Hechos 3:16 - El Nuevo Testamento

¹⁶ Ko juachaxien ndo Jesús chuntiana, meꞌe koxruenꞌen xi juaꞌi bakaji, xi tikonnta ko chuxinnta. Ko jeꞌe xa nduaxin chuntia xa ko kuitikaon xa, méxin koxruenꞌen xa. Meꞌe stetsjeꞌenta jai.

Hechos 3:16 ပူးပေါင်းရင်းမြစ်များ

Mateo 14:29

Ko ndo Jesús ndachro ndo: ―Xrokuia. Ko tuinxin ndo Pedro xingajinxin ndo nta̱barco ko kuaxi juixin tutée ndo ngataꞌa nda ti no jii ndo Jesús.

Mateo 9:22

Ndo Jesús tuinxin ngatjia ndo ko bikon ndo nchra, ko ndachro ndo: ―Chjanꞌna, takeꞌé juaxruxin jaꞌa ixi ti chuntiana meꞌe juintaxruanꞌan. Ko jeꞌe nchra koxruenꞌen nchra hora meꞌe.

San Juan 14:12

Naa ngeꞌe nduaxin ntatjunta siá nduaxin tsitikaonnantana, ti juintaꞌa kaxon jaꞌanta chao sincheꞌenta kain meꞌe ko kaxon ixra̱ ícha ijié ngeꞌe sincheꞌenta ixi janꞌan satsji ti jii Ndotána.

San Juan 7:23

*Jaꞌanta tjaunnta tsitikaonnta ngeꞌe tsiketuanꞌan ndo Moisés, méxin, chje̱ꞌénta ichjan chjiꞌe xjan nchakon tjokaꞌanta, ko, ¿sonda toñaonta ixi juintaxruanꞌan naa chujni nchakon meꞌe?

Hechos 14:9

Xi meꞌe jii xa nunte ko jitinꞌen xa ngeꞌe juako ndo Pablo. Tjumeꞌe ndo Pablo jian jitsjeꞌe ndo xa ko konoꞌe ndo ixi jeꞌe xa chuntia xa Ncháina ko chao xrokoxruenꞌen xa.

Hechos 16:18

Jaña juincheꞌe nchrichan itsjé nchakon. Tjumeꞌe tsango koñao ndo Pablo ko ngatjia ndo nichjeꞌe ndo espíritue Xixronꞌanxrée chónda nchrichan, ko ndachro ndo: ―Juachaxien nombrée ndo Jesucristo tetuanꞌan ixi tsachrjexian nchrichan jiꞌi. Tjumeꞌe tuinxin kuachrjexin nchrichan espíritue Xixronꞌanxrée.

Hechos 3:6

Ko ndo Pedro ndachro ndo: ―Chondaꞌi chika plata ko oro, ko ti chonda xrotjáꞌa. Juachaxien ndo Jesucristo, ndo tjajna Nazaret, tingatjen ko itjia.

Hechos 3:8

Ko chrinka xa bakeꞌexin tutée xa ko kuaxi xa kuaji xa. Tjumeꞌe jeꞌe sen ko jeꞌe xa kuixinꞌin sen ngaxinꞌin niꞌngo ko jeꞌe xa jitji xa ko jichrinka xa ko tajon xa juasaya ngajin ndo Dio.

Hechos 4:10

Méxin, tinꞌennta jian ngeꞌe xrondachrja̱n ixi kainnta ni tjajna Israel tsonoꞌanta ixi xi jii ntiꞌi koxruenꞌen xa ixi juachaxien ndo Jesucristo, ndo tjajna Nazaret, ndo kuenitonta nta̱cru, ko tjumeꞌe ndo Dio juinchexechón ndo ndo.

Hechos 4:30

Ko ixi juachaxiannta sinchexrjuenꞌen sen ni niꞌe ko sincheꞌe sen ijié ixra̱ ixi nombrée chjanꞌanta, ndo tsango tjúá, ndo Jesús.

Hechos 4:7

Tjumeꞌe kuetuanꞌan xa kuixrakua ndo Pedro ko ndo Juan. Ko bakeꞌe xa sen ngusine ko tjumeꞌe juanchangiꞌe xa sen: ―¿Ngisen kuajon juachaxin o̱ ngisen nombrée ncheꞌexinnta kain jiꞌi?

Romanos 3:22

*Tsoméꞌe jíei̱na ixi chuntiana ndo Jesucristo, ixi jeꞌe ndo naxrajeꞌo tikon ndo tjintee kainni.

1 Corintios 13:2

*Ko siá xronichja chijnie ndo Dio, ko siá xrokuia̱nxin kain ngeꞌe xra noeꞌa ikaxin chujni, ko siá xrokonoi̱na kain ngeꞌe, ko ícha xrochu̱ntia ndo Dio ko chao xrontatjan naa ijna̱: tachrjengíxian ntiꞌi ko satjia nango, maski jaña sintaꞌa ko tjaunꞌa sen kichian, kain ti ntaꞌa xroꞌan tjintee.