tetuanꞌan na̱, juanchangiꞌe xa na̱: ―¿Ngeꞌe ijie̱ chónda xi jiꞌi?

San Juan 19:34

Ko naa xi soldado kuantjeꞌe xa ndatsjonxin ntakuin ndo Jesús ixi naa chika ko tuinxin chrinka ijni̱ ko inda.

Hechos 10:38

Jaꞌanta ó noꞌanta ixi ndo Dio kuajon ndo juachaxien Espíritue ndo kuayéꞌe ndo Jesús, ndo tsiki̱ꞌxi̱n tjajna Nazaret ko ó noꞌanta kaxon ixi ndo Jesús jian juincheꞌe ndo ko juinchexruenꞌen ndo kain ni tangi ste kondeexin Xixronꞌanxrée. Jaña jian juincheꞌe ndo Jesús ixi ndo Dio jii ngajin ndo.

Hechos 2:27

Ixi nóna tsintueꞌanta aséenna ti no ste ni tsikenꞌen, ko tsajonꞌanta juachaxin ixi xrorenga ntauꞌna ngaya tuye ixi janꞌan jian ntaꞌa xráanta.

Hechos 4:30

Ko ixi juachaxiannta sinchexrjuenꞌen sen ni niꞌe ko sincheꞌe sen ijié ixra̱ ixi nombrée chjanꞌanta, ndo tsango tjúá, ndo Jesús.

Hebreos 7:26

Jeꞌe ndo Jesús ndotaana ícha tetuanꞌan, meꞌe ndo xrokondai̱na ixi tsango tjúá aséen ndo ixi xroꞌan ijie̱ sínká ndo ko tonchjiñeꞌa ndo ngajin chujni ndakuaꞌi ncheꞌe, méxin ndo Dio kuajon ndo juachaxin kuajinꞌin ndo Jesús ngajní ko kuayéꞌe ndo juachaxin ícha tsetuanꞌan ndo.