Hechos 24:25 - El Nuevo Testamento

²⁵ Ko ndo Pablo juako ndo xranchi sincheꞌe na̱ jian ko xranchi tsetuenꞌen na̱ aséen na̱ ko sincheꞌa na̱ ti ndakoꞌa ko xranchi tsi̱i̱ nchakon ndo Dio sinchéña ndo ijie̱ ngajin kain chujni. Ko xi Félix kuinꞌen xa, meꞌe xronka xa, ko ndachro xa: ―Jai satjia ko tjumeꞌe tsiyaꞌa naa nchakon ti xroꞌan ixra̱ xrochondana.

Hechos 24:25 ပူးပေါင်းရင်းမြစ်များ

Mateo 22:5

Ko ni kuiyeꞌe ndo kia kuitikaonꞌa na̱. Naa xi kuiyeꞌe ndo sakjui xa chjakée xa ko inaa xa sakjui xa kuitsjeꞌe xa ixra̱ chónda xa.

San Juan 16:8

Ko nchakon tsi̱i̱ ndo sinchexraxaon ndo chujni nunte xasintajni ixi chónda na̱ ijie̱, ko jii naa chaꞌo ndako xroruéꞌe na̱ ko ndo Dio sinchéñeꞌe ndo na̱ ijie̱.

Hechos 10:42

Kuituanꞌan ndo ixi janꞌanna sintakuanꞌanna ko xrochraꞌngana ixi jeꞌe ndo sinchéña ndo ijie̱ ngajin kain chujni, ni stechón ko ni tsikenꞌen.

Hechos 17:13

Ko ni judío tjajna Tesalónica konoꞌe na̱ ixi ndo Pablo juako ndo chijnie ndo Dio tjajna Berea ko sakjui na̱ ntiꞌa ko juinchekateya na̱ ni ntiꞌa.

Hechos 17:2

Ko tjumeꞌe ndo Pablo sakjui ndo niꞌngo ixi jaña xrakuenꞌen ndo ko níi semana ngujngu nchakon tjokéꞌe ni judío juako ndo xranchi ndachro xroon chijnie ndo Dio.

Hechos 17:32

Ko nchakon kuinꞌen na̱ ixi xroxechón chujni tsikenꞌen, kaxin na̱ juanoa na̱ ndo Pablo. Ko ikaxin na̱ ndachro na̱: ―Íjngo nchakon tsinꞌanna ngeꞌe ndachrua.

Hechos 2:37

Ko kuinꞌen na̱ jiꞌi, tjumeꞌe tsango koniꞌe aséen na̱. Ko juanchangiꞌe na̱ ndo Pedro ko sen kaxin kuincheꞌe ndo Jesús ko ndachro na̱: ―Kichianna, jai, ¿ingeꞌe sintaꞌana?

Hechos 24:15

Kaxon titikaꞌon ndo Dio xranchi titikaon jeꞌe na̱ ixi ndo Dio sinchexechón ndo kain ni jian ko kaxon kain ni ñaꞌi.

Hechos 24:26

Ko xi Félix tjaun xa ixi ndo Pablo xrokuajon ndo tomi ngajin xa; meꞌe xrokuajanda xa ndo, méxin, nanaó bakiyeꞌe xa ndo.

Hechos 26:28

Juateꞌe xi Agripa ko ndachro xa: ―Bananchichjaon ko janꞌan kaxon xrokuitikaꞌon xi Jesús.

Hechos 9:6

Jeꞌe xa xranga xa ko xronka xa, ko jaꞌin ndachro xa: ―Jaꞌanta, ¿ngeꞌe tjaunnta sintaꞌa? Ko Ncháina Jesús ndachro ndo: ―Tingatjén, tixinꞌia tjajna Damasco, ko ntiꞌa tsetuanꞌan ngeꞌe sincheꞌe.

Romanos 12:1

Méxin, kichuuna, ndo Dio tikonóaꞌanta ndo, méxin, janꞌan tinóatáana ixi nchijíi asáanta tjéenta ndo Dio jai, ko tájonnta asáanta ko nchijíi jaꞌanta sincheꞌenta xra̱ ixi ó tjúá asáanta ko jaña tikinixin tsajonnta juasaya ngajin ndo.

Romanos 14:12

Jaña kainna tsatsingana ngajin ndo Dio ixi sinchéñaina ndo ijie̱ xranchi kuinteena ngataꞌa nunte ntiꞌi.

Romanos 2:16

Naa nchakon ndo Dio sinchéña ndo ijie̱ ngajin kain ti imao juincheꞌe chujni. Jiꞌi tsonꞌen ixi juachaxien Ncháina Jesucristo xranchi jitaxin chijni jian tjako̱ janꞌan.

1 Corintios 4:5

Méxin, tjankataꞌinta ijie̱ ngajin xrojan ngisen. Chuenjanta nchakon tsi̱i̱ Ncháina ixi jeꞌe ndo tsjako ndo kain ngeꞌe jimá ti naxixeꞌe, ko sinchenoxin ndo kain ngeꞌe jii ngaya aséen chujni. Ko nchakon meꞌe ndo Dio jian xronichja ndo ixi ngujngu ixra̱ juincheꞌe chujni.

