Hechos 2:22 - El Nuevo Testamento

²² ’Jaꞌanta ni israelita, tinꞌennta ngeꞌe xrondachrja̱n. Ndo Jesús, ndo tjajna Nazaret, ndo Dio tsixruaꞌan ndo ndo ngajinnta ko jeꞌe ndo juincheꞌe ndo itsjé ixra̱ ijié bikonta, meꞌe juakoxin ndo ixi ndo Dio tsikajon ndo juachaxin ngajin ndo. Meꞌe jian noꞌanta.

Hechos 2:22 ပူးပေါင်းရင်းမြစ်များ

Mateo 12:28

Ko siá janꞌan ixi espíritue ndo Dio tantsjexin espíritu tikinixinꞌen Xixronꞌanxrée chónda chujni, meꞌe xrondachro ixi juachaxien ndo Dio ó kui̱i̱ ti ste jaꞌanta.

Mateo 2:23

*Ko tjajna ndatinꞌin Nazaret, ntiꞌa kuintee sen. Jaña konꞌen ixi jaña tsichronga sen kuanichjaxin ndo Dio ó saꞌó ko tsindachro sen ixi ndo Jesús xrojuinchekinꞌin na̱ ndo nazareno.

Mateo 9:8

Ko kain ni ste ntiꞌa bikon na̱ naa ixra̱ tsango ijié konꞌen, xronka na̱ ko kuaxi na̱ kuajon na̱ juasaya ngajin ndo Dio ixi tsango ijié juachaxin tsikajon ndo ngajin chujni ste ngataꞌa nunte xasintajni.

San Lucas 11:20

Ko siá janꞌan tantsjexin espíritue Xixronꞌanxrée juachaxien ndo Dio, meꞌe xrondachro ixi ti tetuanꞌan ndo Dio ó kui̱i̱ ngajinnta.

San Lucas 18:37

Ko ndache na̱ xa ixi ndo Jesús tjajna Nazaret jitatsinga ndo ntiꞌa.

San Lucas 24:18

Ko naa sen ndatinꞌin Cleofas juatingíexin: ―¿Jaꞌua jaꞌa juiꞌa tjajna Jerusalén ko noaꞌia ngeꞌe konꞌen nchakon jiꞌi?

San Juan 1:45

Ko ndo Felipe ikjui ndo bijée ndo ndo Natanael ko ndachro ndo: ―Ó bikona ndo xrokui̱i̱ xranchi tsikjin ndo Moisés ti xroon ley ko kaxon ngisen tsikjin sen profeta. Jiꞌi ndo Jesús, chjenꞌen ndo José, ndo tjajna Nazaret.

San Juan 10:37

Siá janꞌan xrojuintaꞌi ixra̱ ncheꞌe Ndotána, titikaonꞌantana.

San Juan 11:47

Tjumeꞌe xi fariseo ko xitaana tetuanꞌan xraꞌo na̱ ngajin chujni ícha tetuanꞌan, ko ndachro xa: ―¿Ngeꞌe sintuꞌuna ixi xi jiꞌi jincheꞌe xa itsjé ngeꞌe ijié?

San Juan 12:17

Jaña kain ni bakeꞌe ngajin ndo Jesús nchakon kuiyeꞌe ndo xi Lázaro kuachrjexin xa ti no tsixrabaa xa ko xechón xa, ni meꞌe beki na̱ ngeꞌe bikon na̱.

San Juan 15:24

Jeꞌe na̱ xrochóndaꞌi na̱ ijie̱ siá xrojuintaꞌi ngeꞌe ti ninaa ngisen juincheꞌe saꞌó. Ko jai ó bikon na̱ kain ngeꞌe juintaꞌa, ko maski bikon na̱, ningakonna na̱ ko kaxon ningakonꞌen na̱ Ndotána.

San Juan 19:19

Ko kuetuanꞌan xi Pilato xrokjin na̱ ngataꞌa naa nta̱a̱ ko tsakeꞌe na̱ ti noi nta̱cru ko xrondachro nta̱a̱: “Ndo Jesús, ndo tjajna Nazaret, meꞌe ndo Rey tetuenꞌen ni judío.”

San Juan 3:2

Xi jiꞌi kui̱i̱ xa ngajin ndo Jesús naa tiie ko ndachro xa: ―Maestro, nónana ixi ndo Dio xruanꞌan ndo ixi sinchekuanna̱na, ixi xroꞌan ngisen xrojuincheꞌe ngeꞌe jian ncheꞌe jaꞌa siá ndo Dio xrobakeꞌa ndo ngajian.

San Juan 4:48

Ko ndachro ndo Jesús: ―Jaꞌanta, titikaonꞌanta siá tsikonꞌanta naa ngeꞌe jian sintaꞌa.

San Juan 5:36

’Ko janꞌan chónda naa ngeꞌe ícha tjintee tjakoxin ixi najanꞌan, ixi ngeꞌe tsindachro ndo Juan. Ixra̱ ntaꞌa janꞌan, ixra̱ naxreꞌo tituanna Ndotána sintaꞌa, ña̱ tjakoxin ixi nduaxin Ndotána tsixruanꞌanna ndo.

San Juan 6:14

Ko ni juine nutja bikon na̱ ti ixra̱ ijié juincheꞌe ndo Jesús ko ndachro na̱: ―Ndo meꞌe nduaxin ndo tsixruaꞌan ndo Dio tsi̱i̱ nunte xasintajni.

San Juan 6:27

Taꞌinta juachjaon ixi ngeꞌe sintenta taka tsjexin. Ncheꞌenta ixra̱ ixi ngeꞌe ti sintenta tsjexinꞌa ixi tsayeꞌenta juachaxin tsechonnta kain nchakon. Meꞌe tajon Chjenꞌen ndo Dio, xjan jongíꞌe xranchi chujni, ixi Ndotée ndo tjako ndo ixi Chjenꞌen ndo chónda xjan juachaxin.

