Hechos 23:9 - El Nuevo Testamento

⁹ Tjumeꞌe kain na̱ kuintee na̱, ko kaxin xi fariseo tjako ley bingatjen xa ko ndachro xa: ―Xi jiꞌin, janꞌanna xroꞌan ngeꞌe ti ndakoꞌa kuitjána juincheꞌe xi jiꞌin. Á nchéxin naa espíritu o̱ naa ángel nichjeꞌe xa.

Hechos 23:9 ပူးပေါင်းရင်းမြစ်များ

Marcos 2:16

Ko kaxin xi tjako ley ko xi fariseo bikon xa ixi ndo Jesús jinekao ndo kain xi xengeꞌe ꞌna̱ ko ikaxin ni chónda ijie̱, ko juanchangiꞌe xa sen teyuu chrikao ndo Jesús, ko ndachro xa: ―¿Sonda xi tjakoꞌanta nekao xa ko tikao xa xi xengeꞌe ꞌna̱ ko ni chónda ijie̱?

San Lucas 23:22

Nínxin juanchangi xi Pilato: ―¿Ngeꞌe ndakoꞌa juincheꞌe xi jiꞌi? Janꞌan titjaꞌi ijie̱ tsikinixin tsenxin xa. Janꞌan tsetuanꞌan tsikaon xa, ko tjumeꞌe tsajanda xa satsji xa.

San Lucas 23:4

Ko tjumeꞌe xi Pilato ndache xa xitaana tetuanꞌan ko ni bikao ndo Jesús: ―Xroꞌan ijie̱ titja janꞌan ngajin xi jiꞌi.

San Lucas 5:30

*Ko itsjé xi fariseo ko xi tjako ley kuaxi xa nichjangíꞌe xa ti ni chrikao ndo Jesús, ko ndachro xa: ―¿Sonda rintekuꞌunta ko tikuꞌunta xi xengeꞌe iꞌna̱ ko ni chónda ijie̱?

San Juan 12:29

Ko ni ste ntiꞌa stetinꞌen na̱, méxin, ndachro na̱ jitjatee ngajní, ko ikaxin na̱ ndachro na̱: ―Naa ndo ángel nichjeꞌe ndo.

Hechos 11:17

Xranchi janꞌanna nchakon kuaxi kuitikaonna Ncháina Jesucristo, tjumeꞌe kuajon ndo Dio Espíritue ndo kuayeꞌena, jaña jai kuajon ndo Dio Espíritue ndo kuayéꞌe sen jiꞌin. ¿Ngisen janꞌan ixi xrokuitikaonꞌa ngeꞌe juincheꞌe ndo Dio?

Hechos 22:6

’Nchakon juaso tjenka tjajna Damasco xranchi ngusine nchakon tuinxin ngandajinna tsango bingasáña naa xroꞌi kui̱xi̱n ngajní.

Hechos 22:7

Ko kuaritsinga nunte ko tuinxin kui̱nꞌa̱n naa tée sen nichja ko ndachro: “Saulo, Saulo, ¿sonda ruaꞌna̱na ko sonda ningakonna̱na?”

Hechos 23:29

Ko konóna ixi tjankataꞌa na̱ xa ijie̱ ixi ley chónda na̱. Ko xroꞌan ijie̱ chónda xa tsikinixinꞌen ixi naaxrokóñaxón na̱ xa o̱ xroxraxinꞌin na̱ xa ndoꞌachjiso.

Hechos 23:8

*Ixi ni saduceo ndachro na̱ xroxechónꞌa ni tsikenꞌen ko kaxon ndachro na̱ xroꞌan sen ángel jii ko xroꞌan espíritu. Ko ni fariseo titikaon na̱ kain meꞌe.

Hechos 25:25

Ko xroꞌan ijie̱ kuitjá tikinixinꞌen tsenꞌen xa. Ko jeꞌe xa juanchia xa ixi xi César sinchéñeꞌe xa xi ijie̱. Méxin, xraxaꞌon xroxruanꞌan xa tjajna Roma.

Hechos 26:31

Ko kain na̱ kuachrje na̱ ko juintejao kichuu na̱ ko ndachro na̱: ―Xroꞌan ijie̱ chónda xi jiꞌi, tikinixinꞌa tsenꞌen xa ko xrobakeꞌa xa ndoꞌachjiso.

Hechos 27:23

Ixi nakonkjin bikon naa ndo ángel tsixruaꞌan ndo Dio, ndo titikaꞌon ko ntaꞌa xrée.

Hechos 5:39

Ko siá nduaxin nchekuenꞌen sen chujni juachaxien ndo Dio, jaꞌanta juaꞌi tsingakonꞌennta sen. Méxin, tintuꞌenta sen, siá naꞌi, jaꞌanta ritetokuꞌunta ndo Dio.

Hechos 9:4

Ko xi Saulo kuitsinga xa nunte, ko kuinꞌen xa nichja naa ngisen ko ndachro: ―Saulo, Saulo, ¿sonda ningakonna̱na ko tengiana?

1 Corintios 10:22

¿Á tjaunnta ixi ndo Dio tsoñao ndo? ¿Á jai̱na ícha chondana juachaxin ixi jeꞌe ndo?