2 Corintios 5:10

*ixi kainna xrokonda tsonchjiñeꞌena ti sinchéñaxin ndo Cristo ijie̱ ixi jaña ngujnguna tsayéꞌena ngeꞌe tikinixinna ixi á jian juincheꞌena o̱ naꞌi ti xrastena ngataꞌa nunte ntiꞌi.

2 Corintios 6:2

Tsindachro ndo Dio jitaxin chijnie ndo: Nchakon kuinchaꞌanta jaꞌanta, kui̱nꞌa̱n ti juanchianta. Ko nchakon kuajon juachaxin tsechón chujni, nchakon meꞌe kuingijnanta. Ko nchakon meꞌe jai, jai nchakon ndo Dio sincheméꞌe ndo ti ndakoꞌa ncheꞌe chujni ko tsajon ndo juachaxin tsechón na̱ kain nchakon.

Gálatas 3:22

Ko xroon jitaxin chijnie ndo Dio ndachro ixi ti ndakoꞌa ncheꞌe chujni meꞌe tituanꞌan ngaya aséen. Ko jaña jeꞌo sen chuntia ndo Jesucristo, sen meꞌe tsayéꞌe sen ti ndachro ndo Dio tsajon ndo.

Gálatas 5:23

ko nchejiéꞌa aséei̱na, ko jian tsetuenꞌen aséei̱na sincheꞌana ti ndakoꞌa. Siá sincheꞌena jaña, xroꞌan ijie̱ tsamana.

2 Timoteo 4:1

Ngatoxin ikon ndo Dio ko Ncháina Jesucristo, ndo tsi̱i̱ xranchi rey sinchéña ijie̱ ngajin kain chujni stechón ko chujni tsikenꞌen, tetuanꞌan

Tito 1:8

Ko jian tsayéꞌe sen xrojan ngisen tsiji ndoꞌa sen; xrokonda sincheꞌe sen ti jian; jian xroxraxaon sen ko ndako sincheꞌe sen ngajin ngixeꞌi chujni. Ko nchijíi aséen sen tsakeꞌe sen ngajin ndo Dio ko ixi nchijíi aséen sen sincheꞌe sen xrée nchée sen.

Hebreos 12:21

Tsango ijié juaxrakon meꞌe, méxin, ndo Moisés ndachro ndo: “Janꞌan tsango xronkana, méxin rixranga.”

Hebreos 3:13

Naꞌi, cháña nichjeꞌé kichuunta ngujngu nchakon, jai ti xrajíi juachaxin tsaricho̱nnta, jaña sintayaꞌinta Xixronꞌanxrée ixi sinchecha asáanta ko xronichjangíꞌenta ndo Dio.

Hebreos 4:1

Méxin, siá ndo Dio xrajitajon ndo juachaxin tsatsingana ti tsjokéꞌeni ti tetuanꞌan jeꞌe ndo, xrokonda jian xrotsjeꞌena xranchi tsojuna ixi ba xrojan jai̱na tsixinꞌana ti juinchekonchjian ndo Dio tsjokéꞌeni.

Hebreos 6:2

ko kaxon ti juinchekuai̱na sen xranchi tsikitéeni, kaxon xranchi tsakeꞌe itjani ngataꞌa jaa sen titikaon ndo Dio, xranchi xroxechón sen tsikenꞌen, ko xranchi tsi̱i̱ nchakon ndo Dio sinchéña ndo ijie̱ ngataꞌa kain chujni.

Hebreos 9:27

Méxin, jaña xrokonda tsenꞌen chujni ste ngataꞌa nunte naakua vez, ko tjumeꞌe ngajní tsóñexin na̱ ijie̱ ti ngeꞌe juincheꞌe ngujngu chujni.

Santiago 2:19

Jaꞌa titikáoan ixi jeꞌo naa ndo Dio jii ko jaña jian xraxaoan, ko kaxon espíritue Xixronꞌanxrée jaña titikaon ko xranga ixi xronka.

1 Pedro 3:15

Cháña tájonnta juasaya ngajin ndo Cristo ixi jeꞌe ndo Ncháina ndo. Jian tjateꞌenta ngeꞌe tsjanchangiꞌanta na̱ ixi titikaonnta Ncháina. Ko nchejiéꞌa asáanta ko jian ncheꞌenta ngajin na̱.

2 Pedro 1:6

Ko ti jian xrochuxinnta ndo Dio, meꞌe tsinkakonꞌen sincheꞌanta kain ngeꞌe ti tjaunnta; ko ti tsinkakonꞌen meꞌe sincheꞌanta ngeꞌe tjaunnta, meꞌe sintakuanꞌanta xrochonꞌénnta ko tjakaꞌi xrotjáanta juañao ko xrochondeꞌenta juasaya ndo Dio;

1 Juan 3:10

Jaña tsonoñaxinna ngisen chjenꞌen ndo Dio ko ngisen chjenꞌen Xixronꞌanxrée, ixi ni ndakoꞌa ncheꞌe ko tjaunꞌa na̱ ni kichuu na̱, ni meꞌe jeꞌa chjenꞌen ndo Dio na̱.

1 Juan 3:7

Chjanꞌna, tájonꞌanta juachaxin ixi xrojan chujni sintayaꞌanta; ixi ngisen jian ncheꞌe, sen meꞌe nduaxin jian sen, xranchi jeꞌe ndo Jesucristo nduaxin jian ndo.