Hechos 2:43 - El Nuevo Testamento

⁴³ Ko tjumeꞌe kain chujni xronka na̱ ixi sen apóstol kuincheꞌe ndo Jesús juincheꞌe sen itsjé ixra̱ ijié.

Hechos 2:43 ပူးပေါင်းရင်းမြစ်များ

Marcos 16:17

Ko sen tsitikaonna janꞌan, sen meꞌe chao sincheꞌe sen naa ixra̱ jian, ixi tsayéꞌe sen juachaxin tsantsje sen espíritue Xixronꞌanxrée chónda kaxin na̱ ko kaxon xronichja sen jée ngigua.

San Lucas 7:16

Ko nchakon bikon na̱ jaña konꞌen, kain na̱ tsango xronka na̱ ko juangíxin na̱ kuajon na̱ juasie na̱ ngajin ndo Dio ko ndachro na̱: ―Ndo Dio xruanꞌan ndo naa ndo nichja chijnie ndo, ndo meꞌe tsango chónda ndo juachaxin. Ko kaxon ndachro na̱: ―Ndo Dio kui̱i̱ ndo tsingijna ndo tjajnée ndo.

San Lucas 8:37

Méxin, kain ni nunte Gadara juancheꞌe na̱ ndo Jesús ixi satsjixin ndo ntiꞌa, ixi jeꞌe na̱ tsango xronka na̱. Méxin, ndo Jesús kuajinꞌin ndo nta̱barco ko sakjui ndo.

San Juan 14:12

Naa ngeꞌe nduaxin ntatjunta siá nduaxin tsitikaonnantana, ti juintaꞌa kaxon jaꞌanta chao sincheꞌenta kain meꞌe ko kaxon ixra̱ ícha ijié ngeꞌe sincheꞌenta ixi janꞌan satsji ti jii Ndotána.

Hechos 2:22

’Jaꞌanta ni israelita, tinꞌennta ngeꞌe xrondachrja̱n. Ndo Jesús, ndo tjajna Nazaret, ndo Dio tsixruaꞌan ndo ndo ngajinnta ko jeꞌe ndo juincheꞌe ndo itsjé ixra̱ ijié bikonta, meꞌe juakoxin ndo ixi ndo Dio tsikajon ndo juachaxin ngajin ndo. Meꞌe jian noꞌanta.

Hechos 4:33

Sen kuincheꞌe ndo Jesús ixi juachaxien ndo Dio kuachronga sen ixi xechón Ncháina Jesús ko ndo Dio ícha juinchenchaon ndo sen.

Hechos 5:5

Ko kuinꞌen xi Ananías jiꞌi, tuinxin kuitsinga xa ko ndakuenꞌen xa. Ko kain sen kuinꞌen jiꞌi, tsango xronka sen.

Hechos 9:34

Ko ndachro ndo Pedro: ―Eneas, ndo Jesucristo sintaxruanꞌan ndo jai. Tingatjen tatsían kaniaꞌa. Ko tjumeꞌe xi Eneas tuinxin bingatjen xa.

Hechos 9:40

Tjumeꞌe kuetuanꞌan ndo Pedro ixi kain na̱ tsachrje na̱ nduja. Ko bakeꞌexin ntatuchiꞌin ndo ko nichjeꞌe ndo ndo Dio. Ko jitsjeꞌe ndo nchri tsikenꞌen ko ndachro ndo: ―Tabita, tayá. Ko jeꞌe nchra kuantjeꞌe ikon nchra ko bikon nchra ndo Pedro ko bakeꞌe nchra nunte.