San Juan 7:31

Ko kueya na̱ kuitikaon na̱ ndo ko ndachro na̱: ―Hora tsi̱i̱ ndo Cristo, ¿á ícha ijié ngeꞌe sincheꞌe ndo, ixi xi jiꞌi?

San Juan 9:33

Ko ndo meꞌe, siá xrokui̱xi̱nꞌa ndo ti jii ndo Dio, xroꞌan ngeꞌe jian xrojuincheꞌe ndo.

Hechos 13:16

Ko tjumeꞌe ndo Pablo bingatjen ndo ko itja ndo juanchiaxin ixi xrotenko sen. Ko ndachro ndo: ―Tinꞌennta jaꞌanta sen israelita ko kaxon tinꞌennta jaꞌanta ti tsikixinnta jée tjajna ko jaꞌanta sen titikaonnta ndo Dio.

Hechos 14:27

Ko nchakon kuiji sen tjajna Antioquía xraꞌo kain sen titikaon ndo Jesús ko kuaxi chronga ndo Pablo xranchi bingijna ndo Dio ngajin sen ko xranchi kuajon ndo Dio juachaxin sinchekuenꞌen sen ni jeꞌa judío ixi kaxon xrochuntia na̱ Ncháina Jesús.

Hechos 2:19

Ko janꞌan tsjáko ixra̱ ijié tsikonni ngajní, ko kaxon ngataꞌa nunte xasintajni tsjáko kaxin ixra̱ ijié: ijni̱, xroꞌi ko iꞌnchi xranchi itjui̱ tsikon na̱.

Hechos 2:43

Ko tjumeꞌe kain chujni xronka na̱ ixi sen apóstol kuincheꞌe ndo Jesús juincheꞌe sen itsjé ixra̱ ijié.

Hechos 21:28

Ko stekoyako na̱ ko ndachro na̱: ―Kainnta, ni tjajna Israel, tingijnananta. Xi jiꞌin ichrji xa nguixin nunte ko tjako xa ngeꞌe jeꞌa jian kondee tjajnai̱na, ko titikaonꞌa xa ley kuetuanꞌan ndo Moisés, ko titikaonꞌa xa ningoina. Ko jai tsixraxinꞌin xa kaxin ni griego ko ncheki̱tja̱ xa ngaxinꞌin niꞌngo tjúá.

Hechos 22:8

Ko janꞌan juanchangi: “¿Ngisen jaꞌanta?” Ko juateꞌe ndo: “Janꞌan ndo Jesús tjajna Nazaret, ndo jaꞌa tengia ko ningakonꞌén.”

Hechos 24:5

Xi jiꞌin jii xa xranchi naa ichin tinga nguixin no ko ncheyeꞌe xa ni judío ko ncheketo xa na̱. Jeꞌe xa tituenꞌen xa ni titikaon chijnie naa xi tsiki̱ꞌxi̱n tjajna Nazaret.

Hechos 26:26

Ntiꞌi jii xi rey Agripa. Jeꞌe xa chúxin xa jian kain ngeꞌe konꞌen. Méxin, chao rinichja ixi jeꞌe xa ó noꞌe xa kain jiꞌi ko kain jiꞌi ti konꞌen, jeꞌa imao konꞌen.

Hechos 26:9

*’Janꞌan saꞌó kuaxraxaꞌon xranchi xrokonꞌín ni titikaon ndo Jesús, ndo tjajna Nazaret,

Hechos 3:12

Ko hora bikon ndo Pedro kui̱i̱ na̱, jeꞌe ndo ndache ndo na̱: ―Jaꞌanta ni israelita, ¿sonda xronkanta ko sonda nchexruanninta? ¿Á xraxaonnta ixi janꞌonna chondana ijié juachaxin o̱ tsango titikaꞌonna ndo Dio, méxin koxruenꞌen xi jiꞌi?

Hechos 3:6

Ko ndo Pedro ndachro ndo: ―Chondaꞌi chika plata ko oro, ko ti chonda xrotjáꞌa. Juachaxien ndo Jesucristo, ndo tjajna Nazaret, tingatjen ko itjia.

Hechos 4:10

Méxin, tinꞌennta jian ngeꞌe xrondachrja̱n ixi kainnta ni tjajna Israel tsonoꞌanta ixi xi jii ntiꞌi koxruenꞌen xa ixi juachaxien ndo Jesucristo, ndo tjajna Nazaret, ndo kuenitonta nta̱cru, ko tjumeꞌe ndo Dio juinchexechón ndo ndo.

Hechos 5:35

Tjumeꞌe nichjeꞌe xa kain xi tetuanꞌan ko ndachro xa: ―Jaꞌanta ni israelita, xraxaonnta ngeꞌe sinchekuunta sen jiꞌi.

Hechos 6:14

Kuinꞌanna chronga xa ixi xi Jesús, xi tjajna Nazaret, sinchetjáña xa ningoina ntiꞌi ko tsindoxin xa ngeꞌe titikaonna ti tsinichja ndo Moisés.

2 Corintios 12:12

Ti konchrjeꞌana juintaꞌa ixra̱ ngakjenꞌennta ko kain ixra̱ ijié ko kain ixra̱ chaxro juintaꞌa ixi juachaxien ndo Dio ixi janꞌan nduaxin naa apóstolna.

Hebreos 2:4

Ko ndo Dio juako ndo ixi nduaxin chijni meꞌe ko juincheꞌe ndo itsjé ixra̱ ijié ko chjai̱na ndo juachaxin tajon Espíritue ndo ko kain jiꞌi konꞌen xranchi jeꞌe ndo tjaun ndo.