Hechos 20:7 - El Nuevo Testamento

⁷ Ko nchakon xrangíxixín semana xraꞌona ixi xrochrijin nutja xraxaonxinna Ncháina Jesucristo. Ko ndo Pablo nichjeꞌe ndo kain sen titikaon Ncháina Jesús ixi tjaun ndo saxrokjui ndo ndúyaxin, méxin xrajitjako ndo chjéja ngusine tiie.

Hechos 20:7 ပူးပေါင်းရင်းမြစ်များ

Marcos 16:9

Nchakon xechón ndo Jesús, nchakon xrangíxixín semana saꞌó konoxin ndo ngajin jan María Magdalena, jan tsikantsjexin ndo ya̱a̱to̱ espíritue Xixronꞌanxrée.

San Lucas 22:19

Ko tjumeꞌe itsé ndo nutja ko kuajon ndo juasie ndo ngajin ndo Dio, ko konchrinjin ndo nio ko konchjeyeꞌe ndo sen ko ndachro ndo: ―Jiꞌi cuerpona tsájon tsenꞌen ixi jaꞌanta. Ncheꞌenta jaꞌin, meꞌe xraxaonxinnintana janꞌan.

San Lucas 24:35

Tjumeꞌe sen yuu kui̱xi̱n tjajna Emaús chronga sen ngeꞌe konꞌen ngatja chaꞌo, ko xranchi kuichúxin sen ndo Jesús ti konchrinjin ndo nutja ko konchjeya ndo nio.

San Juan 20:1

Tjumeꞌe nchakon xrangíxin semana xra naxixeꞌe jan María Magdalena ikjui jan ti no tsixrabaa ndo Jesús, ko bikon jan ixi ixro tsijijee̱xin na̱ itjao̱ ti no tsixrabaa ndo tsijinchetengi na̱ ixro.

San Juan 20:19

Tjumeꞌe kóndo nchakon xrangíxin semana, sen kuajikao ndo Jesús tsixraꞌo sen ngaxinꞌin nchia ko jian tsikijeꞌe̱ sen nchia ixi xrakonꞌen sen ni judío. Ko ndo Jesús kuixinꞌin ndo ko ngusine jeꞌe sen bakeꞌe ndo, ko nichjeꞌe ndo sen, ndachro ndo: ―¿Á jian stenta?

San Juan 20:26

Tjumeꞌe kuatsinga ijní nchakon ko xraꞌo kain sen íjngo ngaxinꞌin nchia ko kaxon ndo Tomás jikao sen ndo ntiꞌa. Tsikijeꞌe̱ sen jian nchia ko tuinxin bikon sen ndo Jesús ngusine ti ste sen ko nichja ndo ngajin sen ko ndachro ndo: ―¿Á juaxruxin stenta?

Hechos 16:10

Jaña tsikikon ndo Pablo, méxin tuinxin konchjianna ixi satsjina nunte Macedonia ixi jian nónana ixi ndo Dio kuetuanꞌan ndo ntiꞌa tsjakona chijni jian xranchi tsoméꞌe jíee na̱. [Janꞌan ndo Lucas ikjin xroon jiꞌi sabikiꞌan sen kaxon.]

Hechos 2:42

Kain sen kuitikaon sen ngeꞌe juinchekuenꞌen sen sen apóstol tsikincheꞌe ndo Jesús, ko juento kichuu sen, ko juinekao kichuu sen ko kaxon konchrinjin sen nutja ixi jaña xroxraxaon sen ti kuenꞌen ndo Cristo, ko kain sen nichjeꞌe sen ndo Dio.

Hechos 2:46

Ko ngujngu nchakon xraꞌo sen niꞌngo ko ngujngu ndoꞌa sen, chaxro nekao kichuu sen. Ko konchrinjin sen nutja ixi xraxaon sen ti kuenꞌen ndo Jesús ko nchejiéꞌa aséen sen.

Hechos 20:11

Tjumeꞌe ndo Pablo ikjan ndo bajinꞌin ndo ixi tsonchrijin ndo nutja sine sen, xroxraxaonxin sen Ncháina Jesucristo. Ko nichja ndo bingasáñajan ko tjumeꞌe sakjui ndo.

Hechos 20:31

Méxin, tsjeꞌenta, ko xraxaonnta ixi xranchi níi nano janꞌan juintakuanꞌannta tiie ko nchakon ko tsjanga ko kuíntuaꞌi juintakuanꞌannta ti jian.

Hechos 20:5

Sen kichuuna kuitaon sen ntiꞌa ko chonna̱na sen tjajna Troas.

Hechos 20:9

Ko ntiꞌa jii naa chajan ndatinꞌin chán Eutico, chán meꞌe bakeꞌe chán nunte ngataꞌa ventana. Ko ndo Pablo tsango sée nichja ndo, méxin, tsango chjée chán kotachrin. Ko ndatsikejua chán ko kueꞌe chán nunte ti nínxin piso ko hora kuatsiꞌin sen chán, ndatsikenꞌen chán.

Hechos 28:23

Tjumeꞌe bakeꞌe na̱ naa nchakon tsinꞌen na̱ ngeꞌe tjako ndo Pablo ko nchakon meꞌe xraꞌo kueya na̱ ti nchia bakeꞌe ndo ko ndúyo xrangíxixión nichja ndo hasta ti kóndo. Meꞌe nichja ndo xranchi jii juachaxin tetuanꞌan ndo Dio. Nichjeꞌe ndo na̱ ixi tsitikaon na̱ ndo Jesús, ko juakoxin ndo ixi ley kuajon ndo Moisés ko ti tsikjin sen kuachronga chijnie ndo Dio ó saꞌó.

1 Corintios 10:16

*Nchakon intena cena juako Ncháina Jesús ko tajonna juasaya ngajin ndo, kainna tuꞌuna ti jitjiá copa ko naakua xraxaonna ixi jnié ndo Cristo kuintjí ixi jai̱na. Ko tonchrijinna nutja intena ko jaña xraxaonna ixi jeꞌe ndo kuajon ndo cuerpoe ndo ixi jai̱na.

1 Corintios 15:10

Maski ndakoꞌa juintaꞌa, juasie ndo Dio ixi juachaxien ndo kuindoxin ti xraxaꞌon, ko jeꞌa xruenxon bikonóaꞌna ndo, ixi ícha juintaꞌa ixra̱ neꞌe ndo ixi kain sen apóstol. Ko jeꞌa janꞌan juintaꞌa ixra̱ meꞌe. Naꞌi. Ndo Dio bingijnana ndo ko chjána ndo juachaxin juintaꞌa xrée ndo.

1 Corintios 16:2

Ngujngu domingo tantsjendaánta nchíín tomi juachanta nchakon ikjuinta ixra̱ ixi jaña íxrokondaꞌi xroxraꞌo tomi meꞌe nchakon tsjasotsjaꞌanta.

2 Timoteo 4:2

ko ntatsaꞌañaoan tsjakoa chijnie ndo Dio ixi nchijíi asáan, maski á tsinꞌen na̱ o̱ naꞌi. Nichjeꞌé na̱ jian ixi tsitikaon na̱ ko nchexraxaoan na̱ jian. Chonꞌén indao tsienxin na̱ ko jian tjakoa chijni.

Apocalipsis 1:10

Naa nchakon ritájon juasaya ngajin Ncháina, hora meꞌe kui̱i̱ juachaxien Espíritue ndo Dio ti ritjén janꞌan ko tuenxinna kui̱nꞌa̱n naa tée sen, soji xranchi ndachro naa itjao.