Hechos 21:20 - El Nuevo Testamento

²⁰ Juexin kuinꞌen sen jiꞌin, kuajon sen juasaya ngajin ndo Dio, ko ndache sen ndo Pablo: ―Kichianna, jaꞌanta ó bikonta ixi jii itsjé mil ni judío ó titikaon na̱ ndo Jesús ko kain na̱ ndachro na̱ ixi xrokonda kaxon tsitikaonna ley kuajon ndo Moisés.

Hechos 21:20 ပူးပေါင်းရင်းမြစ်များ

Mateo 9:8

Ko kain ni ste ntiꞌa bikon na̱ naa ixra̱ tsango ijié konꞌen, xronka na̱ ko kuaxi na̱ kuajon na̱ juasaya ngajin ndo Dio ixi tsango ijié juachaxin tsikajon ndo ngajin chujni ste ngataꞌa nunte xasintajni.

San Lucas 12:1

*Tjumeꞌe xejo kueya na̱, tsango kueya na̱ stetateyá kichuu na̱. Ko jeꞌe ndo Jesús kuaxi nichja ndo saꞌó ngajin sen teyuu chrikao ndo ko ndachro ndo: ―Ncheꞌanta xranchi ncheꞌe xi fariseo, ixi ndachro xa ko nichja xa jian ko ti ndachro xa, ncheꞌa xa.

San Lucas 15:32

Ko jai xrokonda tsojuna juaxruxin ko sinchéñana kia ixi xjan kichuua xrokjui xranchi ó kuenꞌen xjan, ko jai xechón xjan ko jeꞌe xjan kuitjáña xjan, ko jai kuichuee xjan.”

San Juan 12:24

Ko nduaxin ngeꞌe ntatjunta ixi siá tsitsinga naa noatrigo ngataꞌa inche, ko tsenꞌa noa, jeꞌo naa noa tsituꞌe. Ko siá tsenꞌen noa, tjumeꞌe tsoña̱ kueya noa ixi jaña tsandáani no.

Hechos 11:18

Tjumeꞌe sen kichuuna, sen ste tjajna Jerusalén, kuinꞌen sen ngeꞌe tsikonꞌen ko tenko sen ko kuajon sen juasaya ngajin ndo Dio ko ndachro sen: ―Kuajon ndo Dio juachaxin kaxon ngajin ni jeꞌa judío ixi tsayéꞌe na̱ juachaxin tsitikaon na̱ ndo Dio ko xrochónda na̱ juachaxin tsechón na̱ kain nchakon.

Hechos 15:1

Kaxin sen tsiki̱ꞌxi̱n nunte Judea kuiji sen tjajna Antioquía. Kuaxi sen juinchekuenꞌen sen sen kichuuna ntiꞌa ixi juaꞌi tsoméꞌe jíee sen siá chóndaꞌi sen chjiꞌe sen ti tsiketuanꞌan ndo Moisés.

Hechos 15:24

Ó nóna ixi ikaxin sen kichuuna tsiki̱ꞌxi̱n tjajnana̱na maski kuachóndaꞌi sen juachaxin, kuiji sen juintaxronkanta sen ixi xrokonda tsaanta chjiꞌe ni judío ti tsiketuanꞌan ndo Moisés.

Hechos 15:5

Tjumeꞌe ikaxin ni fariseo tsikitikaon Ncháina Jesús bingatjen na̱ ko ndachro na̱: ―Ni jeꞌa judío titikaon na̱ Ncháina xrokonda tsaa na̱ chjiꞌe ni judío, ko xrokonda tsitikaon na̱ nchijíi ley tsiketuanꞌan ndo Moisés.

Hechos 2:41

Tjumeꞌe kain ni kuitikaon ngeꞌe ndachro ndo, bikitée na̱ ko ni konchjiñeꞌe nchakon meꞌe níi mil na̱.

Hechos 22:3

*―Janꞌan naa xi judío jongínaxin tjajna Tarso nunte Cilicia. Ko ntiꞌi bangíxin tjajna Jerusalén ko juintakuanxin ngajin ndo Gamaliel ko titikaꞌon kain ti tjako ley tsikitikaon sen xranchrjen. Ixi janꞌan ícha juintaꞌa jian xrée ndo Dio ixi nchijíi aséenna xranchi jaꞌanta ncheꞌenta jai.

Hechos 4:21

Ko tjumeꞌe jeꞌe na̱ kuyakutee na̱ sen ko kuintuꞌe na̱ sen sakjui sen ixi kuitjaꞌi na̱ xranchi chao xrobikaon sen ixi kain ni tjajna ntiꞌa tajon na̱ juasaya ngajin ndo Dio ixi ti ngeꞌe jian juincheꞌe sen.

Hechos 4:4

Ko kueya na̱ kuinꞌen na̱ chijni juako sen, ko kuitikaon na̱. Ko kain xi kuitikaon, naꞌó mil xi.

Hechos 6:7

Chijnie ndo Dio tsango binga nunte ntiꞌa ko kueya na̱ kuitikaon na̱ Ncháina tjajna Jerusalén. Kaxon itsjé xitaana judío kuitikaon xa Ncháina.

Romanos 10:2

Janꞌan nóna ixi ni israelita tsango tjaun na̱ sincheꞌe na̱ xrojan ixra̱ ngajin ndo Dio, ko juaꞌi jian xraxaon na̱ ixi jeꞌe na̱ noeꞌa na̱ xranchi sincheꞌe na̱ ti tjaun ndo Dio.

Gálatas 1:14

*Ko janꞌan nchakon bakitikaꞌon ley neꞌe sen judío, janꞌan ícha bakitikaꞌon ixi kain sen tjajnána, sen yaxinkiꞌan nano, ko ícha bantaꞌa ngeꞌe tsiketuanꞌan sen tachríꞌina xranchrjen.

Gálatas 1:24

Ko kuajon sen juasaya ngajin ndo Dio ixi janꞌan ó titikaꞌon Ncháina Jesucristo.

2 Tesalonicenses 1:10

Jaña tsonꞌen nchakon tsi̱i̱ Ncháina Jesús ixi kain sen tjúá aséen ko kain sen kuitikaon chijnie ndo, sen meꞌe tsajon sen juasaya ngajin ndo ko kao jaꞌanta ixi kuitikaonnta ti nichjana.