Hechos 27:30 - El Nuevo Testamento

³⁰ Ko xi ncheꞌe ixra̱ nta̱barco xraxaon xa xrobinga xa ko kuaxi xa juinchexingajin xa nta̱barco nchínchín ngataon inda ko juinchexin xa xranchi xrobanka xa chika gancho chónda ikon nta̱barco.

Hechos 27:30 ပူးပေါင်းရင်းမြစ်များ

Hechos 27:16

Tjumeꞌe juasona naa isla nchíín ndatinꞌin Clauda ixi ntiꞌa jeꞌa soji jitinga chrinto. Ko tsango tangi juintakajíinna nta̱barco nchínchín jitenixin tuenxin nta̱barco ijié.

Hechos 27:27

Juexin kuatsinga yuu semana, tjumeꞌe naa tiie juasona ndachaon ndatinꞌin Adriático ko ntiꞌi, ndáꞌa tikiꞌanna chrinto. Ko ngusine tiie xi teka nta̱barco bikon xa ixi ó stetjasona ti jii inche xema.

Hechos 27:29

Ko tsango xronka xa ixi xrokéꞌe nta̱barco ixro, méxin banka xa noó chika gancho tuenxin nta̱barco ko jaña chonꞌanna bingasáñajan.

Hechos 27:31

Tjumeꞌe ndo Pablo ndache ndo xi capitán ko kain xi soldado: ―Siá xi ste ntiꞌi meꞌe tsintueꞌa xa ngaxinꞌin nta̱barco, juaꞌi tsjasona ti jii inche xema.

Hechos 27:32

Méxin, xi soldado konchrinjin xa ino jichroaxin nta̱barco nchínchín ko kuintuꞌe xa kuitsinga nta̱a̱ ngangi inda.