Hechos 2:33 - El Nuevo Testamento

³³ Jai ndo Dio bikao ndo ndo Jesús ko jii ndo Jesús ndatsjonxin jian ti jii jeꞌe ndo. Ko kuayéꞌe ndo Jesús Espíritue ndo Dio, ti tsindachro ndo Dio xroxruanꞌan ndo, meꞌe jai xruanꞌan ndo kuayeꞌena. Ko kain jiꞌin ti bikonta ko ti kuinꞌennta.

Hechos 2:33 ပူးပေါင်းရင်းမြစ်များ

Mateo 28:18

Ko ndo Jesús konchjiñeꞌe ndo ko ndachro ndo: ―Ijié juachaxin chjána ndo Dio ngajní ko ngataꞌa nunte xasintajni,

Marcos 16:19

*Tjumeꞌe juexin nichja Ncháina Jesús ngajin sen, jeꞌe ndo kuajinꞌin ndo ngajní. Ko ntiꞌa bakeꞌe ndo ndatsjonxin jian ti jii ndo Dio.

San Lucas 24:49

*Ko janꞌan xroxruanꞌannta ti ngeꞌe ndachro Ndotána. Jaꞌanta tituanꞌanta ntiꞌi tjajna Jerusalén tsayéjanta ijié juachaxin tsi̱ꞌxi̱n ngajní ko meꞌe Espíritue ndo Dio.

San Juan 14:16

Ko janꞌan tsinóatáana ngajin Ndotána ixi xroxruanꞌan ndo Espíritue ndo ixi tsingijnanta ko tsajon ndo juachaxin tsakeꞌe juaxruxin asáanta ko Espíritue ndo tsakeꞌe ngajinnta kain nchakon,

San Juan 14:26

Ko Espíritue Ndotána, xroxruanꞌan ndo juachaxin ixi nombréena, ixi tsingijnanta, ko xronichjaꞌanta ndako ko tsjakoꞌanta kain ngeꞌe ko sintaxraxaonnta kain ngeꞌe ntatjunta.

San Juan 15:26

Ko nchakon tsi̱i̱ ngisen tsingijna, meꞌe Espíritue ndo Dio nduaxin, xroxruanꞌan janꞌan ixi juachaxien Ndotána ko jeꞌe ndo xronichjaxinna ndo.

San Juan 17:5

Ko jai Ndotána, chjánanta juachaxin ijié xranchi kuachonda janꞌan nchakon bakeꞌe ngajinnta ti xrakoꞌa nunte xasintajni.

Hechos 1:4

*Ti xra jii ndo ngajin sen chrikao ndo, jeꞌe ndo ndache ndo sen satsjixinꞌa sen tjajna Jerusalén. Jaꞌin ndachro ndo: ―Ntiꞌi chonꞌénnta tsayeꞌenta ngeꞌe tsajon Ndotána, ti ngeꞌe ntatjunta ndo saꞌó.

Hechos 10:45

Tjumeꞌe sen judío tsikikaꞌo ndo Pedro xronka sen ixi ndo Dio kuajon Espíritue ndo, kuayéꞌe sen jeꞌa judío.

Hechos 2:17

Ndachro ndo Dio: Nchakon tsjexin meꞌe xroxruanꞌan Espírituna tsayéꞌe kain chujni. Ichjan, xjan xi ko xjan nchri, xrochronga xjan chijnina. Ko sen chajan tsikon sen ixra̱ ijié tsjako janꞌan ko sen ó tachríi, tsoxienxin ngeꞌe xrontatjan sen.

Hechos 5:31

Ko jai bakeꞌe ndo Dio ndo Jesús ngajní ndatsjonxin jian ti jii jeꞌe ndo ko kuajon ndo juachaxin ixi jeꞌe ndo tsituanꞌan ndo ko tsantsjeꞌe ndo na̱ ijie̱ ixi ni tjajna Israel xrokjan na̱ xrokuitikaon na̱ ndo Dio, ko meꞌe xrokuitjáña ijie̱ chónda na̱.

Romanos 5:5

Ko ti jian stechonꞌenna nduaxin tsi̱i̱ ixi ndo Dio tsango tjaunna ndo ko tsichjai̱na ndo Espíritue ndo.

Gálatas 3:14

Jaña konꞌen ixi ti tsindachro ndo Dio, tsonchaon ndo Abraham, ko kaxon tsjacha ni jeꞌa judío tsonchaon na̱ ixi jeꞌe na̱ kuenxin ndo Cristo Jesús. Ko jaña kainna tsayéꞌena Espíritue ndo Dio ixi chuntiana ndo ixi jaña tsindachro ndo.

Efesios 1:13

Ko kaxon jaꞌanta, ti ó kuinꞌennta chijni jian, chijni meꞌe juincheméꞌe jíanta, meꞌe kuitikaonnta ndo Cristo, méxin ikjannta sen tikinixinꞌen ndo Dio ixi kuayeꞌenta Espíritue ndo ko jaña konꞌen xranchi tsindachro ndo.

Efesios 4:8

Jaña jitaxin xroon chijnie ndo Dio: Nchakon kuajinꞌin ndo ngajní sabikao ndo ni jichroá ko kuajon ndo juachaxin ngixeꞌe ixra̱ sincheꞌe chujni.

Tito 3:6

Ixi ndo Jesucristo, ndo juincheméꞌe ti ndakoꞌa juincheꞌena, méxin ndo Dio kuajon ndo Espíritue ndo.

Hebreos 10:12

Ko ndo Jesucristo naakua naa vez kuenꞌen ndo ixi jai̱na ko tjumeꞌe bakeꞌe ndo ndatsjonxin jian ti jii ndo Dio.

Hebreos 2:9

Ko noi̱na ixi ndo Jesús, ndo ikjan ícha tjinteꞌa ixi sen ángel kaxin nchakon, ko ndo Dio ixi tjaunna ndo xruanꞌan ndo ndo Jesucristo kuenꞌen ndo kondeexin kain ijie̱ kuachonda jai̱na ko jai jeꞌe ndo ijié juachaxin chónda ndo ko kain chujni tsajon na̱ juasaya ngajin ndo ixi ti tsango tangi konꞌen ndo.

1 Pedro 1:21

Ixi kuenꞌen ndo Cristo meꞌe kuitikaonnta ndo Dio, ndo juinchexechón ndo Cristo nchakon kuenꞌen ndo, ko jeꞌe ndo Dio kuajon ndo ijié juachaxin ngajin ndo Cristo. Ko méxin jaꞌanta chuntianta ndo Dio ko stechonꞌennta tsaricho̱nnta kain nchakon.

1 Pedro 3:22

Jeꞌe ndo Cristo sakjui ndo ngajní ko jii ndo ndatsjonxin ti jian ti jii ndo Dio ko jeꞌe ndo tetuenꞌen ndo kain sen ángel ko kain ti chónda juachaxin.